O Kandɔɔ 47:12 - BII BILA

¹² Mó yɔngu nda a yungu fuɲa ndɔ-o kpow ɲɛdiaa mɛɛ ndáà nɔ bahavɛiyo yɛ a mɛɛ vanndacieea va nda o ba le baloo yɛ.

O Kandɔɔ 47:12 Referans Kwoze

O Kandɔɔ 45:11

A co va lon mò toosiaa kpekula nɔmndan, yɔŋii bolofaa niaa cuu, mì la lo bala fondo niaa yungu nɔmndo a ɲɛ-ɲɛ co nɔm o ba. Kani o lo vɔ vɛlɛ vɔsilan tan ŋuɛɛnu malan yima fofolan man ma cuu.›

1Timote 5:8

Te vanndo mulul vanaa ndɔa hɔlla le, kɛ taama-taama yungu ndɔɔ, mɛɛ o mal laalanndo, vana vaa lende hiow levɔw a vana laalan too.

1Timote 5:4

Kɛ te vanalanɔ pɔnɔ ndɔ vi-o nɔ pɛ cuawva, te kon te mò nɔ cuavaa-imamaa, cuavaa kan bɛnda mà tosa dɛnndan mɛɛ laalan ndaa co yɛ. O kon, a mingi ɲɛ fuɲaa ndaa mamaa tosal nda-o. Kani kon hɛnan Mɛlɛka ni.

1Timote 4:8

Kani diallon kindio naŋ, kɛ kon nɔ tɔnɔ bɔɔ le. Siòòŋii Hala-e nɔu o dɛnndan kpow nin hiow naŋɔɔ polon, kani kon yɔngu naa tiindanndo sɔlaa le ceendo ho sunsun a le ceen hunnin-ndo ni.

1Tesalonikea 2:7

Nduyɛ, le mɛɛ naa n co kiilaa Yeesua yɛ, naa n tiwba mí naa simul vannda, kɛ mí n yɔŋnun vanaa ikɛndɛa niaa tɛɛn mɛɛ kalacuaa nɔ hɔlten cuavaa ndɔa coo nuaa yɛ.

Ruti 4:15

Poo ho kenin nɔm yoomuma sɛnɛi, mó hun manda nɔm o yuuvɛi nin. Kani lanɔ kaola nɔm-ndo velu ndu ni. Lanɔɔ ho co fisa le nɔm hiovɔɔ poaa nda ŋɔmmɛw coo.»

Fulaa 20:12

La ke fuɲaa niaa a kalaa niaa bɛɛlen, haliko mi la viow yoomu o lɛŋnde Mɛlɛka Hala niaa co niaa yɔngu len coo.

O Kandɔɔ 47:24

Kɛ te la kow pɛ, la yɔngu Faraɔnnɔɔ ipilɛ o kunda ŋuɛɛnu oo kunda ŋuɛɛnu coo. Mì kundala hiɔɔlu-hiɔɔlulan la lo le yɛiye a le balo niaa niaa pilaa, le balo cuavaa niaa a le balo vanaa vanin niaa o bɛngu coo-a kpow.»

O Kandɔɔ 47:21

Mó siinguu vanaa kan kpow pɔtɔlla, kandɔɔ lɛŋnden kpengei pilɛ háá kpengei pilɛi.

O Kandɔɔ 47:1

O kon mí Yosɛf kɔa o Faraɔnnɔɔ lo, mó kɔ dimul ndu aa: «Fuɲa nuu nda puapilɛa nia cɛn o lɛŋnde Kanaan-nden nin, má hun a saa ndaa, cuinaa ndaa, navaa ndaa a ɲɛ-ɲɛ co nda o ba. A co o tàndàá Kosɛn nin.»

O Kandɔɔ 50:21

Lelan, siòòŋii bii niaa le, i co bala havɛila niaalan a bala havɛila cuavaa niaa toosiaa kpede.» Lende o kɛsi nda kɔltan ni, mó soaa o nda lo a canyɛi.

O Kandɔɔ 45:7

Hala vem ya niaa laci nanu le niaa malaa ni, haliko mi la lo yoomu o lɛŋnden nden coo, mì la sɔla baŋan kɔndɔfillo.

O Kandɔɔ 45:10

A kɔɛ pɛ, a kɔ va icali o tàndàá Kosɛn nin, le vaa ndu Yosɛf macɛlu niaa cuavaa nɔmnda, cuavaa-imamaa nɔmnda, saa, cuinnda a navaa nɔmnda, a ɲɛ-ɲɛ co le nɔm.

Esai 22:24

Ndu vanin ɲɛ tiindanndo le biilu cɛi fuɲa ndɔ-o kpow ni, kandɔɔ a lɛwvon, lɛɛndon, ɲɛm-laandun pɔm-pɔmbɔn, hɛngɛilan kɔ bii a bonyon, ɲɛ-ɲɛ vanin ndu o ba bɛngu.»