O Kandɔɔ 47:15 - BII BILA

¹⁵ Mɛɛ volion cuu Esiptea a Kanannda o ba, mí Esiptea hun o Yosɛf lo, má dimul ndu aa: «Yɔngu naa ɲɛdiaa mì n de. Vɛ̀ɛ̀ le tùú naa n nɔ lɛ n'voli loo n co naa tofaa ho mì n va cuuo a yiaan nɔm o hɔl ni?»

O Kandɔɔ 47:15 Referans Kwoze

Matie 6:11

Yɔngu naa n diaa lepalaa-lepala-o le paalen nden hau.

Condii lisai 37:3

Laalan Mɛlɛka, mà tosa dɛnɛ kɛndɔɔ. O kon, a calnunnin nila ɲulu o lɛŋnden nin, ma dɔwnun balo a vanakɛndɛyɛi.

1Samiɛl 25:8

O ɲuna pɛ nda, nda pila co ndu dimul. Lelan aa o pɔɛɛnun naa le paale kafo len nden te. Ɲɛ-ɲɛ o nɔla pɛ sɔla, o ke niaa le niaa pila a le ya David po ndɔ.»

1Samiɛl 21:3

Mí David mulul ndu aa: «Masaa vem ya ni, mó dimul-la aa vana-vana bɛnda mò sina kɔlɔ o co ya viomɔɔ-o a sɔɔn o dimul-la-on te. Lelan ya mel langbaa nia lɔ́ɔ́ mì n bɔŋan naa ndaa nɛɛ pum ni.

Masaa kialaa n'yamaa 8:8

Cɔnɔnndo lon, mó hel Penuɛl, mó kɔ piɛi vɛlɛ vanaa va lon-nda ɲɛ pilɛ kon, kɛ muli Sukɔtea muli-o koni nda bɛɛ mulul ndu ni.

Masaa kialaa n'yamaa 8:5

Ndáà tiiyaa Sukɔt, mí Sedeɔn dimul vanaa va lon-nda aa: «La ke ya bulu tiilanndo le vanaa ya hin haa kɔɔli-a, kani a sanga nihau taw, masaa Madiannda naa n co tovɔɔ ni, Seba nda Salmunna pɛɛn.»

O Kandɔɔ 47:24

Kɛ te la kow pɛ, la yɔngu Faraɔnnɔɔ ipilɛ o kunda ŋuɛɛnu oo kunda ŋuɛɛnu coo. Mì kundala hiɔɔlu-hiɔɔlulan la lo le yɛiye a le balo niaa niaa pilaa, le balo cuavaa niaa a le balo vanaa vanin niaa o bɛngu coo-a kpow.»

Esai 33:16

Vana súú vaa lendeo ndu calnin o fondala yesalan coo ni, powta kpovala bɛndulan la vanin calta ndɔlan ni, ɲɛdiaa yɔngunin ndu mì mɛnndan ma kennun ndu.

O Kandɔɔ 47:16

Mí Yosɛf dimul nda aa: «Te la nɔ lɛ n'voli le, mɛɛ la yɔngu ya cɔlua niaa nɔ-a mì ya i ke niaa ɲɛdiaa sɔ̀ngɔ́ cɔlua niaa kan.»

O Kandɔɔ 41:36

Ɲɛdiaa nda cuungiaanin kon-ndo vanin o mandaa le lɛŋnden kpow o vɔsila ŋɔmmɛwla yima fofolan ma toalnin Esipte coo lan bɛngu ni. O kon, vanndacieea vi lɛnin a yiaan te.»