O Kandɔɔ 42:2 - BII BILA

² I tuei maa baloo co pisio Esipte. Lelan, la kɔ lon mì la kɔ pindu naa ndu yɔŋii naa n vu a yiaan man.»

O Kandɔɔ 42:2 Referans Kwoze

O Kandɔɔ 43:8

O kon mí Yuda dimul Israɛl fuɲa nda aa: «Pua, cɛl mà sɔɔ ya poombɔɔ o ba, mì n kɔɛ a ndu, haliko mi n baŋa yoomu naa. Te o co kon te, naa kpede n co piɔ́mndo sɔla. Kandɔɔ nɔm pila, naa, kɔ bii cuavaa naa, vuo naa kpede n co ndei!

Matie 4:4

Mí Yeesu muli aa: «O co o sɛvaa aa: ‹O co ko ɲɛdiaa daama le tosa mì vanacieo va yoomu le, kɛ sɔɔn fula Hala o sondo-on kpow n tosa ni mì vanacieo va yoomu.›»

Esai 38:1

O palɛi ken nin, mí Esekia del a nàá taw-taw, mó can piɔ́mndo. Mí vana-tɛɛngaa-diom Hala-o Esai, po Amɔt-o hun o ndu lo, mó dimul ndu aa: «Mɛlɛka dimi aa nɔm congun yungu nɔmndo mà cɔm nda ɲɛ nda bɛnda mà tosa-o, kani piɔ́m nɔmndo tiiya, a co cinda a naa ho le!»

Condii lisai 118:17

I vinin te, i lonin yoomu mì cɔm dɛnnda Mɛlɛka tosa lan.

O Kandɔɔ 45:9

Le hee, la muungu cɔ́-cɔ́ fuɲa nuu o ibuŋ, mì la kɔ dimul ndu aa: ‹Yosɛf po nɔm yil nɔm, Hala siinguu ndu vana bɛndoo o lɛŋnde Esipte len kpow coo. Lelan, aa nɔm cɔn mà kɔɛ o ndu lo cɔ́-cɔ́.

O Kandɔɔ 43:4

Lelan, taa cɛl pɛ mì n kɔɛ a Bɛnyamɛn pɔmbɔ naa, n kɔ pindul nɔm baloo.

O Kandɔɔ 43:2

Mɛɛ yungu Yakɔb-o cii malun nda fula Esipte-on dio kpede, mí Yakɔb dimul poaa ndɔa aa: «La muungu Esipte mì la kɔ pindu naa baloo ɲɛ-pɔmbɔ.»

Dɛnnda kiilaa 7:12

Yakɔb tueyɔɔ maa maalon va Esipte, mó viam fuɲaa naa mamaa lon. Viomɔɔ tasoo yɔŋnun kon ni.

O Kandɔɔ 42:3

Mí bɛndaa Yosɛf-a n'van tɔ́ a kɔa Esipte le baloo piondɔɔ.

Condii lisai 33:18

Kɛ Mɛlɛka nɔ hɔlten vanaa nɔ siòòŋii ndɔɛi-ya coo, vanaa co kɛndɛi ndɔɛi tiindanndo-a pɛɛn.

Condii lisai 33:19

O nɔ nda hɔlten coo le kɔlta ndalan solio ciee-piɔ́m, mò manda yoomula ndalan o telen yima fofolan.