O Kandɔɔ 42:15 - BII BILA

¹⁵ O hee coo ya co toɲa niaa sina ni: te Faraɔnnɔɔ co yoomu, la feŋan nanu le fɔ mì pɔmbɔ niaa lumndo hin.

O Kandɔɔ 42:15 Referans Kwoze

1Samiɛl 17:55

Tuma Saul ndóò ce David Koliat kuello-o, mó ɲuna Abnɛr va simlacinɔ vanaa cɔwva-o aa: «Abnɛr sei! Nɛ̀ɛ́-nɛ̀ kpeekpei velu yɛ poombɔ felengoo ho?» Mí Abnɛr mulul ndu aa: «Masaa a toɲa, i sínà le.»

Nsaki 5:12

Puapilɛa nia, o tasoo, la mɛ̀nan a halataalaa, te kon te a lɛŋnden te, la mɛnan mɛnan súú-súù le. Kɛ oi niaa bɛnda mò va oi, mì ɛ-ɛ niaa va ɛ-ɛ, yɔŋii niaa del o kɔɔsɔɔ nin.

Yeremi 5:7

«Yerusalɛm, vɛ̀ɛ̀ ya mal lɛ nɔm haki lende? Cuavaa nɔmnda kɛɛ ya, mà muungu mɛɛnianndo o ɲɛm co Hala loon. I va nda ɲɛm ndáà nɔ makoo-on yɔngoo, kɛ má yiinan sɛ́lɛ́ bɛndoo o cɛi suundaa nin.

Yeremi 5:2

Hali à mɛnan bɛɛ má dimi aa: «Le Mɛlɛka yoomaa.» Mɛɛniannda lacòòvalan daama nda nɔ ni.

1Samiɛl 20:3

Mí David mɛnalan Yonatan aa: «Le Mɛlɛka yoomaa ho a le yoomu nɔmndo, nɔm Yonatan, piɔ́m nuu bendu lɛ le. Fuɲa nɔm sina maa caan nɔm ya co ni, lelan o dimi ni aa te nɔm Yonatan sina sɔɛi he pɛ, mɔnɛi bii nɔm.»

1Samiɛl 1:26

Mí Anɛɛ ɲuna Helii aa: «Vɛ̀ɛ̀ a loonun pá a cuaa pum o kɔɔ, ó va ɲin pilɛ isisi nanu nɔm ikɛi le Mɛlɛka piɛiyo-o? Ya kpeekpei va piɛile len ni.

Tɔŋ miingua 6:13

Mɛlɛka Hala niaa kínɛí niaa bɛnda le biiloo ni, ndu pilɛ kpé niaa bɛnda le baalaa tosallo ni. O diola ndɔlan kínɛí niaa bɛnda le mɛnanndo ni.

O Kandɔɔ 43:3

Mí Yuda mulul ndu aa: «Langbanɔ co lɛŋnde len bollen-ndo dimul naa ndi kpéŋ-kpéŋ maa te naa n kue a pɔmbɔ naa le, hali mì naa n fula lɛ ndu o hɔl te.

O Kandɔɔ 42:34

La kɔɛ pɛ, la kɔ hun a pɔmbɔ niaa lumndo, haliko mi sina te la co n'suansuaan te, te vanaa toɲaa niaa co ni. La hin pɛ a ndu, i mel niaa bɛ niaa, la kelan vɛlɛ a kɔlɲuloo o lɛŋnden nden nin.›»

O Kandɔɔ 42:30

Má dimul ndu aa: «Langbanɔ co bollen o lɛŋnde len nin-ndo, mó soaa o naa lo a hɔlta kalalan taw. Mó dimi aa suansuaanda naa n co ni.

O Kandɔɔ 42:20

Kɛ mì la kɔ muungu nanu a pɔmbɔ niaa lumndo. Kon cɔmnin ni maa toɲaa niaa dimi ni. O kon la sɔla lɛnin piɔ́m te.» Má cɛl le tosaa lende.

O Kandɔɔ 42:16

La viom vana pilɛ o niaa tɛɛn, mò kɔ hun a ndu, mì a tɔ̀a co lo nanu-a va pɔɔ o biyɔɔ nin háá mì sina te toɲaa niaa dimi ni. Te o co kon te, mɛɛ te Faraɔnnɔɔ co yoomu, suansuaanda niaa co ni.»

O Kandɔɔ 42:12

Mí Yosɛf dimi aa: «Còòlan fúú. La hin ma hunaa le fonda lɛŋnde naalen le nɔ mayoomu loo mɛɛndanndo.»

O Kandɔɔ 42:7

Mɛɛ Yosɛf ce nda, mó sina maa bɛndaa ndɔa ni. Kɛ mó tosa maa o sina nda le, mó soaa o nda lo a hɔlta kalalan. Mó ɲuna nda aa: «Lɛŋnde kuɛɛ niaa fula yɛ?» Má mulul ndu aa: «O lɛŋnde Kanaan-nden nin naa n fula ni mí n hun ɲɛdiaa piondɔɔ nanu.»

O Kandɔɔ 42:14

Kɛ mí Yosɛf dimul nda aa: «Le hee kpeekpei ya dimi ni maa suansuaanda niaa co ni.

O Kandɔɔ 43:5

Kɛ taa cɛl mì n kɔɛ naa ndaa le, mɛɛ n kuenin tei. Kani langbanɔ kon dimul naa ndi kpendekele maa te n kue a pɔmbɔ naa le, n fúlà lɛ ndu o hɔl te.»