O Kandɔɔ 45:10 - BII BILA

¹⁰ A kɔɛ pɛ, a kɔ va icali o tàndàá Kosɛn nin, le vaa ndu Yosɛf macɛlu niaa cuavaa nɔmnda, cuavaa-imamaa nɔmnda, saa, cuinnda a navaa nɔmnda, a ɲɛ-ɲɛ co le nɔm.

O Kandɔɔ 45:10 Referans Kwoze

Fulaa 9:26

Fɔ o tàndàá Kosɛn nin loeon mun deli le ni, kani lon Israɛlla va icali ni.

Fulaa 8:22

Mí Moise mulul ndu aa: «Ɛ-ɛ, n bɛnda mì n tosa lende le, kani ɲɛ naa n solulnin Mɛlɛka naa sálàá-o vanin bɔɔ ɲɛ nɔɔlɛi bɛndu le Esiptea. Nduyɛ te n soli pɛ sálà súú vaa lende nda o hɔl, vɛ̀ɛ̀ a viinin naa a powtan te?

O Kandɔɔ 46:34

La mulul ndu aa: Cɔlua naa buɛyaa nɔmnda n co mandaa ni, kandɔɔ a cuaambɔyɛi nɛi, hun bii a sunsun, cɔlua naa n co mandaa ni, vali kon koni fuɲaa naa mamaa ndáà tosa ni. Te la mulul pɛ ndu lende, o co niaa kɛsi o tàndàá Kosɛn nin. Kani nɛyɔnndo taw Esiptea nɔ a vanaa mandaa n'cɔlua ni.»

Nsaŋ 17:24

Pua, i yeema mì vanaa n ke ya-a bɛɛ va naa ndaa latulu nɛɛ ya co-a, haliko ma mɛɛndian biilu nuu, o n ke ya-o pɛɛn, kani lɔ́ɔ́ pá mì ceendo cɔawnun, nɔm óò kaola nin ya.

Dɛnnda kiilaa 7:14

O kon mí Yosɛf viam vannda le hunɔɔ a fuɲa ndɔ Yakɔb a á yungu ndɔɔ kpow, a va faw-faw vannda belaŋɔmmɛw a vanaa ŋuɛɛnu.

O Kandɔɔ 47:1

O kon mí Yosɛf kɔa o Faraɔnnɔɔ lo, mó kɔ dimul ndu aa: «Fuɲa nuu nda puapilɛa nia cɛn o lɛŋnde Kanaan-nden nin, má hun a saa ndaa, cuinaa ndaa, navaa ndaa a ɲɛ-ɲɛ co nda o ba. A co o tàndàá Kosɛn nin.»

O Kandɔɔ 47:6

nduyɛ lɛŋnden le co o ba nɔmndo bɛngu. Yɔɔ nda o fonda hiow naŋɔɔ-o nin. Kɔ kɛsi nda o tàndàá Kosɛn nin. Taa sina vɛlɛ pɛ maa vanaa caa cɔlua mandaa taw-va co nda tɛɛn, a sɔɔ nda cɔlua nia o ba, à mandal-la nda.»

O Kandɔɔ 47:4

Má cɔɔlu vɛlɛ dimi aa: «N hin le calle o lɛŋnde nɔmnden nin. Kani yima fofolan ma co ma bɔɔ o lɛŋnde Kanaan-nden nin, hali bil puiyaa, o co lɛ lon le cɔlua naa le. Lelan, yiyan naa coo ma cɛl mì n cal o tàndàá Kosɛn nin.»

O Kandɔɔ 47:12

Mó yɔngu nda a yungu fuɲa ndɔ-o kpow ɲɛdiaa mɛɛ ndáà nɔ bahavɛiyo yɛ a mɛɛ vanndacieea va nda o ba le baloo yɛ.

Ɛstɛr 10:3

Mardosee Yuifinɔ va vana diinndɔɔ o masale Sɛrsɛs len nin ni. Yuifia ndáà nɔ bɛɛle Mardosee len taw-taw, ndóò hɛnan vɛlɛ vannda kpow. Kani o va baalaa le dɛnɛ kɛndɛ yungu ndɔɔ, mó va vɛlɛ sɔɛi le kɔlɲulu ndaa.