O Kandɔɔ 41:1 - BII BILA

¹ O sɔɔn mun kɔɔli, mí vɔsila tiɔn la hiaw. Paale pilɛ, mí Faraɔnnɔɔ sɔl lɔan. Mó cannun isisi o pee bɛndoo Nil kɔngɔ.

O Kandɔɔ 41:1 Referans Kwoze

Matie 27:19

Pilate lo icali o fonda kialaa n'yamaa, mí laa ndɔ viam kiilaa le ndu dimullo aa: «Vow balan o sɔɛi langbanɔ tɛɛmbuu hoo isɔɔ loo nin te, kani i sanga cɛi-cɔl taw o lɔma sɔlaan nin le ndu.»

Esekiɛl 29:9

Lɛŋnde Esipte len le siŋnunnin lɛŋnde piɔlɛilen a bémbélan kposon. O kon vannda sinanin maa ya co Mɛlɛka ni, kani Faraɔnnɔɔ dimi aa ndu nɔ pee bɛndoo Nil ni, aa ndu toosiaa ndu ni.

Esekiɛl 29:3

Soo o ndu lo má dimul ndu aa nuaa Maalii Hala dimi ni aa: ‹Nɔm Faraɔnnɔɔ, nɔm co masaa Esipte-o, tofa vɔ mɛɛ ya co nɔm kuello yɛ! Nɔm kuì bɛndu co hoo hinilan o peela bɛndula nɔmndan tɛɛn-ndo, a co dimio maa pee nɔm bɛndoo Nil, le nɔm o co ni, nɔm pila toosialan ndu ni.

Esai 19:5

Mɛmma ihɛllan ma velanin o peelo, pee bɛndoo velanin mì pee kɔ́llo vesa tadi.

Ɛstɛr 6:1

Icɔl kon, masaa nɔla lɔan te few, mó ɲuna le ndu sɛbɛ sɔɔn paandun lemasan sɛvan nin-ndo cuuo haliko ma dimi sɛbɛ kon ndu masaa o hɔl.

Tɔŋ miingua 11:10

«Lɛŋnde niaa co kɔlan luɛyɔɔ nin le len hiɔlɔɔ len, le có maa lɛŋnde Esipte le niaa cɛn nin-nden te. O lɛŋnde Esipte len nin, te niáà saŋ pɛ yɛiyon mì niáà váà ciɛɔn niaan, fɔ mì niáà pɔɔliaa mun a n'pelu mɛɛ vana pɔɔliaa nakɔ lamndo nuaa yɛ.

Fulaa 4:9

Kɛ taa cii pɛ kaamaala tiɔnnda lan tosa mà kɛɛ le sɔɛi nɔmnde laalanndo, a kɔndu mɛmma pee bɛndoo Nil, a cuiŋi man o kɔngɔ. O kon, mɛmma n kɔandunin man o peo Nil nin-ndan ma mangalannin koovan o kɔngɔ.»

Fulaa 1:22

O kon mí Faraɔnnɔɔ yii tɔŋndo o lɛŋnde ndɔlen nin kpow aa: «Te vanalanɔ Hebreenɔɔ velu nin pɛ hɔ́ɔ̀, o va pɛ o piaandoo, la kɔ viow ndu o pee bɛndoo Nil, kɛ te o va pɛ cɛlɛkpɛ laandoo o velu ni, la mɛi ndu yoomu.»

O Kandɔɔ 40:5

Icɔllo pum, mí bolle vanaa va masaa mɔiyan yɔngoo-a a bolle vanaa loamaa bulua masaa Esipte a sɔl lɔan nda ŋiɔn kpow o kaaso kon. Lɔma vana-vana sɔl-lan maa nɔ kɔlɔ ndɔ.

O Kandɔɔ 31:21

Mó ɲaanun a ɲɛm va ndu o ba-on kpow, mó kɔ taŋ pee bɛndoo Efrate, mó kɔa a ba pembon Kalaad.

O Kandɔɔ 29:14

Mí Laban dimul ndu aa: «Mɛɛ a caa hunɔɔ, vanayɛi nii kpeekpei n co ni.» Mí Yakɔb cii paangei yɛngɛsɛɛ o Laban bom ndɔ lo.

O Kandɔɔ 20:3

Kɛ mí Hala hun o Abimelɛk lo icɔllo o lɔma sɔlaan nin, mó dimul ndu aa: «A co piɔ́mndo sɔla le lanɔ n cua hoo-o, kani o nɔ̀u o co ni.»

O Kandɔɔ 28:12

Mó sɔl lɔan. O lɔma sɔlaama man nin, mó ca ɲɔɔ maa lakpáákpáá cɔnɔnndo lɛŋ mo kɔ tiiya bollen o halataala di. Mɛlɛkaa Hala-a va helɔɔ a tolɔɔ o kpáákpáála lan.

O Kandɔɔ 40:23

Kɛ bolle vanaa va masaa mɔiyan yɔngoo-a loonun a Yosɛf le, mó pɔɛɛnun a sɔɛi ndɔɛi.

O Kandɔɔ 41:2

Mó ca navaa kɛndɛ-kɛndɛa celulaa fulaa o peelo nda ŋɔmmɛw, má va diólan o kɔngɔɔ demullo.