O Kandɔɔ 43:16 - BII BILA

¹⁶ Mɛɛ Yosɛf ce Bɛnyamɛn bɛndaa ndɔa tɛɛn, mó dimul vana va cɛi ndɔɔ hɔlten coo-o aa: «Kɔ yiya vannda ha o ya lo cɛinin, mà dii cɔloo, mà yaw ndu. Kani naa ndaa co hau ɲɛdiaa ipalaa dio latulu ni.»

O Kandɔɔ 43:16 Referans Kwoze

O Kandɔɔ 44:1

Mí Yosɛf dimul vana va cɛi ndɔɔ hɔlten coo-o aa: «Vowlul vannda ha ɲɛdiaa o bɔlɔla ndalan nin mà pei lan cá-cá, mà mingul nda volin ndan vowlul o bɔlɔla ndalan sondoo.

O Kandɔɔ 43:19

Má sɔɔnguu vana va cɛi Yosɛf-o hɔlten coo-o ikɛi o cɛiyo sondoo,

Talelan 9:2

Mó diw cɔlua ndɔa, mó kindi mɔima ndɔan, mó toosiaa ɲɛdiaa.

1Samiɛl 25:11

Bàà mì cua bulu nuu, mɛmma nian, a visin nin ya yaw le vanaa co cɔlua nia yiinde kilio-a-on, mì yɔngu vanaa ya sina nɛɛ nda fula-a le-a mun?»

O Kandɔɔ 44:4

Má faŋan ciee, má bii kɔlan. A kue bɛɛ levil te, mí Yosɛf koma dimul vana va cɛi ndɔɔ hɔlten coo-o aa: «Diom vannda ha. A bendal nda pɛ, a ɲuna nda aa: ‹Le yɛɛ niaa mingi yɛ dɛnɛ vɔɔndo le dɛnɛ kɛndɛ nda tosal niaa-o?

O Kandɔɔ 31:54

O kon kɔɔli, mó soli sálàá o pembei coo lon, mó veelu vanaa ndɔa le ɲɛdiaa sálà kon dioo. Má dia ɲɛdiaa kon latulu lon, má lɔl ɲinkon o pembii ken coo.

O Kandɔɔ 26:30

Mí Isaak toosial nda ɲɛdiaa lemasa kɛndɛ-kɛndɔɔ, má dia, má kol.

O Kandɔɔ 21:8

Mɛɛ Isaak sul, mí Sara soli ndu mɛɛlen o sondo. Paale nda soli ndu mɛɛlen o sondo len, mí Abraham tosa kafo bɛndoo, mó toosiaa ɲɛdiaa taw.

O Kandɔɔ 15:2

Mí Abram ɲuna ndu aa: «Maalii Hala, yɛɛ n co yɛ ya yɔngu? Má cè ya kɔnndan! Kɛ i co hɔ́ɔ́ mɛi le, Eliesɛr fula Damas-o loonin ɲɛm nun kpow kɛ́ɔ ni.»

O Kandɔɔ 43:17

Mí vana va cɛi ndɔɔ hɔlten coo-o tosa mɛɛ o dimul ndu yɛ, mó yaa vanaa kan o yiya o vana ndɔ bɛndoo lo cɛinin.