O Kandɔɔ 43:11 - BII BILA

¹¹ O kon mí fuɲa nda dimul nda niko o mɛɛlulan aa: «Te mɛɛ tosaa celen co dɔ́ɔ́ le, mɛɛ i yeema mì la tosa ɲɛ pum: la cua ɲɛm vaan kɛndɛ-kɛndɛn co o lɛŋnde naalen nin-ndon, mì la vow o bɔlɔla niaalan nin, mì la yoo langbanɔ kon. La cua bom ɲɛ-pɔmbɔ a lɛan ɲɛ-pɔmbɔ, mì la cua ɲɛm cun kɛndɔn, mir, pistas a amanndeon.

O Kandɔɔ 43:11 Referans Kwoze

O Kandɔɔ 37:25

O kon kɔɔli, má cal le ɲɛdiaa dioo. Mɛɛ nda heelu hɔlla, má ca Ismaɛlla hunɔɔ nɔnnde bɛndulen nɛɛ levil, a va fulaa o tàndá Kalaad-o nin. Ɲɛm cun kɛndɔn pum va ɲɔɔmɛaa ndaa o lakɔɔ: kɔm, bom a mir. A va kɔlan a mun o lɛŋnde Esipte len nin.

Yeremi 8:22

Vɛ̀ɛ̀ kooma cɛvaa ma co Kalaad le? Vɛ̀ɛ̀ vana dɔavaa ladanda co lɛ lon te? Le yɛɛ nɛ vanaa nia co niko siongɔ̀ɔ̀ sɔla le?

Esekiɛl 27:17

Tàndá Yuda-o a lɛŋnde Israɛl-ten kpow le va yulalen tosaa a nɔm, a va hunɔɔ a kulun fula Minnit-on o lɔ́ɔ́ nɔmndo nin: ɔrse, lɛan, cuɛiyan a ansan.

Talelan 18:16

Ɲɛ-kea kumbi diola bɔɔ-bɔɔ, ndu yaa vana o vanaa kùndàá lo ni.

1Samiɛl 9:7

Mí Saul mulul buɛi ndɔ kon aa: «Te n kɔɛ pɛ, yɛɛ nɛ naa n yoo yɛnin vana-tɛɛngaa-diom Hala kon? Kani n nɔ lɛhau ɲɛdiaa o ba le. N nɔ vɛlɛ ɲɛ celen te, yɛɛ kpeekpei naa n ke yɛnin ndu?»

Dɛnnda kiilaa 21:14

Mɛɛ naa n bumba ndu, mí n mɛinun, mí n dimi aa: «Màá Mɛlɛka tosa hɛnan ndɔɔ!»

Esekiɛl 27:15

La va yulalen niaa poaa Dedan-nda, lɛŋii co o mɛnndan tɛɛn-nde i bɔɔ-bɔɔ, nɔm o ba vɔngula ndalan láà kei ni, a va nɔm salaa a ciŋun kamaa a bungan yɔm Ebɛn.

Condii kɛndɛ-kɛndɛi 8:14

‹Vanapɔnɔ ya kaola hoo-o sei, ɲaanun, va maa púvɛ, te kon te maa kial cua o pembun ɲɛm cun kɛndɔn coo.›»

Condii kɛndɛ-kɛndɛi 4:14

yɔmii koam naar a yɔmii koam safran, i koam kanɛl cun kɛndɔɔ-e a i koam sinamɔm-nde, yɔmii koam ansan súú-súù ka-e, yɔmii koam mir a i koam aloɛs yɔngu cun kɛndɔɔ-e kpow i co itɔalaa lon.

Condii kɛndɛ-kɛndɛi 4:10

Kaola nɔmndo yeela bɔɔ, yemanndo, nɔm ya co cuaa o nɔu nin-ndo. Nɔm vana ya co cuaa o nɔu nin-ndo sei! Kaola nɔmndo naŋ bɔɔ. Tɛ̀fɛ̀lɛ̀kɛ̀lɛ̀ɛ̀ nɔmndo hiow naŋɔɔ a mɔiyan, hoeyii nɔmnde hiow cunndo naŋɔɔ a ɲɛm cun kɛndɔn kpow.

