O Kandɔɔ 43:12 - BII BILA

¹² La cua volion taw mì la kɔ mingi volin nda sɔɔ o bɔlɔla niaalan nin o hunɔɔ-on. Bɔɔle pɔɛɛnɔnndo ndáà pɔɛɛnun ni.

O Kandɔɔ 43:12 Referans Kwoze

O Kandɔɔ 42:25

Mó dimul vannda le maalon peiyo o bɔlɔla ndalan nin cá-cá, le volin vana-vana mingio vowvo o bɔlɔ ndɔɔ nin a le nda ɲɛdiaa yɔngoo le keiyo dioo nɛi-tɛɛn. Mà tosal nda lende.

O Kandɔɔ 42:35

Mɛɛ nda pɛi bɔlɔla ndalan, mí vana-vana ca bɔlɔ pɔmbɔɔ a volin ndɔn lenin o bɔlɔ ndɔɔ nin. Mɛɛ nda ce bɔlɔla pɔmbɔla lan a volin ndan lenin nda fuɲa nda-aa, mí siòònde bii nda kpow.

Hebreea 13:8

Mɛɛ Yeesu Krista va cɛi yɛ, lende koni o co hau ni, lende vɛlɛ koni o vanin le fɛɛn a fɛɛn ni.

1Tesalonikea 5:21

kɛ la dɔw dɛnndan kpow taasi, mì la bii dɛnnda naŋ-ndan kpáŋ.

1Tesalonikea 4:6

Vana-vana pílàn puapilɛ ndɔɔ tana le, vana-vana tɛɛmbuu puapilɛ ndɔɔ labɛɛ o sɔɛi he nin te. Maa mɛɛ naa n dimul niaa sɔɛi ken kpéŋ-kpéŋ yɛ, Mɛlɛka tuisinin vannda sangaa coo le hakila vaa lende.

Filipea 4:8

Le sɔɔn tɔ̀un yɛ puapilɛa nia, la va kɔllo keelaa o dɛnndan ndan coo: dɛnnda toɲa lan kpow, dɛnnda lebɛɛlan kpow, dɛnnda sandaalan kpow, dɛnnda diandaa lan kpow, dɛnnda vannda hini kɔltan-ndan kpow a dɛnnda vanà sɔlà lisaa lan kpow.

2Korɛntea 8:21

Kani n yeema mì n tosa dɛnɛ sandaa Mɛlɛka o hɔl daama le, kɛ vanndacieea kpow bɛɛ o hɔl.

Rɔmnda 13:8

Kuee vana-vana va niaa le, fɔ kaolianndo vellaa-velle. Kani vana kaola pɛ caanda, mɛɛ ndu peelu tɔŋndo.

Rɔmnda 12:17

La mingul vana-vana dɛnɛ vɔɔndo a dɛnɛ vɔɔndo le. La kindin mì la va dɛnɛ kɛndɔɔ tosaa vannda kpow o hɔl.

O Kandɔɔ 43:13

La cua pɔmbɔ niaa mì la kɔɛ a ndu. La muungu langbanɔ kon o ibuŋ.

O Kandɔɔ 43:21

Mɛɛ naa n tiiya o fondaa pum, mí n lɔl lon. Mɛɛ naa n kumbi bɔlɔla naalan, mí vana-vana saalun volin ndɔn o bɔlɔ ndɔɔ nin mɛɛ o yɔngu le balo kon piondɔɔ yɛ kpafii. Kɛ n hin a volin kalan,

O Kandɔɔ 43:22

n hin vɛlɛ a volin celen le baloo piondɔɔ. N sínà vana mingi volin mun vow o bɔlɔla naalan nin-ndo le.»