O Kandɔɔ 47:9 - BII BILA

⁹ Mí Yakɔb muli aa: «Vɔsila ya tosa o kelaa nin-ndan la co kɛmɛ a beleyaa. Palɛi ya tosa o ceendo coo-e co ibɔɔ le, palɛi dɛnɛ palɛi i yɔŋnun ni. I suilinin vɔsilan mɛɛ fuɲa nuu a fuɲa ni mamaa a cii lan o kelaa nin yɛ le.»

O Kandɔɔ 47:9 Referans Kwoze

Condii lisai 39:12

Le vanacieo mingio o nɛi n bandìla ndu ni, ma tuisi ndu sangaa coo le tɛɛmbuula ndɔlan, ma siɔŋi ɲɛ o kɛsi kɔllo coo-o mɛɛ kaangoa sɔam ɲɔɔ nuaa yɛ. Hoeiye daama vanacieo co ni.

O Kandɔɔ 35:28

Isaak ciiyo vɔsilan kɛmɛ a belaŋɔmaa,

Condii lisai 39:5

‹Éé Mɛlɛka! Cɔm ya mɛɛlula ceen nuu. Cɔm ya mɛɛ palɛi n kelu le yoomu nuu-e co yɛ, haliko mi sina mɛɛ ya connun ɲɛ nɛi itambu loo yɛ.

SƐBƐ YƆB-O 14:1

Vanacieo, o vanalanɔɔ velu-o, palɛi ndɔɛi bendu le, palɛi kɔl tambɛiye i co vɛlɛ ni.

Yosue 24:29

Sɔɔn mún cuvɔɔ kpede, mí Yosue po Nun-ndo, vana baala Mɛlɛka-o vu. Vɔsilan kɛmɛ a tɔ́ ndóò nɔ ni mó sɔla piɔ́mndo.

Tɔŋ miingua 34:7

Moise ndóò nɔ vɔsilan kɛmɛ a bidiin mó vu, kɛ a kon kpow punda ndóò cel ndu o lahɔl te, ndóò fula mayoomu le.

Fulaa 7:7

Telen nda kɔ soo o Faraɔnnɔɔ lo-o, Moise ndóò nɔ vɔsilan belaŋɔmaa, Aarɔn ndóò nɔ belaŋɔmaa a layàá.

Fulaa 6:4

O kon kɔɔli, mí yiilu nda kpemaa le nda lɛŋnde Kanaan-nden yɔngoo, lɛŋnde nda va icali nin o sumialle len pɛɛn.

O Kandɔɔ 50:26

Yosɛf ndóò nɔ vɔsilan kɛmɛ a tɔ́, mó vu. Má veesiaa ndu, má kɛsi dialun ndɔn o kesu nda toosiaa a powtan-ndo nin, o lɛŋnde Esipte len nin.

1Piɛr 2:11

Niaa vanaa hɛnan ya-a, i co niaa sila, niaa co mialla a vanaa hiavannda o lɛŋnden coo-a, la kpakpala yeeman falun co kɔlta niaalan cɔlɔbaa-on.

Nsaki 4:14

la sínà bɛɛ mɛɛ ceen niaa vanin siɔdii le. Maa hangulu niaa co ni, o fula pɛ le telen bingi o kon kɔɔli o kiolu.

Condii lisai 119:54

Nɛɛ-nɛɛ ya cal pɛ isumial, o silala nɔmndan coo ya condu ni.

Condii lisai 119:19

Miallo ya co o lɛŋnden coo ni, vin ya tɔŋnda nɔmndan te.

O Kandɔɔ 47:28

Mí Yakɔb tosa vɔsilan tɔ́ a laŋɔmmɛw Esipte. O cii yoomu o ceendo coo kpow vɔsilan kɛmɛ belehiɔɔlu a laŋɔmmɛw.

O Kandɔɔ 11:11

Mɛɛ o velu Arpaksad, mó cii vɛlɛ vɔsilan kɛmɛ leŋuɛɛnu, mó vialu cuavaa celen: a piaandua a à laandua.

Hebreea 13:14

Kani n nɔ calta fɛɛn-fɛɛn o ceendo coo nanu le, ciee bɛndu co naa laci-o naa n co nuwviaa ni.

1Dɛnnda lemasalan 29:15

Mɛɛ fuɲaa naa mamaa kpow a yɔŋnun yɛ, naa bɛɛ mialla a vanaa hiavannda naa n co nɔm o hɔl ni. Maa levundu palɛi nɛi i co o lɛŋnden coo ni, n nɔ tiindan kɛ́-kɛ̀ le.

O Kandɔɔ 5:27

O cii vɔsilan kɛmɛ leŋɔmahiɔɔlu a belaŋɔmpum a laŋɔmahiɔɔlu malan o vu.

2Korɛntea 5:6

Lelan, yoomuan ma co naa o n'dial lɔ́ɔ́-lɔ́ɔ̀, n sínà vɛlɛ maa te n co vɔ pɛ o dialun ivanacieeyan nin, mɛɛ Mɛlɛka naa n co levil lende ni.

O Kandɔɔ 47:8

Mí Faraɔnnɔ kon ɲuna ndu aa: «Vɛɛ n cii yɛ nin vɔsilan?»

Condii lisai 39:13

Mɛlɛka, tuei piɛile nilen, ma yaŋ nilan o cɛɛŋɔnnda nilan. Meilul-la o koŋul nuu nin te. Kani miallo ya co o nɔm ndo ni, vana hiawnanndo ya co nin mɛɛ fuɲaa nia mamaa yɔŋnun vanaa hiawnannda yɛ.