O Kandɔɔ 42:21 - BII BILA

²¹ Má dimulan vellaa-velle aa: «Le dɛnɛ naa n tosal puapilɛ naa lɔ́ɔ́ kon-ndo dɛnɛ palaa ho tol naa coo nuaa ni. Kani n ce ndu o mɔnɛi nin, mó cɛɛŋun naa o lani tei, n yeŋ nilan o cɛɛŋɔn ndɔ kon te. Naa bɛɛ lelan sangaa ho tol naa coo nuaa ni.»

O Kandɔɔ 42:21 Referans Kwoze

Osee 5:15

«I co lakɔ mì muungun o calta nilan háá mà sina maa a cua hakio, mà nuwviaa ya le muungoo ya o ibuŋ. Taa va pɛ o kuɛi nin, a co cɔnɔn ya nuwviaa.»

1Nsaŋ 1:9

Te n sɔlɔlan pɛ hakila naalan, vana lo o lediom coo-o a vana sandaa Hala co ni, o malnin naa haki le hakila naalan, mò dindi naa le dɛnɛ vɔɔn kɛ́-kɛ̀ naa n tosa.

Nsaki 2:13

Kani ɲíí venin o yamɛi kiolɔɔ le vanaa tuinun caanda iɲíí le-a le. Ɲííye hiow yamɛi kialɛi polon.

Dɛnnda kiilaa 19:18

Mí vanaa laalannda hun taw, má sɔlɔlan yɔŋnda vɔɔnnda ndalan vannda kpow o hɔl.

Luke 16:28

puapilɛa nia co lon nda ŋuɛɛnu. Mò kɔ kanalan nda, yɔŋii nda bɛɛ a hun o sangaa ho nin nanu.›

Marke 9:48

[Lon ndu, dɛlua vanin nda dioo-a vinin te, yinnde nda vanin nin-nden le ɲumnin te].

Matie 7:2

Kani yamɛi niaa co caanda kilullo-e kilulunnin niaa ni. A ɲɛ niaa co tuuvo nda tuunin niaa ni.

Yeremi 34:17

Lelan diom Mɛlɛka dimi-o co hoo ni aa: O niaa tɛɛn, vana-vana ndóò bɛnda mì ndóò solin o sondo maa puapilɛ ndɔɔ co ndu o ba o cɛlen nin-ndo co o ba ndɔɔ coo. Kɛ la bii sɔɛi nii le, lelan sɔɛi fula ya Mɛlɛka o sondo-e co hee ni: Ya, i co niaa mɔɛi cɔwve tuisi coo, yima fofolan a nàà n'kɔnyaa. O kon masɛi co o lɛŋnden coo kpow-ve canin niaa, mà ɲiiya a siòònde.

Yeremi 2:19

Máà dɛnɛ vɔɔn n tosa-o sila nɔm, mì sandii lepɛŋii nɔmnde saangiaa nɔm! O kon n sinanin ni, mà ce maa dɛnɛ vɔɔndo a dɛnɛ palaa o co le Maalii Hala nɔmndo kɛɔ a le siòòŋii ndɔɛi kɛɔ nɔu ni.» Sɔɛi fula ya Maalii, Mɛlɛka-Nɔ-Kpaayaa-Kpow-vo o sondo-e co ken ni.

Yeremi 2:17

Kon kpow tosalannin nɔm, nɔm Israɛl, le tùú n kɛɛ Mɛlɛka Hala nɔmndo, o telen o va nɔm nɛi kɛndɔɔ cɔmndo-o.

Talelan 28:17

Vana dii vanacieo-vo lonin kiltan háá mò kɔɛ o sɛi ndɔ ndu pila-o. Vana-vana bɛnda mò simi ndu le.

Talelan 21:13

Vana kindal pɛ vana bala fondo co koŋullo-o nilan, vana kon bɛɛ sɔlanin muli tuma o veelunin le malaa sɔlaa-o le.

1Masaa 17:18

Mí cua kon ɲuna Elii aa: «Yɛɛ nɛ co yɛ naa tɛɛn naa nɔm? Vɛ̀ɛ̀ le Hala hakila nilan cɔɔmullo n hin nanu ni haliko mi po nuu sɔla piɔ́mndo?»

2Samiɛl 12:13

O kon mí David dimul Natan aa: «I cua hakio a Mɛlɛka.» Mí Natan dimul David aa: «Mɛlɛka cii nɔm haki malɔɔ le haki kon, a vinin te.

Masaa kialaa n'yamaa 1:7

Mí Adoni-Besɛk yonda coocoo aa: «Masaa belaŋɔmmɛw, a nda kili suon bɛndun laban a suon bɛndun labɛngon-nda va kúúon cɔwviaa nɛɛ yáà dia ɲɛdiaa-a ni. O ya tosa-o, ndu kpafii Hala mingul-la nuaa ni.» Má kɔa a ndu Yerusalɛm, lon o kɔ vu ni.

Kundalan 32:23

Kɛ te la tosa lende le, mɛɛ la cua hakio a Mɛlɛka, mɛɛ niaa pila kɔmnde yɔŋ vɔɔn niaa co delɔɔ o lebol ni.

O Kandɔɔ 41:9

O kon mí bolle vanaa yɔngù masaa mɔiyan-nda cua sɔɛi, mó dimul Faraɔnnɔɔ aa: «I sɔlɔlan-ndɔ hau tɛɛmbuu nuu.

Yeremi 4:18

«Tɔnɔ kela nɔm vɔɔndo n co hoo sɔlaa ni, dɛnnda nɔmnda vɔɔnndan pɛɛn. Dɛnɛ palaa co nɔm hoo coo-o co nɔm kindila mo tiiya nɔm sondoo lɛŋ dí, o tiiyanin nɔm kindilaa o kɔllo nin di.»

O Kandɔɔ 45:3

Mí Yosɛf dimul bɛndaa ndɔa aa: «Ya co Yosɛf ni. Vɛ̀ɛ̀ fuɲa nuu co vɔ yoomu?» Kɛ bako bɛɛ bɛndaa ndɔa nɔla sɔɛi le ndu mulullo le, kani mí siòònde bii nda a ndu taw.

O Kandɔɔ 50:15

Mɛɛ fuɲa nda vi, mí bɛndaa Yosɛf-a dimulan aa: «Bɔɔle Yosɛf co naa mululɔn, mó mingul naa màá le dɛnɛ naa n tosal ndu sindɛ-o.»

O Kandɔɔ 44:16

Mí Yuda dimi aa: «Vɛ̀ɛ̀ naa n co yɛ hee muli, vana bɛndoo? Yɛɛ naa n co yɛ dimi? Vɛ̀ɛ̀ naa n nɔla yɛnin cɔmndo maa n del kasi le? Hala cii tɛɛmbuu naa cɔɔmuu. N cuu siŋnɔn cɛa nɔmnda, vana bɛndoo. Kandɔɔ a naa pila, kɔ bii a vana nda saalun taala kólaa o bɔlɔ-o.»