O Kandɔɔ 46:2 - BII BILA

² Mí Hala soaa o ndu lo icɔllo, mó veelu ndu aa: «Yakɔb! Yakɔb!» Mí Yakɔb cɛl aa: «Yoo. I co nɔm lani.»

O Kandɔɔ 46:2 Referans Kwoze

O Kandɔɔ 15:1

Mí Mɛlɛka cɔmnun Abram o vundulen nin, mó dimul ndu aa: «Yɔŋ isiòòn te Abram. Ya co vana kanda nɔm-ndo ni, vɔ̀ngɔ̀ nɔmndo vanin o bɔɔ.»

Dɛnnda kiilaa 16:9

Icɔllo pum, mí Pol ca vundulen: mí Maseduannɔɔ pum sim ndu o hɔl, mó tɛɛlun ndu aa: «Hun Maseduan mà mala naa.»

Dɛnnda kiilaa 10:3

Paale pilɛ, lɛɛlɛ yàándɔɔ vaa le tiiyaa a paale yɔngannden, mó ca mɛlɛkanɔ Hala-o luɛyɔɔ o ndu lo cɛinin o vundulen nin, mó dimul ndu aa: «Kɔrnɛil.»

Dɛnnda kiilaa 9:10

Kaandennɔ pilɛ va Damas diolan Ananias. Mí Mɛlɛka cɔmnun ndu o vundulen nin, mó veelu ndu aa: «Ananias», mó muli aa: «Má cè ya, Mɛlɛka!»

Dɛnnda kiilaa 9:4

Mí Sol del lɛŋ, mó tuɛi diomndo pum ndu dimullo aa: «Sol, Sol, le yɛɛ nɛ n co yɛ ya yɛlen tol-lo?»

Daniɛl 2:19

Mí dɛnɛ kaamaa kon cɔmnun Daniɛl o vundulen nin icɔllo. O kon, mó lisa Hala co o halataala-o aa:

SƐBƐ YƆB-O 4:13

telen lɔma sɔlaan ma kela icɔl-lo, tuma diallon vu vanndacieea lɔ́ngùlɔn-ndo,

2Dɛnnda lemasalan 26:5

Telen Sakari, vana va ndu pɛɛkoo a sɔɛi Hala-e o kɔɔ-o va yoomu-o, Osias va kelaa o hɛnan Mɛlɛka-o coo. Le hee, mí Hala va kpekula ndɔlan nɛŋio.

1Samiɛl 3:10

Mí Mɛlɛka hun sim vɛlɛ o fonda pilɛ kon, mó veelu aa: «Samiɛl! Samiɛl!» Mí Samiɛl muli aa: «Soo, vana nɔm baalaa co nɔm lani.»

1Samiɛl 3:4

Mí Mɛlɛka veelu Samiɛl. Mí Samiɛl cɛl aa: «Yoo!»

Kundalan 24:4

Ya ni, ya tuɛi sɔɔn Hala-on-ndo sɔɛi he co fulaa o sondo nuaa ni. Ya ca vundule Vana-Kpaayaa-Kpow len-ndo co sɔɛi nuaa ni. Ya dèl lɛŋ mì ca sɔɔn viannanndon ni, kani i va ndu pɛ biiloo, o cɔmnun ya.

Kundalan 12:6

Mó dimul nda aa: «La yaŋ-ndɔ nilan o sɔɛi ya co niaa dimul-le. Te vana-tɛɛngaa-diom Hala-o va pɛ niaa tɛɛn, o vundulen nin ya cɔmnun ndu ni, o lɔma sɔlaan nin ya soaa o ndu lo ni.

O Kandɔɔ 31:11

Mí mɛlɛkanɔ Hala-o veelu ya o lɔma sɔlaama man nin aa: ‹Yakɔb.› Mí cɛl aa ‹Yoo.›

O Kandɔɔ 22:11

O kon mí mɛlɛkanɔ Hala-o veelu ndu coocoo aa: «Abraham sei. Abraham sei.» Mí Abraham cɛl aa «Yòó!»

O Kandɔɔ 22:1

O sɔɔn mun kɔɔli, mí Hala tɔɔndan Abraham, mó veelu ndu aa: «Abraham.» Mí Abraham cɛl aa: «Yòó!»

O Kandɔɔ 15:13

Mí Mɛlɛka dimul ndu aa: «Sina pɛngu maa cuavaa nɔmaa imamaa kɔ calnin fɛɛn o sumialle o lɛŋnde pilalen nin. A siinguunin nda cɛa lon ma bɛpɛla nda o vɔsilan kɛmɛ lehiɔɔlu bɛngu.

Dɛnnda kiilaa 10:13

Mí diomndo pum dimul ndu aa: «Piɛr, cɔn, dii mà de.»

O Kandɔɔ 20:3

Kɛ mí Hala hun o Abimelɛk lo icɔllo o lɔma sɔlaan nin, mó dimul ndu aa: «A co piɔ́mndo sɔla le lanɔ n cua hoo-o, kani o nɔ̀u o co ni.»

Masaa kialaa n'yamaa 7:2

Mí Mɛlɛka dimul Sedeɔn aa: «Vanaa hin nɔm haa kɔɔli-a co bɔɔ sɛ́lɛ́ le Madiannda malɔɔ nɔm o ba, yɔŋii Israɛlla kɛɛ ya kuundiaa mì nda pila kuundian mà dimi aa: ‹A ba nàá naa n cinda ni.›

Masaa kialaa n'yamaa 7:9

Icɔl kon, mí Mɛlɛka dimul Sedeɔn aa: «Cɔn ma kɔ del Madiannda coo a cɔwvo o dɔ́ɔ́ngɔ́ ndaa nin, kani i cii nda malɔɔ niaa o ba.

Sakari 1:8

«Cɛi icɔl, mí ca vundulen. Langbanɔɔ pum va icali o so siaŋaa coo, o va o yɔmii pɔmbɔɛi tɛɛn o kpolonndo nin, soa siaŋaa, soa pulpulla a soa humbua va isisi ndu kɔɔli.