O Kandɔɔ 43:8 - BII BILA

⁸ O kon mí Yuda dimul Israɛl fuɲa nda aa: «Pua, cɛl mà sɔɔ ya poombɔɔ o ba, mì n kɔɛ a ndu, haliko mi n baŋa yoomu naa. Te o co kon te, naa kpede n co piɔ́mndo sɔla. Kandɔɔ nɔm pila, naa, kɔ bii cuavaa naa, vuo naa kpede n co ndei!

O Kandɔɔ 43:8 Referans Kwoze

O Kandɔɔ 42:2

I tuei maa baloo co pisio Esipte. Lelan, la kɔ lon mì la kɔ pindu naa ndu yɔŋii naa n vu a yiaan man.»

Tɔŋ miingua 33:6

Màá polale Rubɛn-nden le va yoomu! Màá le vu le fɔ́! Màá vanaa co lenin-nda kui taw!»

Condii lisai 118:17

I vinin te, i lonin yoomu mì cɔm dɛnnda Mɛlɛka tosa lan.

Ɛsdras 8:21

Nɛɛ naa n va o peo Ahava kɔngɔ-a, mí yɔngu yondaa le sumndo biyɔɔ le tuisinndo tootoo Hala naa o hɔl, haliko mi ndóò kanda naa pila, cuavaa naa a ɲɛm naan, mì náà n sɔla kɔlɲuloo o kɔlan.

2Masaa 7:13

Mí vana pilɛ o simlacia va ndu o ba bɛngu-a tɛɛn dimul ndu aa: «N cuannun soa co vɔ yoomu-a nda ŋuɛɛnu, mì n vemnun vanaa ŋuɛɛnu lecoo, mà kɔ tofa mɛɛ la co lon yɛ. Kani a lo bɛɛ nanu, a vílɛ́iya ko nda co nuaa ni maa Israɛlaa lo o kobio ho nin-nda a Israɛlaa vi nin-nda.»

2Masaa 7:4

Te n dimi pɛ aa n kɔnnun ciee, n co lakɔ vu lon, kani yima fofolan ma co lon. Te n dimi yɛ vɛlɛ pɛ le lou nanu, vuo koni naa n vunin vɛlɛ ni. Lelan, n kɔnnun o dɔ́ɔ́ngɔ́ Aramiia nin, mì naa pila n kɔ malnún nda o ba. Taa mɛi naa pɛ yoomu, n lo yoomu, taa diw yɛ naa pɛ, mɛɛ n kɔɛnnun ciee-piɔ́m.

Kundalan 14:31

Kɛ hɔ́aa niaa, á niaa dimi aa yaamɔaa niaa co nda diw-va, i co nda yɔɔ lon mà kɔ sina lɛŋnde niaa kɛɛ len-nden.

Fulaa 20:12

La ke fuɲaa niaa a kalaa niaa bɛɛlen, haliko mi la viow yoomu o lɛŋnde Mɛlɛka Hala niaa co niaa yɔngu len coo.

O Kandɔɔ 50:21

Lelan, siòòŋii bii niaa le, i co bala havɛila niaalan a bala havɛila cuavaa niaa toosiaa kpede.» Lende o kɛsi nda kɔltan ni, mó soaa o nda lo a canyɛi.

O Kandɔɔ 50:8

Mó kɔa a yungu ndɔɔ, a puapilɛa ndɔa a á yungu fuɲa ndɔ-o kpede. Fɔ cuaambɔa pɔmbɔa, saa, cuinnda a nawva nda mɛi nɛɛ nda va icali Kosɛn-nda ni.

O Kandɔɔ 45:19

Dimul nda vɛlɛ maa taa va pɛ muungoo Kanaan, a cua ɲɛla ɲaanannda pɔmbɔla cɔlua nan-ndan o lɛŋnde Esipte len nin le kɔlan hunɔɔ a cuavaa ndaa a á laandaa ndaa lenin. Mà cua vɛlɛ fuɲa nda, mà hin a ndu nanu.

O Kandɔɔ 44:26

mí n dimul ndu maa le kɔla naalan nin ndon, fɔ mì n kɔɛ a pɔmbɔ naa o ba. Kani te n kue naa ndaa le, n nɔla lɛ mì n fula langbanɔ kon o hɔl te.

O Kandɔɔ 42:38

Mí Yakɔb muli aa: «I kɛɛ, i co niaa po nuu yɔngu mì la kɔɛ a ndu le. Kani bɛ ndɔ vi, ndu pilɛ kpé lo ya nin o ba ni. Te i yɔngu niaa ndu pɛ mì ɲɛ kei ndu yɔŋnɔn nɛi-tɛɛn, mɛɛ ya co nin o yuuvɛiyo nuaa yɛ, la yɛɛ ya ciee-piɔ́m o mɔnɛi nin.»

O Kandɔɔ 44:20

Mí n mulul nɔm ɲinkon aa: ‹N nɔ fuɲa naa yuuvɛiyo, n nɔ vɛlɛ pɔmbɔ celen, o fuɲa naa kon velu o yuuvɛi nin-ndo. Pɔmbɔ naa lum kon, bɛ ndɔ nda fula kala pilɔɔ-o vi nin, ndu pilɛ kpé lo nin ni. Nduyɛ, fuɲa naa kaola ndu taw.›