O Kandɔɔ 42:13 - BII BILA

¹³ Má dimul Yosɛf aa: «Òó vana bɛndoo! Naa buɛyaa nɔmnda, n va n'van tɔ́ a vanaa ŋiɔn, naa fuɲa pilɔɔ velu-a pɛɛn. O lɛŋnde Kanaan-nden nin naa n co icali ni. Pɔmbɔ naa lumndo lo fuɲa naa ikɛi lon, pɔmbɔ naa pilɔɔ co lɛ le.»

O Kandɔɔ 42:13 Referans Kwoze

O Kandɔɔ 37:30

Mó kɔa o pɔmbɔa ndɔa lo, mó ɲuna nda aa: «Poombɔɔ co lɛhau o soondo nin te, kuɛɛ ya co yɛ lakɔ a hee?»

O Kandɔɔ 44:20

Mí n mulul nɔm ɲinkon aa: ‹N nɔ fuɲa naa yuuvɛiyo, n nɔ vɛlɛ pɔmbɔ celen, o fuɲa naa kon velu o yuuvɛi nin-ndo. Pɔmbɔ naa lum kon, bɛ ndɔ nda fula kala pilɔɔ-o vi nin, ndu pilɛ kpé lo nin ni. Nduyɛ, fuɲa naa kaola ndu taw.›

O Kandɔɔ 42:32

Naa fuɲa pilɔɔ velu-a, n'van tɔ́ a vanaa ŋiɔn naa n co ni, puapilɛ naa pilɔɔ co lɛ le, pɔmbɔ naa lumndo lo fuɲa naa ikɛi o lɛŋnde Kanaan-nden nin.

O Kandɔɔ 43:7

Kɛ má mulul ndu aa: «Ɲuuniaa langbanɔ kon ɲuuniaa naa ni tɛɛ-tɛɛ o naa pila coo a o vanayan naan coo. Mó ɲuna naa aa: Fuɲa niaa co vɔ yoomu? La nɔ vɛlɛ pɔmbɔ celen? Mí naa bɛɛ n muli ɲuuniaala lan. N ve sina maa o dimulnin naa le ndu pɔmbɔ naa yoo le.»

Matie 2:18

«Yéélan la co sɔɛi Rama, Koŋullo a caŋnda fúkpàà-fùkpààlan la co sɔɛi lon, Rasɛl co cuavaa ndɔa caŋndo ni, o kɛɛ ɲɔɔlu nda co ndu-o, kani cuavaa ndɔa cuu.»

Matie 2:16

Herɔde cɔu maa vanaa kɔlkalua hui ndu, mó tuulu kɔllo taw-taw. Mó viam vannda le kɔlan cuaambɔa ndáà hiw-vɔ vɔsila tiɔn te-a kpede diwvo, kandɔɔ Bɛtlɛhɛm kɔlan a cieon balu ndu-on kpow, maa mɛɛ vɔsila vanaa kɔlkalua ndáà dimul ndu lan la va yɛ.

Cɛɛŋɔnnda Yeremi lan 5:7

Fuɲaa naa tosa dɛnɛ vɔɔndo má cuu, mì sanga kon va naa poaa ndaa coo.

Yeremi 31:15

O Mɛlɛka dimi-o co hoo ni aa: «Yéélan la co sɔɛi Rama. Koŋullo a caŋnda fúkpàà-fùkpààlan la co sɔɛi lon. Rasɛl co cuavaa ndɔa caŋndo ni, o kɛɛ ɲɔɔlu nda co ndu-o, kani cuavaa ndɔa cuu.»

O Kandɔɔ 45:26

Má tɛɛngul ndu yoongu kon aa: «Yosɛf po nɔm co vɔ yoomu. Ndu co vana bɛndoo o lɛŋnde Esipte len kpow coo ni.» Kɛ Yakɔb kuŋ te o soli le, kani o ve sɔɛi ndɛi laalan maa toɲa le.

O Kandɔɔ 44:28

Mí o pilɔɔ hialun ya, mí visi biyaa sɔam ndu, i ci lɛ ndu le few.

O Kandɔɔ 42:38

Mí Yakɔb muli aa: «I kɛɛ, i co niaa po nuu yɔngu mì la kɔɛ a ndu le. Kani bɛ ndɔ vi, ndu pilɛ kpé lo ya nin o ba ni. Te i yɔngu niaa ndu pɛ mì ɲɛ kei ndu yɔŋnɔn nɛi-tɛɛn, mɛɛ ya co nin o yuuvɛiyo nuaa yɛ, la yɛɛ ya ciee-piɔ́m o mɔnɛi nin.»

O Kandɔɔ 42:36

Mí Yakɔb dimul nda aa: «La yeema mì de poaa niaa tɔnɔ le? Yosɛf co lɛ le, Simeɔn bɛɛ lo o lekáá. Bàà la yeema vɛlɛ mì la puu ya Bɛnyamɛn o ba? Nduyɛ, ya niaa co mɔnɛi lueiyo nuaa ni.»

O Kandɔɔ 42:11

Naa kpow fuɲa pilɔɔ velu naa ni, vanaa toɲaa naa n co ni, n co n'suansuaan te.»

O Kandɔɔ 42:12

Mí Yosɛf dimi aa: «Còòlan fúú. La hin ma hunaa le fonda lɛŋnde naalen le nɔ mayoomu loo mɛɛndanndo.»

O Kandɔɔ 42:14

Kɛ mí Yosɛf dimul nda aa: «Le hee kpeekpei ya dimi ni maa suansuaanda niaa co ni.

O Kandɔɔ 43:29

Mɛɛ o mɛɛndan Bɛnyamɛn pɔmbɔ ndɔ, o nda fula kala pilɔɔ-o, mó ɲuna nda aa: «Mò va maa pɔmbɔ niaa lum niaa dimul-la sɔɛi ndɔɛi-yo co hoo ni?» Mó cɔɔlu dimi aa: «Màá Hala tosal nɔm dɛnɛ kɛndɔɔ, ponndo!»