O Kandɔɔ 46:1 - BII BILA

¹ Mí Israɛl cua ɲɛ-ɲɛ va ndu o ba, mó bii nɛiyo le kɔlan Esipte. Mɛɛ o tiiya Bɛɛr-Seba, mó solul Hala Isaak fuɲa ndɔ-o sálàlan.

O Kandɔɔ 46:1 Referans Kwoze

O Kandɔɔ 31:42

Te ndóò ve mí Hala Abraham-ndo, Hala Isaak fuɲa ni ndóò ɲiiya o hɔl-lo ndóò ve ya ikɛi le, a va ya hau tovɔɔ mì yáà muungu bala fondo. Kɛ Hala ce mɔnɛi luɛi ya-e a yɔkpa ya yɔkpa o vallo nin-ndo. Lelan, mí ndu pila kialu ciɛi icɔl yamɛi.»

O Kandɔɔ 28:13

Mɛlɛka pila va isisi ndu Yakɔb ikɛi, mó dimul ndu aa: «Ya co Mɛlɛka ni, Hala Abraham fuɲa nɔm mamaa a Hala Isaak-o. Lɛŋnde n co len ihini coo len, i co nɔm len yɔngu niaa cuavaa nɔmaa imamaa.

O Kandɔɔ 28:10

Mí Yakɔb faŋan Bɛɛr-Seba, mó kɔa Haran.

O Kandɔɔ 21:33

O kon kɔɔli, mí Abraham tɔal yɔmndo, tamariio, Bɛɛr-Seba lon. Mó biilu Mɛlɛka, Hala co le fɛɛn a fɛɛn-ndo pɛɛn.

O Kandɔɔ 21:31

Lelan nda ke fonda kon diolan ni aa Bɛɛr-Seba, kani lon nda mɛnan nda ŋiɔn kpow ni.

O Kandɔɔ 21:14

Diimandɔɔ idiiyo púŋ, mí Abraham pena buloo cua, mó vow mɛnndan o bɔlɔ yáw cuinndo nin. Mó handu Akar ɲɛm mun o congú, mó yɔngu ndu vɛlɛ Ismaɛl po ndɔ, mó soli ndu cɛinin. Mí Akar kɔannun, mó kɔ luusian o lɛŋnde veselɛilen Bɛɛr-Seba nin.

SƐBƐ YƆB-O 42:8

La nuwviaa niko navaa tovaa nda ŋɔmmɛw a saa kóndóa nda ŋɔmmɛw, mì la kɔ komal vana ni baalaa Yɔb. Mì la soli cɔlua kan sálà loamaa le tɛɛmbuu niaa tɛɛmbuu-o. O kon, mì vana ni baalaa Yɔb piɛi, mó ɲuna hakio malɔɔ le niaa. I cɛlnin piɛile ndɔle len a kɔlkɛndɔɔ mì mal sanga yáà tuu le niaa tuisio coo le diɔmii niɛi-yo, kani la dimi sɔɛi nii a toɲaa maa vana ni baalaa Yɔb le.»

SƐBƐ YƆB-O 1:5

Te ndáà balu pɛ diolan lende pindo, Yɔb ndóò veelu cuavaa ndɔa kalaa, ndóò dindi nda. Idii púŋ, ndóò pena cɔnɔn, ndóò soli sálà loamaa le nda a pilɛn-pilɛnnda Kani nuaa ndóò dimi ni aa: «Bɔɔle poaa nia tosa hakio pum. Bɔɔle a dimi diomnde tanalen a Hala o kɔlta ndalan nin.» Lende Yɔb ndóò tosa lɔ́ɔ́-lɔ́ɔ̀ ni.

1Samiɛl 3:20

Kon tosa ni mí Israɛlla kpow, kandɔɔ Dan kɔlan tiiyaa háá Bɛɛr-Seba, a sina lekɛ́ndɛi maa vana-tɛɛngaa-diom Hala-o Mɛlɛka siinguu Samiɛl ni.

