O Kandɔɔ 45:6 - BII BILA

⁶ Bau, o co nihau vɔsilan tan tiɔn, yima fofolan ma co o lɛŋnden nin, o lo vɛlɛ vɔsilan laŋuɛɛnu, vana veenin iciɛɛ le, vana kuwnin vɛlɛ ɲɛ-ɲɛ le.

O Kandɔɔ 45:6 Referans Kwoze

O Kandɔɔ 47:23

Mí Yosɛf dimul vanaa o pendu kan-nda aa: «I cii niaa hau piondɔɔ a yondola niaalan latulu le Faraɔnnɔɔ. Lelan, la ce yɛiyon le saŋɔɔ o ciɛɔn niaan nin le mun vàá.

O Kandɔɔ 41:56

Mí yiaan má luɛi o tàndà kon nin kpow. O kon mí Yosɛf kumbi cɛila mandaa ɲɛla va o lɛŋnden nin-ndan kpede, mó va Esiptea baloo pisio o ba. Kɛ mí yiaan ma cɔɔlu vɛlɛ luɛyɔɔ o lɛŋnde Esipte len nin.

O Kandɔɔ 41:54

mí vɔsila ŋɔmmɛwla fofolalan la kandun mɛɛ Yosɛf ndóò dimi yɛ. Mí yima man má tiw o lɛŋnde kpow nin. Kɛ ɲɛdiaa va o lɛŋnde Esipte len nin taw.

Esai 30:24

Navaa vàá a sofɛlɛa vàá vanin lɛŋnden vaa-a, a dianin bil yeela maa ihɛl-lo, bil hɛinunnin a bawla tundanndan a á fɛlɛlan-ndo pɛɛn.

1Samiɛl 8:12

A pum vanin bolle vanaa cɔwva vàá pilɛ, a pum yɛ nda vanin bolle vanaa cɔwva beleŋuɛɛnu. O cuanin a pum le ciɛɔn ndɔn vaa a le tɔlɔɔla ndɔlan kiɔndɔɔ. A tiŋ le ndu ɲɛm cɔwvon cowvo a le ndu ɲɛla ɲaanannda soa nan-ndan cowvo.

Tɔŋ miingua 21:4

a kɔɛ a ndu o pee pɔmbɔɔ vela telen oo telen too, o fonda nda tosa vali loo, o fonda nda seŋ latɔlɔɔ loo, a yem ndu kɛsei lon.

Fulaa 34:21

La tosa baalalan kpow o palɛi ndii ŋɔmpum bɛngu, kɛ paale ŋɔmmɛwndɔlen, la mal baalalan mì la pɛngi. O va telen lavayiaa, te kon te telen koavaa, la bɛnda mì la tosa baala o paale ŋɔmmɛwndɔlen coo le.

O Kandɔɔ 47:18

Vɔsio pilɔɔ, má muungu o ndu Yosɛf lo, má dimul ndu aa: «Vana bɛndoo, nɔm pila sina maa n nɔ lɛ n'voli le, cɔlua naa co nin nɔm o ba, n nɔ lɛ ɲɛ-ɲɛ celen te, fɔ naa pila a yondola naalan.

O Kandɔɔ 37:2

Dɛnɛ yungu ndɔɔ yɔŋnun hoo ni: Yosɛf po ndɔ ndóò nɔ vɔsilan tɔ́ a laŋɔmmɛw, má va saa a cuinnda mandaa nda bɛndaa ndɔa latulu, poaa Bilha nda Silpa-a, laandaa fuɲa ndɔa pɛɛn. Sɔɛi-sɔɛi vɔɔn bɛndaa ndɔa kan ndáà dimi pɛ, ndóò kɔ cɔɔmuu nda o fuɲa nda lo.

O Kandɔɔ 41:46

Ndóò nɔ vɔsilan beleyaa telen nda hin a ndu o Faraɔnnɔɔ lo-o, masaa Esipte pɛɛn. Mó faŋan o bɛ́ɛ̀ lemasaa nin, mó kɔa lɛŋnde Esipte len kpow balɔɔ.

O Kandɔɔ 41:53

Mɛɛ vɔsila ŋɔmmɛwla kɛndɛla ɲɔɔn va kuiyo lan la cuu,

O Kandɔɔ 41:35

Mà cuungiaa ɲɛdiaa vanin fulaa o vɔsila ŋɔmmɛwla kɛndɛlan nin-ndo, mà luei maalon o cɛila mandaa ɲɛlan nin o ba nɔmndo bɛngu. Mà manda mun le vɔsila fofolalaa co hunɔɔ lan.