O Kandɔɔ 42:19 - BII BILA

¹⁹ Te vanaa toɲaa niaa co ni, mɛɛ puapilɛ niaa pilɛ lo nanu o biyɔɔ nin, o cɛi niaa co hoo nin o kaasoo-o, mì niaa tɔ̀a yoo yungula niaala yiaan ma co coo lan baloo.

O Kandɔɔ 42:19 Referans Kwoze

Yeremi 37:15

Mí vanaa bɛndua kan tambu kɔltan a Yeremi, má lɔaa ndu, má mal ndu o kaasoo, o cɛi Yonatan vana sɛvaa-o nin, kani cɛi kon ndáà siinguu cɛi kaasoo ni.

Esai 42:22

Kɛ tofa vɔ, vannda cii nda ɲɔɔn poondiaa o laba, má yunga nda. A kinda nda kpow o kaasoo o soonndan nin, a co o biyɔɔ nin o kaasoo. Vannda del nda coo, má poondiaa ɲɛm ndan, vana-vana ve le nda baŋaa le. A hɛlu ɲɛm ndan, kɛ vana ve le dimio aa: «La mingi nda o ba» le.

Esai 42:7

le vanaa sumɛiya hɔltan kumbio, le vanaa co o biyɔɔ nin-nda solio o kaasoo, le vanaa co a biyaa o ɲumndan nin-nda baŋaa.»

O Kandɔɔ 45:23

Mó siiluu sofɛlɛa tɔ́ ɲɛm kɛndɛ-kɛndɛn co o lɛŋnde Esipte len nin-ndon, mó yɔŋ fuɲa ndɔ. Mó siiluu vɛlɛ sofɛlɛa laandua tɔ́ maalon, buloo a ɲɛm dian celen, mó yɔŋ fuɲa ndɔ le keiyo dioo nɛi-tɛɛn telen o vanin kɔlan Esipte-o.

O Kandɔɔ 42:26

Má handu malun mun o sofɛlɛa ndaa coo, má kɔannun.

O Kandɔɔ 41:56

Mí yiaan má luɛi o tàndà kon nin kpow. O kon mí Yosɛf kumbi cɛila mandaa ɲɛla va o lɛŋnden nin-ndan kpede, mó va Esiptea baloo pisio o ba. Kɛ mí yiaan ma cɔɔlu vɛlɛ luɛyɔɔ o lɛŋnde Esipte len nin.

O Kandɔɔ 40:3

mó mal nda o kaasoo, o bolle vanaa kándà masaa-a lo cɛinin. Lon koni Yosɛf bɛɛ o kaasoo ni.

O Kandɔɔ 42:11

Naa kpow fuɲa pilɔɔ velu naa ni, vanaa toɲaa naa n co ni, n co n'suansuaan te.»

O Kandɔɔ 42:18

O paale yàándɔlen, mó dimul nda aa: «La tosa ɲɛ ya dimul niaa-o mì la baŋa yoomu niaa, kani vana ke Hala bɛɛlen-ndo ya co ni.

O Kandɔɔ 42:20

Kɛ mì la kɔ muungu nanu a pɔmbɔ niaa lumndo. Kon cɔmnin ni maa toɲaa niaa dimi ni. O kon la sɔla lɛnin piɔ́m te.» Má cɛl le tosaa lende.

O Kandɔɔ 42:33

O kon mí langbanɔ kon dimul naa aa: ‹Ɲɛ ya co tosa le sinaa maa vanaa toɲaa niaa co ni-o co hoo ni: la mɛi vana pilɛ ya o ba nanu, mì niaa tɔ̀a cua ɲɛm niaa nɔ makoo-on, mì la yoo yungula niaala yiaan ma co coo lan.