O Kandɔɔ 47:7 - BII BILA

⁷ Mí Yosɛf hun vɛlɛ a Yakɔb fuɲa ndɔ le ndu Faraɔnnɔɔ cɔmndo. Mí Yakɔb yil masa kalaa a bɛɛlen.

O Kandɔɔ 47:7 Referans Kwoze

O Kandɔɔ 47:10

Mí Yakɔb yil vɛlɛ Faraɔnnɔɔ a bɛɛlen, mó kɔannun.

1Piɛr 2:17

La ke vana-vana bɛɛlen, la kaola puapilɛa niaa vanaa laalannda, la vo Hala mì la ke masaa bɛɛlen.

Luke 22:19

O kon kɔɔli, mí Yeesu cua buloo. Mɛɛ o cii balikaa malɔɔ, mó yimiyimi ndu, mó yɔngu nda ndu a dimio aa: «Dialun nun co mun ni, n yɔngun le niaa-on. La va hoo tosaa le loonɔnndo a ya o kɔɔ.»

Matie 26:26

Tuma nda va ɲɛdiaa dioo-o, mí Yeesu cua buloo, mó dɔaw ndu duaa, mó yimiyimi ndu, mó yɔngu kaandeŋaa ndɔa, mó dimul nda aa: «La bii mì la de, dialun nun co mun ni.»

2Masaa 4:29

Mí Elise dimul Kehasi aa: «Yiinun yáwlen o caŋ, mà bii tinda nuu o ba, mà kɔɛ. La bɔŋan bɛɛ niaa vannda, yil nda le. Vana yil vɛlɛ nɔm bɛɛ, muli le. A tiiya pɛ, a kɔ keeliaa tindaa poombɔ kalaa o hɔl.»

1Masaa 1:47

Hali vanaa ndɔa baalaa kɔ yil nihau masaa David nuvalio, má dimi aa: ‹Màá Hala nɔmndo soli Salomɔn tɔ́ɔ́ hiovɔɔ tɔ́ɔ́ nɔm óò nɔ-o coo! Màá o luei masale ndɔlen yoomuan hiovɔɔ masale nɔm óò nɔ len coo!› Mí masaa David tundun o kpele ndɔɔ coo,

2Samiɛl 19:39

Mí masaa dimi aa: «I tuei, n co lakɔ naa Kimham, mì kɔ bii ndu mɛɛ n yeema yɛ. Ɲɛ-ɲɛ n yeema pɛ ya o ba, nɔm dimul-la kínɛí, mì tosal nɔm kon.»

2Samiɛl 14:22

Mí Yoab cal masaa o labɛngunin, mó tundun, mó tiiya bollen lɛŋ dí, mó mel ndu balika, mó dimi aa: «Masaa, i sina maa a ce ya hau ɲia, kani nɔm vana ni bɛndoo cɛl le ɲɛ ya tuu-o tosaa.»

2Samiɛl 8:10

mó viam Yoram po ndɔ o David lo, mó yoo ndu ɲɛm cɔwnun a volion, a sianion a á daɲan-ndon le ndu yilɔɔ a le ndu nuvalio yilɔɔ le cɔlɔba o cɔlɔba Hadadesɛr mó nɔla ndu-o. Kani cɔwvo va Toi nda Hadadesɛr tɛɛn.

1Samiɛl 2:20

Nduyɛ, Helii va Ɛlkana nda laa ndɔ duaa dɔvɔɔ aa: «Màá Mɛlɛka ke niaa cuavaa celen niaa lanɔɔ ho o fonda Samiɛl-lo, o ó yɔngu le vali ndɔɔ-o pɛɛn!» Ndóò cii pɛ nda duaa dɔvɔɔ lende, ndáà muungu o nda lo.

Yosue 14:13

O kon, mí Yosue dɔaw Kalɛb, po Yefune-o duaa, mó ke ndu lɛŋnde Hebrɔn-nden kɛ́ɔ.

Fulaa 12:32

La cua vɛlɛ cɔlua niaa kpede mɛɛ niaa dimi yɛ, mì la kɔɛ a nda. Ya bɛɛ la dɔw ya duaa.»

O Kandɔɔ 35:27

Mí Yakɔb muungu Isaak fuɲa ndɔ ikɛi Mamre, Kiriat-Arba ciee, ciee kon nɔ hau diolan ni aa Hebrɔn, lon Abraham nda Isaak kei calle ni.

O Kandɔɔ 47:8

Mí Faraɔnnɔ kon ɲuna ndu aa: «Vɛɛ n cii yɛ nin vɔsilan?»

Yosue 22:6

O kon mí Yosue dɔaw nda duaa, mó mal nda, má muungu o la nda lo, o cɛila-kolala-toandaala ndalan nin.

1Masaa 8:66

O paale ŋɔmaandɔlen coo, mí masaa Salomɔn dimul nda le muungoo o la nda lo, má dɔawnun ɲaale, má mel masaa balika, má dɔaw ndu duaa. O kon mí vana-vana muungu o ndu lo bɛɛ a kɔlkɛndɔɔ le kɛndɛi Mɛlɛka ndóò tosal David vana ndɔ baalaa a vanaa ndɔa-e, Israɛlla pɛɛn.

O Kandɔɔ 14:19

Mó dɔaw Abram duaa, mó dimi aa: «Màá Hala-Hiow-Ɲɔɔn-Kpow-vo, o cɔw halataala a lɛŋnden-ndo dɔw nɔm Abram duaa!