O Kandɔɔ 47:23 - BII BILA

²³ Mí Yosɛf dimul vanaa o pendu kan-nda aa: «I cii niaa hau piondɔɔ a yondola niaalan latulu le Faraɔnnɔɔ. Lelan, la ce yɛiyon le saŋɔɔ o ciɛɔn niaan nin le mun vàá.

O Kandɔɔ 47:23 Referans Kwoze

2Korɛntea 9:10

Hala, o yɔ̀ngu vana saŋaa yɛiye mò yɔngu ndu vɛlɛ ɲɛdiaa le dioo-o yɔngunin niaa yɛiye le saŋɔɔ, mò kui ndu. O kon kɔɔli, mò kui kɔmnde dɛnɛ sandaa niaa.

Matie 24:45

«Ɔ́ɔ̀ vana baala kɔlkalu lò kon o diomnden coo-o, ò vana ndɔ bɛndoo handu buɛyaa ndɔa bollen le nda baloo keo o telen bɛnda-o-o?

Esai 55:10

Piɔɔ a mɛmma n'kpungban ma cɛn pɛ coocoo mi ma tol, ma muungu fúú le fɔ mi ma pɔɔliaa lɛŋnden, mi ma yɔwviaa len, mi ma tosa mi tɔlɔɔlan la vil lecoo. Fɔ mi ma yɔngu vana saŋaa kɔmnde ɲɛ o saŋ-ndo, mi ma yɔngu vana co dioo-o ɲɛdiaa.

Vana Kɔlkaloo 11:6

Le sɛ dɔ́ɔ́ pɛ, a saŋ yɛyii nɔmnde, háá icɔllo kɛ́sì ba nɔmndo pɛngio le. Kani a sinà n naŋnin te, ko ba pilɛ ni, ko kpow yɛ ni. Ko mun kpow yɛ ni, a sina le.

Talelan 13:23

Vana bala fondoo vàá pɛ ciɛi o sɔla baloo taw. Kɛ vana sendu loo ndu, yoomuma ndɔan ma co hiɔlɔnndo mapɔm-pɔmbɔ.

Talelan 12:11

Vana váá pɛ ciɛi ndɔɛi, ndu sɔla baloo taw. Kɛ vana del pɛ sɔɔn fondon kɔɔli, mɛɛ ndu pe lebol te.

Talelan 11:26

Vana kɛɛ pɛ le malun ndɔn pisio, vannda dɔw ndu danga. Kɛ vana pisi pɛ malun ndɔn, vannda dɔw ndu duaa.

Condii lisai 112:5

Vana sɔvɛɔ nɔ ɲííye, a kɔlkɛndɔɔ o dɔnda vana ɲɔɔ ni, mò bii tɔŋndan o dɛnnda ndɔlan nin.

Condii lisai 41:1

Condii David-e, í fula o condun simlacinɔ vanaa n'condua nin-nde.

O Kandɔɔ 45:6

Bau, o co nihau vɔsilan tan tiɔn, yima fofolan ma co o lɛŋnden nin, o lo vɛlɛ vɔsilan laŋuɛɛnu, vana veenin iciɛɛ le, vana kuwnin vɛlɛ ɲɛ-ɲɛ le.

O Kandɔɔ 41:27

Navaa ŋɔmmɛvaa vɔɔŋaa ɲavɛyaa fula a tasea kɔɔli-a a yasala ŋɔmmɛwla foofiɛila hoeiye veesiaa lan, tɔɔmaseloo co kon le vɔsilan laŋɔmmɛw ni, vɔsila yima fofolan la vanin ni.

O Kandɔɔ 47:22

Yondola Yosɛf pindu le lan kínɛí la yɔŋnun yondola vanaa-solia-lasálàá ni, kani masaa pila kelu lende ni. Nduyɛ, a ɲɛm Faraɔnnɔɔ va nda yɔngoo-on vanaa-solia-lasálàà kan va baloo dɔwnɔnndo ni. Lelan, nda pisi yondola ndalan te.

O Kandɔɔ 47:24

Kɛ te la kow pɛ, la yɔngu Faraɔnnɔɔ ipilɛ o kunda ŋuɛɛnu oo kunda ŋuɛɛnu coo. Mì kundala hiɔɔlu-hiɔɔlulan la lo le yɛiye a le balo niaa niaa pilaa, le balo cuavaa niaa a le balo vanaa vanin niaa o bɛngu coo-a kpow.»