O Kandɔɔ 41:8 - BII BILA

⁸ Idiiyo, mó va buulanndo taw, mó veelu vanaa viamaa yavaa a vanaa kɔlkalua Esipte kpow, mó tombolal nda lɔma sala tiɔmma o sɔl man-ndan. Kɛ vana pilɛ bɛɛ nɔ́lá ndu kɔlɔ lɔma sɔlaama man tɛɛsiallo le.

O Kandɔɔ 41:8 Referans Kwoze

Daniɛl 4:7

I va o kpele nuu coo, mí ca vunduan man: Yɔm bɛndu-bɛndoo va isisi o lɛŋnden tɛɛn.

Fulaa 7:22

Mí vanaa mangalaa Esipte bɛɛ tosa dɛnɛ kɔndɔfili pilɛ kon a kpaaya nda mangalaa. Mí Faraɔnnɔɔ cɔɔlu vɛlɛ nilan kindi, mó kɛɛ le sɔɛi Moise nda Aarɔn-nde biyɔɔ maa mɛɛ Mɛlɛka ndóò dimi yɛ.

Matie 2:1

O paale Herɔde len Yeesu velun Bɛtlɛhɛm o tàndá Yuda-o nin ni. Mí vanaa kɔlkalua sina loeon kɔlɔɔ-a can a ba paalen le can-ndo, má tiiya Yerusalɛm,

Daniɛl 4:5

O mɛɛlulan, mí Daniɛl nda ke diolan aa Bɛlsasar mɛɛ diola hala nuu pilɔɔ la co yɛ-o bɛɛ tiiya o ya lo. Daniɛl kon pɛɛn, o nɔ kɔlkalu halaa diandaa nin-ndo. Mí cɔm ndu lɔma ya sɔl-lan.

Daniɛl 1:20

Lɔ́ɔ́-lɔ́ɔ̀ masaa ndóò ɲuuniaa nda pɛ o sɔɔn dɛnɛ sinan a o sɔɔn kɔlkalon coo, ndóò ce maa ndáà hiow vanaa mangalaa a vanaa viamaa yavaa va o lɛŋnde ndɔlen nin-nda kpow bɛmbɛ tɔ́.

Esai 29:14

Lelan, i soaŋnin vɛlɛ nda a kaamaalan, a dɛnnda kɔndɔfiltan. Kɔlkalu vanaa kɔlkalua ndaa tambunin mì dɛnɛ sinaa vanaa dɛnɛ sinaa ndaa ɲum.

Fulaa 7:11

Mɛɛ Faraɔnnɔɔ ce dɛnɛ kon, mí ndu bɛɛ veelu vanaa ndɔa mangalaa. Mɛɛ nda hin, mí nda bɛɛ tosa lende a kpaaya nda mangalaa.

Daniɛl 4:19

nɔm pila ni masaa! A siŋnun vana bɛndoo a vana kpaayaa. Tɔ́ɔ́ nɔmndo tiiya háá o halataala, vanabɛnduyɛi nɔmnde tiiya háá nɛɛ lɛŋnden le mɛɛlu-a.

Esai 8:19

Taa dimul niaa pɛ aa: ‹La kɔ ɲuna vanaa suukan a vanvílɛ́iya-a, vanaa viamaa yavaa, vanaa soaa tootoo a ciŋndon sɔsaa-a, mà dimi aa hala vannda nɔ pɛ o co hala kon te nda piɛi le, o va bɛɛ aa o vanvílɛ́iya lo nda soaa le dɛnɛ kɛndɛ vanaa co yoomu-a ni›, la mulul nda aa:

Tɔŋ lasálàá 19:31

La sɔ́ɔ́nguu vanaa soaa a vanvílɛ́iya-a ikɛi le, la sɔ́ɔ́nguu vanaa mangalaa ikɛi le, yɔŋii niaa nɔɔlian maa nda. Ya co Mɛlɛka ni, Hala niaa pɛɛn.

Fulaa 8:7

Ŋɔɔŋɔɔnda co nɔm faŋan coo o cɛila nɔmndan nin, o cɛila vanaa nɔmaa baalaa nin a o cɛila vanaa tɔ̀a kpede nin, mà lo o pee bɛndoo Nil kɔllo kínɛí.»

O Kandɔɔ 40:8

Má mulul ndu aa: «Lɔan naa n sɔl ni, kɛ vana co nanu le naa kɔlɔ ndɔɔ cɔmndo le.» Mí Yosɛf dimi aa: «O co macoaa Hala le tɛɛsiaa kɔlɔ lɔma sɔlaan te? La cɔm-ndɔ ya lɔma niaa sɔl-lan.»

O Kandɔɔ 40:6

Diimandɔɔ idiiyo, mɛɛ Yosɛf kɔɛ o nda lo, mó ca nda kɔɔyɔlɔɔ a buulanndo.

1Korɛntea 1:19

Kani o co o sɛvaa aa: «I tɛɛmbuunin kɔlkalu vanaa kɔlkalua, mì ɲumi dɛnɛ sinaa vanaa dɛnɛ sinaa.»

Dɛnnda kiilaa 17:18

Vanaa kɔlkalua del Epikuri nda Stoise kɔɔli-a a pum a va ndu sɛɛngiaa. Mí a pum a va ɲunaa aa: «Yɛɛ vana tombolaa ho yeema yɛ dimio?» Mí a pum nda dimi aa: «Bɔɔle a halaa mialla o kɔɔ o co sɔɛi nuaa ni.» Le tùú nda tuei Pol sɔɛi a Yoongu Kɛndɛ Yeesu-o o kɔɔ a á tendul ndɔɔ fulaa vanvílɛ́iya tɛɛn-ndo o kɔɔ-o nda va dimio lende ni.