Talelan 21:14

Vana ke pɛ vana tuulu kɔllo-o ɲɛ pum sɔ́ɔ́-sɔ́ɔ́, o ɲulul kɔl. A sɔɔ pɛ ɲɛ pum ndu o yifɔ, a ɲumi ndu yinnden o kɔl.

Talelan 19:6

Vannda taw a lisà vanaa bolofaa ni le mò ce nda ɲia. Vana-vana ko co caaŋoo vana ke vannda ɲɔɔn-ndo.

Talelan 17:18

Vana pe lebol too daama lɔaanun ibuŋ ni le kueela vanndo cua lan salaa o fonda vana kon.

Condii lisai 76:11

Hali kɔltuw vanndacieea siŋnun biiloo le nɔm, mì vanaa lonin a kɔltuwvo-a vownun volɔɔla biisilan.

Condii lisai 72:10

Masaa co Tarsis-a a masaa co o lɛŋii co o mɛmma ihɛllan tɛɛn-nde coo-a a vanin ndu ɲɔɔn cuuo. Masaa Saba a masaa Seba a yoonin ndu ɲɛm-kéan cuuo.

Condii lisai 68:29

Òó Hala! Tosa mɛɛ kpaaya nɔmndo co yɛ. Cɔm naa kpaaya nɔmndo mɛɛ n tosa paandu yɛ.

Ɛstɛr 4:16

«Kɔ cuungiaa Yuifia co Suse-a kpow nɛɛ pilɛ, mì la bii sumndo le ya, la dia ɲɛ-ɲɛ le, la kol te, háá palɛi ndii yáá, niinoo a lɔan. Ya bɛɛ, i biinin sum pilɛ kon naa buɛyaa nia laandua. O kon kɔɔli, i kɔanin o masaa lo, hali tɔŋndo co bɛɛ o yiyaa lende. Te vu ni, i kɔ vu.»

2Masaa 20:12

O telen pilɛ kon, mí Berodak-Baladan, po Baladan-ndo, ó va masaa Babilɔn-ndo viam kiilaa o Esekia lo a sɛbɔɔ a á yɔŋɔɔ o ba, kani mí ndóò tuɛi maa Esekia ve kɛndia le.

2Masaa 16:8

O kon, mí Ahas cua volion, sianin va o Cɛi-Mɛlɛka-o nin-ndon a bolofaa va o cɛi lemasaa nin-ndo, mó kɔ ke masaa Asiri mun.

2Masaa 8:8

Mí masaa dimul Hasaɛl aa: «Cua ɲɛ pum ma kɔ fanda vana-tɛɛngaa-diom Hala-o. Má dimul ndu le Mɛlɛka ɲunaa, le sinaa te i siangunin a nàá ho.»

1Masaa 15:19

«Kpemaa co naa tɛɛn naa nɔm, kani kpemaa va fuɲa nuu nda fuɲa nɔm tɛɛn. Lelan, má cè mɛɛ ya yɔ́ŋ nɔm volion a sianion yɛ. Kɔ ma kɔ tɛɛmbuu kpema co niaa tɛɛn niaa Baesa masaa Israɛl-lo, haliko mo faŋan o ya lo».

1Masaa 10:25

Vɔsi oo vɔsi, vannda va kɔlan a ɲɛm cɔwnun a volion-ndon, n cɔwnun a sianion-ndon, volɔɔla cuɛinanndan, ɲɛm cɔwvon, ɲɛm cun kɛndɔn, soa piaandua, te kon te milɛɛa o Salomɔn ndo.

