O Kandɔɔ 47:25 - BII BILA

²⁵ Má dimul ndu aa: «A mingi naa yoomoo o milin. Kani a tosal naa dɛnɛ kɛndɔɔ. N cɛl le siŋnɔnndo cɛa Faraɔnnɔɔ.»

O Kandɔɔ 47:25 Referans Kwoze

O Kandɔɔ 33:15

Mí Esau tuu aa: «Te lende ni, mɛɛ i co nɔm vanaa ya hin-nda mel a tiŋ.» Mí Yakɔb muli aa: «Hali ma mɛi vana le, o ya haw ba-o tuŋ co ni mì vana nɔm ni bɛndoo naŋ kɔl a ya.»

Ruti 2:13

Mí Ruti dimi aa: «Nuvali vana ni bɛndoo, a ce ya bɔɔ ɲia, a ɲɔɔlu ya kɔllo nin, nduyɛ i sulan bɛɛ a buɛyaa nɔmaa laandua ha o pilɛ le.»

O Kandɔɔ 50:20

Niaa, niáà tuu le ya dɛnɛ vɔɔndo tosallo. Kɛ o dɛnɛ niaa tosa-o nin, mí Hala ndu tuu le ya dɛnɛ kɛndɔɔ mingullo le ɲɛ co hoo hau tosanndo-o peeloo, haliko mi yoomu vanaa bɔɔ-bɔɔ sɔla baŋaa.

O Kandɔɔ 41:45

Mó ke Yosɛf diolan aa Safnat-Panea, mó ke ndu lanɔɔ, diolan Asnat, cua Poti-Fera va vana-solia-lasálàá Ɔn-ndo. Mí Yosɛf can, mó kɔa lɛŋnde Esipte len mɛɛndanndo.

O Kandɔɔ 18:3

mó dimul nda aa: «Vanaa nia bɛndua, a yandi, la kei ya vana baala niaa ikɛi mì la hiownun lende le.

O Kandɔɔ 6:19

A bɛnda ma lueinun visia a cɔlua súúlan kpow ikɛi o dɛ̀ndɔ̀ɔ́ nin. Visia súú-súù n va pɛ lueiyo, a luei o piaandoo a o laandoo, haliko mi kan lo yoomu.

O Kandɔɔ 47:24

Kɛ te la kow pɛ, la yɔngu Faraɔnnɔɔ ipilɛ o kunda ŋuɛɛnu oo kunda ŋuɛɛnu coo. Mì kundala hiɔɔlu-hiɔɔlulan la lo le yɛiye a le balo niaa niaa pilaa, le balo cuavaa niaa a le balo vanaa vanin niaa o bɛngu coo-a kpow.»

O Kandɔɔ 47:26

O sɔɛi ken coo, mí Yosɛf handu tɔŋndo le lɛŋnde Esipte len kpow, tɔŋ kon co vɔ háá hau: vana-vana kow pɛ ciɛi ndɔɛi, o soli ipilɛ o ŋuɛɛnu oo ŋuɛɛnu coo le Faraɔnnɔɔ. Fɔ yondola vanaa-solia-lasálàá kínɛí la luei o ba masa kon bɛngu le ni.

O Kandɔɔ 32:6

O sɔla nawva, sofɛlɛa, saa, cuinnda, buɛyaa piaandua a à laandua. Lelan o vem naa o nɔm ndo ni haliko ma cɛl ndu.»