Dɛnnda kiilaa 7:22

O kon mí Moise pɛɛku dɛnɛ sinaa Esiptea kpow, mó siŋnun vana kpaayaa o sɔɔn ndɔn a o dɛnnda ndɔlan nin.

Habakuk 3:16

Ya, i tuei vooko-vooko kon mí yɔŋnun yoloma-yoloma. Cɔcɔn ɲiiya ya kpà-kpà, mí paalan la sia ya o n'dial, I co ɲiiyaa tuŋ, i co nɔla kpeŋanndo le. I co cumndo háá mì ce paale dɛnɛ palaalen, paale naa n kɔ delnin vanaa co naa delɔɔ coo-a coo len.

Daniɛl 8:27

O kon, ya Daniɛl, mí del a nàá o palɛi taw bɛngu, mí ɲaw sɛ́ɛ́n. O kon kɔɔli, mí siangu, mí muungu baala nuu tosaa o masaa lo. Mí kɔndɔfillo bii ya a vundule len, mí buulan taw, i bii ɲɛ-ɲɛ bila le.»

Daniɛl 7:28

Nanu sɔɛi he i mɛɛlu ni. Ya Daniɛl, mí yiyan nuu laasian taw. Mí hɔlaa niaa mangalan, kɛ mí mandan sɔɔn mun o kɔl kpíŋ.»

Daniɛl 5:11

Langbanɔ pilɛ co o masale nɔmnden nin, o nɔ kɔlkalu halaa diandaa nin. O paale fuɲa nɔmnden, mí n ca ndu ɲɛ-tengaa, dɛnɛ sinaa a kɔlkalu velan a kɔlkalu halaa-o nin. Lelan, mí Nebukanɛsar fuɲa nɔm kɛsi ndu bolle vanaa viamaa yavaa, vanaa soaa a loeon o kɔɔ-a, mandea a vanaa mangalaa súúlan kpow.

Esai 19:3

Yiyan Esiptea laasiannin nda tɛɛn. I laasiaanin sɔɔn lelɛŋun ndan. A kɔanin ma kɔ sooluu piɔmnda, ma kɔ viom yavalan o mandea lo, o vanaa suukan a vanvílɛ́iya-a lo a o vanaa dimi siɔdii lacio-a lo.

Condii lisai 25:14

Vanaa nɔ siòòŋii Mɛlɛka-e-a, nda Mɛlɛka cɔm sɔɔn ndɔn viannanndon ni, le nda kpema ndɔɔ cɔmndo.

Tɔŋ lasálàá 20:6

Te vanndo mulin pɛ o vanaa soaa a vanvílɛ́iya-a lo a o vanaa mangalaa lo, mò laasian nda kɔɔli, i hinulnin vana kon mì faŋa ndu Israɛlla tɛɛn le laasian ndɔ kon.

Fulaa 9:11

Vanaa mangalaa Esipte a nɔla lɛ le hunɔɔ simndan Moise o hɔl o kon te, kani nda bɛɛ mí piɔŋndan la fula nda mɛɛ la fula Esiptea tɔ̀a yɛ.

O Kandɔɔ 41:7

Kɛ mí yasala foofiɛila lan la misimisi yasala kɛndɛla ŋɔmmɛwla luɛi lan kúlú lan. O kon, mí Faraɔnnɔɔ yinga, mó tiandu, mó sina maa lɔan o va sɔl kon ni.

O Kandɔɔ 41:15

Mí Faraɔnnɔɔ dimul ndu aa: «I sɔl lɔan, kɛ vana-vana tiwba le ya kɔlɔ ndɔɔ tɛɛsiallo le. Nduyɛ, i tuei maa nɔm, te vana cɔm nɔm pɛ lɔma sɔlaan, á tɛɛsial vana kon kɔlɔ ndɔɔ.»

1Samiɛl 6:2

O mɛɛlulan, mí Filistia ɲuna vanaa-solia-lasálàá a vanaa viamaa yavaa aa: «Vɛ̀ɛ̀ naa n tosa yɛ kpeekpei le kesu kpema Mɛlɛka-o ho? La cɔm naa mɛɛ naa n bɛnda le ndu mingio o fonda ndɔɔ yɛ.»

Daniɛl 4:6

Mí dimul ndu aa: ‹Bɛlsasar, bolle vanaa mangalaa, i sina maa a nɔ kɔlkalu halaa diandaa nin, nduyɛ dɛnɛ viannan súú-súù kindu a nɔm te. Tofa vɔ lɔma ya sɔl-lan, cɔm ya kɔlɔ ndɔɔ.

Daniɛl 4:18

o nɔ kon pei kɛndɛi a kullon taw-vo, yɔm yɔngu kon ɲɛ-ɲɛ yoomaa ɲɛdiaa-o, ò visia yondoa pɛngi kon o vunduma ndɔan bɛngu, mì yowva coocoo tangul vɛɛnde o lɛvun ndɔn coo-o,

O Kandɔɔ 41:24

Kɛ mí yasala foofiɛila lan la misi yasala kɛndɛla luɛi lan kúlú lan. I cɔm vanaa viamaa yavaa a vanaa kɔlkalua lɔma sɔlaan man kpow, kɛ vana pilɛ bɛɛ tiwba le ya kɔlɔ ndɔɔ cɔmndo le.»