O Kandɔɔ 45:3 - BII BILA

³ Mí Yosɛf dimul bɛndaa ndɔa aa: «Ya co Yosɛf ni. Vɛ̀ɛ̀ fuɲa nuu co vɔ yoomu?» Kɛ bako bɛɛ bɛndaa ndɔa nɔla sɔɛi le ndu mulullo le, kani mí siòònde bii nda a ndu taw.

O Kandɔɔ 45:3 Referans Kwoze

Dɛnnda kiilaa 7:13

Mɛɛ nda kɔɛ o diinndɔ, mí Yosɛf cɔɔmun puapilɛa ndɔa, o kon mí masa Esiptea sina yungu Yosɛf-o.

Dɛnnda kiilaa 9:5

Mí Sol ɲuna aa: «Nɔm nɛ̀ɛ́-nɛ̀, Maalii?» Mí diomndo muli aa: «Ya ni, Yeesu n co yɛlen tollo-o.

Sakari 12:10

I cucunin kɔl ikɛndɔɔ a kɔl tɛɛlanndo polale David len a vanaa vanin icali Yerusalɛm-nda kpow coo. O kon, a mulinin hɔlla o ya lo mà tofa ya, le vana nda buli lungbuei-yo. A caŋnin le ndu mɛɛ vana caŋ le piɔ́m pole pilɛlen nuaa yɛ. A koŋulnin ndu coo mɛɛ vana koŋul le piɔ́m po tasoo yɛ.

Dɛnnda cɔɔmuanndan 1:7

Tofa vɔ, o co hunɔɔ o yumbuyumboo nin. Vana-vana canin ndu, hali vanaa cuku ndu-a, vanaa-mangalaa-isɔɔa o lɛŋnden coo kpow a cɛɛŋunnin le ndu. A toɲa, lende i yɔŋnunnin ni. Amiina.

Luke 5:8

Mɛɛ Simɔn Piɛr ce ɲɛ yɔŋnun-ndo, mó del Yeesu o labɛngunin, mó dimul ndu aa: «Maalii, vana lahakio ya co ni, lelan faŋan ya ikɛi.»

Marke 6:50

Kani nda kpow a va ndu cɔu, má laasian kɔltan. Fɔ́ɔ́fɔ̀, mí Yeesu soaa o nda lo, mó dimul nda aa: «La laalan maa ya ni, siòòŋii bii niaa le.»

SƐBƐ YƆB-O 23:15

Lelan siòònde bii ya taw ndu o hɔl ni, te i yiyan pɛ, i buulan taw a ndu.

SƐBƐ YƆB-O 4:5

nɔm kon sangaa komal nuaa ni, má vu n'dial. Tofa vɔ mɛɛ i komal nɔm pila má laasian kɔllo yɛ!

O Kandɔɔ 37:20

N kɔ delnun ndu coo mì n diinun ndu, mì n viownun ndu o soon yingilaa nin, mí n kɔ dimin aa visi biyaa cii ndu biyɔɔ. O kon mì n ce ɲɛ fulanin o lɔma sɔlaama ndɔan nin-ndo.»

O Kandɔɔ 42:21

Má dimulan vellaa-velle aa: «Le dɛnɛ naa n tosal puapilɛ naa lɔ́ɔ́ kon-ndo dɛnɛ palaa ho tol naa coo nuaa ni. Kani n ce ndu o mɔnɛi nin, mó cɛɛŋun naa o lani tei, n yeŋ nilan o cɛɛŋɔn ndɔ kon te. Naa bɛɛ lelan sangaa ho tol naa coo nuaa ni.»

O Kandɔɔ 42:22

Mí Rubɛn dimul nda aa: «I dimul niaa sɔɛi he lɔ́ɔ́ kon aa: ‹La tosa dɛnɛ kɔlvesɛi vaa nuaa mì la cua hakio a poombɔɔ ho le.› Kɛ la tui ya diom te. Bàà piɔ́m o sɔla-o co naa nihau mingulɔnndo mì n va sangaa nuaa ni.»

O Kandɔɔ 43:27

Mó ɲuna nda la vaa kɔɔli, mó ɲuna nda aa: «Vɛ̀ɛ̀ fuɲa niaa yuuvɛi niaa dimul-la sɔɛi ndɔɛi-yo co kɛndɛ?»