O Kandɔɔ 42:6 - BII BILA

⁶ Yosɛf va lɛŋnde Esipte len kpow bollen ni. Ndóò nɔ hɔlten o balo nda va cuavaa lelɛŋnda pisio o ba-o coo ni. Mí bɛndaa ndɔa hun baŋ vulan ndu o labɛngunin, má tundu bolle lɛŋ.

O Kandɔɔ 42:6 Referans Kwoze

Dɛnnda cɔɔmuanndan 3:9

Tofa vɔ, i malnin vanaa co o kunda Setana-o coo-a nɔm o ba, vanaa co kan còòlan dimio maa Yuifia nda co ni, nduyɛ a co N'Yuifi le-a. I cuunin nda mà hun baŋ nɔm vulan o labɛngunin, o kon mà sínà maa i kaola nɔm.

Dɛnnda kiilaa 7:10

Mí Hala soli ndu o sangalan kpow nin. Mó ke ndu kɔlkaloo, mí ɲɔɔ hɛnan masaa Esipte a ndu. Mí masa kon siinguu ndu masa ibungaa le lɛŋnde Esipte len kpow a le yungu ndɔɔ kpow.

O Kandɔɔ 45:26

Má tɛɛngul ndu yoongu kon aa: «Yosɛf po nɔm co vɔ yoomu. Ndu co vana bɛndoo o lɛŋnde Esipte len kpow coo ni.» Kɛ Yakɔb kuŋ te o soli le, kani o ve sɔɛi ndɛi laalan maa toɲa le.

O Kandɔɔ 45:8

Lelan, o co niaa le cuu ya nanu le, kɛ Hala pila cuu ya ni. O siinguu ya fuɲaa Faraɔnnɔɔ, vana bɛndoo le cɛi ndɔɔ a simlacinɔɔ le lɛŋnde Esipte len kpow.

O Kandɔɔ 44:14

Mí Yuda kɔa nda puapilɛa ndɔa o Yosɛf lo cɛinin. Yosɛf va vɔ lon, má kɔ baŋ vulan ndu o labɛngunin.

O Kandɔɔ 19:1

Mí mɛlɛkaa ŋiɔŋaa kan a tiiya Sodɔm icɔllo. Lɔt va icali o dio kobio sondoo. Mɛɛ o ce nda, mó can ɲaali le kɔlan nda demullo. Ndóò tiiyaa, mó kɔ baŋ vulan nda o labɛngunin, mó tundu hɔlla lɛŋ.

O Kandɔɔ 18:2

Mɛɛ o tofa, mó ca langbaa nda yáá isisi tiŋ lándán. Mó can ɲaali o cɛi-kola-toandaa ndɔɔ dio, mó kɔa nda demullo a kiltan. Mɛɛ o tiiya, mó baŋ vulan,

O Kandɔɔ 33:3

Mí ndu pila hiaw nda laci. O tundun lɛŋ bɛmbɛ leŋɔmmɛw malan o tiiya Esau bɛ ndɔ ikɛi.

O Kandɔɔ 41:43

Mó heelu ndu o ɲɛ ɲaanan ndɔ diinndɔ soa nan-ndo coo. Mí vannda va yondaa aa: «La mal nɛiyo.» Nuaa Faraɔnnɔɔ kɛsi Yosɛf vana bɛndoo o lɛŋnde Esipte len kpow coo ni.

O Kandɔɔ 48:12

Mí Yosɛf cua poaa ndɔa ŋiɔnda fuɲa ndɔ o vulan tɛɛn, mó baŋ vulan ndu o labɛngunin.

1Samiɛl 20:41

Tuma poombɔɔ muungun-ndo, mí David koma fula nɛɛ o va o viannan o powvo kɔɔli a ba too-a, mó baŋ vulan Yonatan o labɛngunin háá bɛmbɔɔ leyáá. Má kɔɔmian a caŋndo taw nda ŋiɔn, kɛ David hiow caŋ.

Talelan 11:26

Vana kɛɛ pɛ le malun ndɔn pisio, vannda dɔw ndu danga. Kɛ vana pisi pɛ malun ndɔn, vannda dɔw ndu duaa.

Esai 60:14

Poaa vanaa co nɔm saangiaa-a a hunnin mà tundun nɔm o labɛngunin. Vanaa va nɔm tɛɛndanndo-a kpow a hun baŋnin vulan nɔm o labɛngunin. A veelunin nɔm aa kobi Mɛlɛka-o Siɔn co le O-Diandaa Israɛlla-o.

O Kandɔɔ 41:54

mí vɔsila ŋɔmmɛwla fofolalan la kandun mɛɛ Yosɛf ndóò dimi yɛ. Mí yima man má tiw o lɛŋnde kpow nin. Kɛ ɲɛdiaa va o lɛŋnde Esipte len nin taw.

O Kandɔɔ 41:57

Vannda va fulaa o lɛŋii balu tàndà kon-nde nin le kɔlan baloo piondɔɔ Yosɛf o ba Esipte lon, kani yima fofolan ma va ma bɔɔ o lɛŋnde kpow nin.