O Kandɔɔ 35:7

Mó cɔaw fonda-loamaa-lasálàá lon, mó ke fonda kon diolan aa Ɛl-Betɛl (kon co dimio ni aa «Hala Betɛl-lo»). Kani o fonda kon Hala cɔmnun ndu telen o va Esau bɛ ndɔ ɲaanɔnndo-o ni.

O Kandɔɔ 35:3

N co faŋan nanu mì n kɔɛ Betɛl. N tiiya pɛ lon, i cɔw fonda-loamaa-lasálàá le Hala mulul-la piɛilen lɔ́ɔ́ ya va o dɛnɛ palaa nin-ndo-o, ó lo ya ikɛi o kela nuu nin-ndo pɛɛn.»

O Kandɔɔ 33:20

Mó cɔaw fonda-loamaa-lasálàá lon, mó ke ndu diolan aa Ɛl-Elohe-Israɛl (kon co dimio ni aa «Hala co Hala Israɛl-lo ni»).

O Kandɔɔ 31:53

Hala Abraham-ndo a Hala Nahɔr-o co yamanɔɔ naa tɛɛn ni.» O kon, mí Yakɔb mɛnan o diola Hala fuɲa ndɔ ndóò ɲiiya o hɔl-lo.

O Kandɔɔ 22:13

Mɛɛ Abraham heelu hɔlla, mó ca saa kóndóó. Leela ndɔlan la va lakayakayanndan o bɔɔ nin. Mó bii ndu, mó solul Hala ndu sálà loamaa o fonda Isaak po ndɔ-o.

O Kandɔɔ 12:8

Mó faŋan o fonda kon, mó kɔa o lɛŋnde n'pembulen nin, Betɛl a ba paalen le can-ndo, mó kila dɔ́ɔ́ngɔ́ ndɔɔ Betɛl a Ai tɛɛn. Betɛl va a kpengii paalen le del-le, Ai va a kpengii le can-nde. Lon bɛɛ, mó cɔaw fonda-loamaa-lasálàá le Mɛlɛka, mó piɛi Mɛlɛka lon.

O Kandɔɔ 8:20

Mó cɔaw fonda-loamaa-lasálàá le Mɛlɛka sálàá solullo lecoo. Mó cua visia diandaa yɛ́-yɛ́a a yovaa diandaa yɛ́-yɛ́a, mó soli sálà loamaa a cɔlua kan o fonda-loamaa-lasálà kon coo.

O Kandɔɔ 4:4

Mí Abɛl ndu hun a cɔlua tasea cɔlua ndɔa kom-nda, mó solul Mɛlɛka sálàá a visin bɛɛŋun macuɛin kɛndɛ-kɛndɔn. Mí Mɛlɛka cɛl Abɛl a sálà ndɔɔ.

Dɛnnda kiilaa 7:15

O kon kɔɔli, mí Yakɔb muungu Esipte, mó kɔ vu lon, mí fuɲaa naa mamaa bɛɛ a vu.

O Kandɔɔ 45:28

O kon, mí Israɛl dimi aa: «Ɲuna co lɛ ya o sondo le, i sina nihau maa Yosɛf po ni co yoomu. Fɔ mì kɔ del ndu hɔlten malan ya vu.»

Amɔs 7:9

Sooluula cuavaa-imamaa Isaak-a la co itambu, mì cɛila biilaala cuavaa Israɛlla la puusian. I cannin mì kuel polale Yeroboam-nden a mɔɛi cɔwve.»

Yosue 24:4

Mí yɔngu Isaak poaa nda ŋiɔn: Yakɔb nda Esau, mí yɔngu Esau fonda calaa o tàndá n'pemboo Seir nin, kɛ mí Yakɔb nda poaa ndɔa nda tuusun Esipte.

1Samiɛl 8:2

Po ndɔ tasoo va Yɔɛl ni, po ndɔ diinndɔɔ va Abiya ni. Nda va vanaa kialaa n'yamaa Bɛɛr-Seba ni.