O Kandɔɔ 47:22 - BII BILA

²² Yondola Yosɛf pindu le lan kínɛí la yɔŋnun yondola vanaa-solia-lasálàá ni, kani masaa pila kelu lende ni. Nduyɛ, a ɲɛm Faraɔnnɔɔ va nda yɔngoo-on vanaa-solia-lasálàà kan va baloo dɔwnɔnndo ni. Lelan, nda pisi yondola ndalan te.

O Kandɔɔ 47:22 Referans Kwoze

Ɛsdras 7:24

N co niaa vɛlɛ dimul kpendekele maa n kuuna niaa le muloo, ɲɛm solian a sala hiavaa biyɔɔ vanaa-solia-lasálàá, leviia, vanaa ɲɛ-caa, kpalilaa cumulaa ladioa, buɛyaa Cɛi-Halaa a vanaa baalaa co o Cɛi-Hala-o nin-nda kpow o ba.

1Timote 5:17

Kaasoŋaa kɔlkalua co sɔɔn vanaa laalannda simndan laci ɲɛkɛndɛi-ya a nɔ bɛɛlen sala tiɔn, kɛ taama-taama a co diom Hala-o dimio mà va ndu vannda pɛɛkoo-a.

2Tesalonikea 3:10

Nduyɛ, telen naa n va o niaa lo-o, mí n dimul niaa aa: «Vana yeema baala le, mɛɛ ndu dia le.»

Kalatea 6:6

Vana nda co Sɔɛi Hala-e pɛɛkoo-o bɛnda mò piɔw ɲɛm ndɔn nda vana co ndu pɛɛkoo-o.

1Korɛntea 9:13

Niaa pila sínà maa vanaa co baalaa o Cɛi-Hala-o nin-nda, o cɛi kon nin koni nda sɔla ɲɛdiaa ndaa ni. Vanaa co sálàlan solio o fonda-loamaa-lasálàá coo-a bɛɛ, o sálàla lan nin ɲɛ nda diaa fula ni.

Matie 10:10

la cua bɔlɔ kelaa le, la cua domala bɛndula tiɔn te, la cua lasamta le, la cua lesion te, kani vana baalaa bɛnda mò sɔla balo ndɔɔ.

Nehemi 13:10

Mí tuɛi vɛlɛ maa leviia a vanaa solia n'condua va baalaa-a mal baala ndaa, mí vana-vana muungu vali yondoo, kani a ve lɛ ɲɛ kelun le nda-o sɔla le.

2Samiɛl 8:18

Benaya, po Yoyada-o va simlacinɔɔ le Keretiia a Peletiaa va o kunda kpalilaa bɛ́ɛ̀ lemasaa tɛɛn-nda ni. Poaa David-a bɛɛ vanaa-solia-lasálàá nda va ni.

Tɔŋ miingua 12:19

Mɛ̀ɛ́-mɛ̀ɛ́ niaa viow o lɛŋnde niaale len nin, la caa taw, yɔŋii niaa pɔɛɛnun leviia.

O Kandɔɔ 41:50

Tuma pá mí yima fofolama man ma luɛi, mí Asnat, cua Poti-Fera va vana-solia-lasálàá Ɔn-ndo vilul Yosɛf poaa nda ŋiɔn.

O Kandɔɔ 41:45

Mó ke Yosɛf diolan aa Safnat-Panea, mó ke ndu lanɔɔ, diolan Asnat, cua Poti-Fera va vana-solia-lasálàá Ɔn-ndo. Mí Yosɛf can, mó kɔa lɛŋnde Esipte len mɛɛndanndo.

O Kandɔɔ 14:18

Mí Mɛlkisedɛk, masaa Salɛm, ó va vana-solia-lasálà Hala-Hiow-Ɲɔɔn-Kpow-vo-o hun a buloo a á mɔiyan.

O Kandɔɔ 47:21

Mó siinguu vanaa kan kpow pɔtɔlla, kandɔɔ lɛŋnden kpengei pilɛ háá kpengei pilɛi.

O Kandɔɔ 47:23

Mí Yosɛf dimul vanaa o pendu kan-nda aa: «I cii niaa hau piondɔɔ a yondola niaalan latulu le Faraɔnnɔɔ. Lelan, la ce yɛiyon le saŋɔɔ o ciɛɔn niaan nin le mun vàá.

O Kandɔɔ 47:26

O sɔɛi ken coo, mí Yosɛf handu tɔŋndo le lɛŋnde Esipte len kpow, tɔŋ kon co vɔ háá hau: vana-vana kow pɛ ciɛi ndɔɛi, o soli ipilɛ o ŋuɛɛnu oo ŋuɛɛnu coo le Faraɔnnɔɔ. Fɔ yondola vanaa-solia-lasálàá kínɛí la luei o ba masa kon bɛngu le ni.