O Kandɔɔ 42:22 - BII BILA

²² Mí Rubɛn dimul nda aa: «I dimul niaa sɔɛi he lɔ́ɔ́ kon aa: ‹La tosa dɛnɛ kɔlvesɛi vaa nuaa mì la cua hakio a poombɔɔ ho le.› Kɛ la tui ya diom te. Bàà piɔ́m o sɔla-o co naa nihau mingulɔnndo mì n va sangaa nuaa ni.»

O Kandɔɔ 42:22 Referans Kwoze

Condii lisai 9:12

La soli condon le Mɛlɛka, Mɛlɛka co icali Siɔn-ndo pɛɛn. La yonda dɛnnda ndɔla bɛndulan vanaa súúla celennda tɛɛn.

2Dɛnnda lemasalan 24:22

Masaa Yoas loonun kɛndɛi Yehoyada, fuɲaa Sakari tosal ndu-e le, mó dii po ndɔɔ. Tuma pá mí Sakari malnun kɔl, mó dimi aa: «Màá Mɛlɛka cɔ ɲɛ yɔŋnun-ndo, mò sala nɔm mɛɛ n tosa yɛ.»

1Masaa 2:32

Abnɛr po Nɛr va simlacinɔ vanaa cɔwva Israɛl-lo a Amasa po Yetɛr va simlacinɔ vanaa cɔwva Yuda-o pɛɛn. Vanaa ŋiɔŋaa kan ndáà hiow ndu sandei, ndáà va vɛlɛ fisa a ndu ni. Kɛ mó diw nda, fuɲa nuu sina le. Lelan Mɛlɛka co ndu pila màá kon mingi coo.

Dɛnnda cɔɔmuanndan 16:9

Mí vanndacieea ŋɔa a hangul vɔɔn-vɔɔndo. Má dimi sɔɔn tanan a diola Hala nɔ baa o dɛnnda palaala lan coo-o, a cɛl le mangalanndo mà biilu ndu le.

Dɛnnda cɔɔmuanndan 13:10

Te vanndo nɔ pɛ le kɔlan o biyɔɔ nin, o biyɔɔ nin o kɔanin ni. Te vanndo nɔ pɛ le piɔ́mndo sɔlaa o mɔɛi cɔwve bɛngu, o mɔɛi cɔwve bɛngu o sɔlanin piɔ́mndo ni. Lelan vanaa diandaa bɛnda mà cɔm biuvɔn ndaa a laalan ndaa.

Rɔmnda 2:15

Kon co cɔmndo ni maa dɛnɛ tɔŋndo co o sɛvaa nda o lakɔl, kɔlta ndalan la co lesei le ken. Yiyannda ndalan bɛɛ la co lesei, lan la yaala nda lɔ́ɔ́ lepum ni, mì la cɔm nda kɔɔsɔɔ.

Dɛnnda kiilaa 28:4

Vanaa va o lɛŋnde len nin-nda cɔu hɔ̀ɔ̀lɔ́ kon o landanndo ndu o ba, má dimulan vellaa-velle aa: «Langbanɔɔ ho kɛɛ va vana diyaa n'vanndo le, kani mɛmma ihɛllan ma langa biondu ndu, kɛ dɛnɛ sandaa Hala-o cɛl-lɔ mo va yoomu le.»

Luke 23:41

Naa naa, o co baalan te nda baalan naa le, kani sala dɛnnda naala vɔɔnndan naa n co sɔlaa ho ni. Kɛ hoo ndu, o tosa ɲɛ-ɲɛ vɔɔn te.»

Esekiɛl 3:18

Te i dimul pɛ vana kɔlvesɛiyo aa: «Nɔm vana kɔlvesɛiyo, a co vu! Te nɔm (Esekiɛl) tɛɛngul vana kon sɔɛi ken te, taa suu le vana kɔlvesɛi kon kanalanndo le kela ndɔ vɔɔndo malɔɔ a le yoomu ndɔɔ ciindiaa le, vana kɔlvesɛi kon vunin lekɛ́ndɛi o sandii lepɛŋii ndɔɛi nin, kɛ nɔm (Esekiɛl) ya handunin sɔɛi piɔ́m ndɔɔ o lebol ni.

O Kandɔɔ 4:10

Mí Mɛlɛka dimul ndu aa: «Dɛnɛ yɛɛ n tosa yɛ hoo? I co kooma pɔmbɔ nɔmndan tueyɔɔ koŋullo lɛŋ.

O Kandɔɔ 42:23

A ve sina maa Yosɛf co sɔɛi ndɛi tueyɔɔ le, kani vana hivia isɔɔ Yosɛf ndóò cua le suukanndo nda ndaa ni.

O Kandɔɔ 45:3

Mí Yosɛf dimul bɛndaa ndɔa aa: «Ya co Yosɛf ni. Vɛ̀ɛ̀ fuɲa nuu co vɔ yoomu?» Kɛ bako bɛɛ bɛndaa ndɔa nɔla sɔɛi le ndu mulullo le, kani mí siòònde bii nda a ndu taw.

O Kandɔɔ 50:15

Mɛɛ fuɲa nda vi, mí bɛndaa Yosɛf-a dimulan aa: «Bɔɔle Yosɛf co naa mululɔn, mó mingul naa màá le dɛnɛ naa n tosal ndu sindɛ-o.»

1Samiɛl 19:4

Mí Yonatan dimul Saul fuɲa ndɔ sɔɔn kɛndɔn taw a David o kɔɔ, mó dimi vɛlɛ aa: «Nɔm masaa, a bɛnda ma cua hakio a David buɛi nɔm te. Kani dɛnɛ nɔm kɛndɔɔ daama o co nuwviaa ni, o tɛɛmbuu isɔɔ a nɔm te few.

1Masaa 2:33

Màá Mɛlɛka tuisi Yoab nda polale ndɔlen sangaa coo le lɔ́ɔ́-lɔ́ɔ̀. Kɛ màá o ke David pila, polale ndɔlen ndu kɔɔli, cuavaa tosanin masalen ndu kɔɔli-a a masale ndɔlen kɔlɲuloo le fɛɛn a fɛɛn!»