O Kandɔɔ 44:13 - BII BILA

¹³ Mí bɛndaa ndɔa sɛɛsiaa domala va nda lekɔɔ lan a mɔnɛi, mí vana-vana mingi volɔɔla ndɔlan handɔɔ o sofɛlɛ ndɔɔ coo, má muungu ciee kpow.

O Kandɔɔ 44:13 Referans Kwoze

2Samiɛl 1:11

Mí David sɛɛsian volɔɔlan lekɔɔ, mí vanaa va ndu ikɛi-ya bɛɛ sɛɛsian volɔɔlan lekɔɔ.

2Samiɛl 13:19

Mí Tamar vownun pultan o lebol, mó sɛɛsiaa doma ndɔɔ, mó handun balan o lebol, mó va kɔlan a yeelan.

2Samiɛl 1:2

O paale yàándɔlen, mí langbanɔɔ pum fula o dɔ́ɔ́ngɔ́ Saul-lo nin, mó hun. Volɔɔla sɛɛsiɛilan la va ndu lekɔɔ, loolio va ndu o suiyan o lebol kpow. Ndóò sɔɔnguuo David ikɛi, mó del lɛŋ, mó baŋ vulan.

Kundalan 14:6

Mí Yosue, po Nun-ndo a Kalɛb, po Yefune-o a sɛɛsiaa volɔɔla ndala cuɛinanndan, nda bɛɛ va o kunda vanaa kɔɛ suansuaannden o lɛŋnde len nin-nda tɛɛn.

O Kandɔɔ 44:4

Má faŋan ciee, má bii kɔlan. A kue bɛɛ levil te, mí Yosɛf koma dimul vana va cɛi ndɔɔ hɔlten coo-o aa: «Diom vannda ha. A bendal nda pɛ, a ɲuna nda aa: ‹Le yɛɛ niaa mingi yɛ dɛnɛ vɔɔndo le dɛnɛ kɛndɛ nda tosal niaa-o?

2Masaa 11:14

Ndóò mɛɛndianndo, mó ca masaa isisi o sungbulen ikɛi nɛɛ masaa dema lasisi-a, simlacia a vanaa hɔŋaa labulua va ndu ikɛi kpɛɛlun. Mí vanaa va lon-nda kpow a dɔawnun ɲaale, mí vanaa hɔŋaa labulua va bululan hɔŋndo. Mí Atali sɛɛsian volɔɔlan lekɔɔ, mó dimi aa: «A yii ya dúmbú! A yii ya dúmbú fɔ́!»