O Kandɔɔ 45:5 - BII BILA

⁵ Kɛ nduyɛ sisa, mɔnɛi bii niaa le, kɔlta hiilun niaa nin le pisi niaa pisi ya má hun a ya o cɛlen nin nanu-o le. Kani le yoomu niaa baŋaa Hala hivi ya niaa laci nanu ni.

O Kandɔɔ 45:5 Referans Kwoze

O Kandɔɔ 50:20

Niaa, niáà tuu le ya dɛnɛ vɔɔndo tosallo. Kɛ o dɛnɛ niaa tosa-o nin, mí Hala ndu tuu le ya dɛnɛ kɛndɔɔ mingullo le ɲɛ co hoo hau tosanndo-o peeloo, haliko mi yoomu vanaa bɔɔ-bɔɔ sɔla baŋaa.

SƐBƐ YƆB-O 1:21

mó dimi aa: «Fondo ya hin fulaa kala nuu o ipulu ni, fondo koni ya muungunin vɛlɛ lɛŋ ni. Mɛlɛka yɔngu ni, Mɛlɛka poonda vɛlɛ ni, màá biiloo va le ndu Mɛlɛka!»

Luke 23:34

Mí Yeesu dimi aa: «Pua, mal nda haki, kani a sina ɲɛ nda co tosaa-o le.» O kon kɔɔli, má mal siondei le volɔɔla ndɔla cuɛinanndan piɔvanndo.

O Kandɔɔ 47:25

Má dimul ndu aa: «A mingi naa yoomoo o milin. Kani a tosal naa dɛnɛ kɛndɔɔ. N cɛl le siŋnɔnndo cɛa Faraɔnnɔɔ.»

2Korɛntea 2:11

yɔŋii Setana hui naa. Nduyɛ, n sínà yeemɛi ndɔɛi.

2Korɛntea 2:7

Lelan, sunsun, o bɛnda mì la mal ndu haki, mì la luei ndu yoomuan yɔŋii vana kon tambu kɔllo háá mò ŋɔɔcan.

2Samiɛl 17:14

Mí Absalɔm nda Israɛlla kpow a dimi aa: «Sila Husai Arkiinɔ-o hiow bɛnda a sila Ahitofɛl-lo!» Kani Mɛlɛka ndóò yeema le tuu Ahitofɛl-lo tɛɛmbuuo haliko mi ndóò tuisi Absalɔm dɛnɛ palaa coo.

2Samiɛl 12:12

Kani nɔm tosa o vionnɔnndo nin, kɛ ya Mɛlɛka, i mingulnin nɔm ndu Israɛlla kpow o hɔl ipala déŋ.›»

1Samiɛl 1:19

Diimandɔɔ idiiyo púŋ, mí Ɛlkana nda yungu ndɔɔ a kɔ baŋ vulan Mɛlɛka o labɛngunin, malan nda muungu o nda lo Rama. Mí Ɛlkana bɔŋa nda Anɛɛ laa ndɔ o nɔ̀u nin, mí Mɛlɛka yiyan Anɛɛ coo.

Filemɔn 1:15

Bɔɔle le telen bingi koni Onesime ndóò faŋan nɔm ni, haliko ma sɔla ndu niko le lɔ́ɔ́-lɔ́ɔ̀.

O Kandɔɔ 37:28

Tuma yulaa fula kan Madian-nda va hiovɔɔ-o, má nan Yosɛf, má soli ndu o soondo nin, má pisi ndu cuaa-imamaa ismaɛl-laa kan o ba le volin latámán bidiin. Mí yulaa kan kɔannun a ndu o lɛŋnde Esipte len nin.

O Kandɔɔ 50:19

Kɛ mí Yosɛf dimul nda aa: «Siòòŋii bii niaa le. Mò va maa o fonda Hala-o ya co ni?

O Kandɔɔ 50:21

Lelan, siòòŋii bii niaa le, i co bala havɛila niaalan a bala havɛila cuavaa niaa toosiaa kpede.» Lende o kɛsi nda kɔltan ni, mó soaa o nda lo a canyɛi.

Ɛstɛr 4:14

Taa lo pɛ tofaa ma dimi ɲɛ-ɲɛ le, pɛngio a baŋan Yuifia co hunɔɔ fula nɛɛ celen, kɛ nɔm pila a yungu nɔmndo, la sɔlanin piɔ́mndo. Nɛ̀ɛ́-nɛ̀ sina yɛ te o co le dɛnɛ vaa nuaa le n tiiya o fonda vaa nuaa o masalen nden nin te?»