1Masaa 10:15

handɔɔ o mulu ndóò bii vanaa hun a vɔngulan o lɛŋnden nin-nda a yulaa o ba-o coo, handɔɔ niko o mulu masaa n'bungaa ndáà bii mialla o ba-o coo.

1Samiɛl 25:27

Lelan cɛl yandi, mì ɲɛm buɛi nɔm laandoo cuu nɔm-ndon piɔwnun langbaa co nɔm kɔɔli-a.

Tɔŋ miingua 33:14

O dɔw nda duaa a kulun paalen le co divio-on, a kulun yeelɛin koam ipaangu oo ipaangu-on,

O Kandɔɔ 43:14

Màá Hala Vana-Kpaayaa-Kpow tosa mì langbanɔ kon ce niaa ɲia telen niaa tiiyanin o ndu lo-o! Màá o mingul niaa Simeɔn mò mal vɛlɛ niaa hunɔɔ a Bɛnyamɛn! Le ya yɛ, te o va pɛ maa hiɔlɔnndo koni cuawva ha hɛlun ya nuaa ni, mɛɛ o va lende.»

O Kandɔɔ 33:10

Mí Yakɔb muli aa: «Kɛì-kɛì bɛɛ! I tɛɛlun nɔm, taa naŋ pɛ kɔl a ya lekɛ́ndɛi, mɛɛ bii ɲɛ ya cuu nɔm hoo-o. Kani ciikanndo ho naa nɔm, o co ko kpen a mɛɛ vana ciikan a Hala nuaa yɛ. Nduyɛ, a demul-la bɔɔ a kɔlkɛndɔɔ.

Tɔŋ lasálàá 20:24

O kon, mí dimul niaa Israɛlla maa niaa loonin lɛŋnde ndalen kɛ́ɔ ni. Ya yɔngu niaa len ɲɛ niaa pɛ́ ni. Lɛŋnde len cɔlua a tɔlɔɔlan la naŋ lenin taw-taw. Ya co Mɛlɛka ni, Hala niaa pɛɛn, ya sɛi niaa a vanaa súúla celen mí niaa va teengen ni.

O Kandɔɔ 43:10

Te náà n hun viw nanu a kiisanndo le, maa náà n muungu nin bɛmbɛ lediin.»

O Kandɔɔ 43:15

O kon, má cua ɲɛm kɛndɛn fuɲa nda dimul nda le langbanɔ kon yoo-on, má cua volin ndáà nɔ makoo-on kundalan latiɔn, má cua Bɛnyamɛn, má bii nɛiyo le kɔlan. Mɛɛ nda tiiya Esipte, má kɔ cɔmnun Yosɛf.

O Kandɔɔ 43:25

Mí bɛndaa Yosɛf-a nda toosiaa pɔɔ ɲɛm ndáà yoo ndu-on telen pá mí ɲɛdiaa ipalaa cuu toosiaa. Kani ndáà tuei nin maa lon nda co ɲɛdiaa ipala kon dio ni.

O Kandɔɔ 43:26

Mɛɛ Yosɛf muungu o ndu lo cɛinin ndon, má yɔngu ndu ɲɛm ndáà yoo ndu-on, má baŋ vulan ndu o labɛngunin.

Esekiɛl 27:22

Yulaa Saba a haa Raema va vɔngula ndalan tosaa o nɔm ndo, a va hunɔɔ o lɔ́ɔ́ nɔmndo nin, a ɲɛm cun kɛndɔn kpede, a powta báà kàlàlan súúlan kpow a sianion.

Fulaa 3:8

Le hee, i tol le nda solio o sanga kon nin Esiptea o ba, a le nda yɔ̀ɔ́ o lɛŋnde bɛndule kɛndɛ-kɛndɛlen nin, o lɛŋnde cɔlua a tɔlɔɔlan la naŋ nin taw-taw len nin, o lɛŋnde Kanannda, Hitiia, Amoriia, Perisiia, Heviia a Yebusiia co icali nin-nden nin.