O Kandɔɔ 4:8 - BII BILA

⁸ Mí Kain dimul Abɛl pɔmbɔ ndɔ aa: «N fula mì n kɔɛ yondoo nin.» Mɛɛ nda fula má kɔa yondoo nin, mí Kain del Abɛl pɔmbɔ ndɔ coo, mó dii ndu.

O Kandɔɔ 4:8 Referans Kwoze

Yude 1:11

Dɛnɛ palaa co le nda! Kani o nɛi Kaɛn-ndo coo nda co kɔlan ni, maa mɛɛ Balaam luɛi o pɔwlan nin le tɔnɔɔ sɔlaa yɛ koni nda tosaa ni. Má sɔla piɔ́mndo le tùú nda cɛn a nila kalulan maa Koore-o.

Matie 23:35

haliko mi dɛnɛ piɔ́m vanaa tɛɛmbuu isɔɔ le-a del niaa o lebol, vanaa nda diw o lɛŋnden coo-a pɛɛn. Kandɔɔ a piɔ́m Abɛl vana sandaa-o, kɔ bii háá a piɔ́m Sakari, po Berekia-o-o, ò niaa dii Cɛi-Diandaa a fonda-loamaa-lasálàá tɛɛn-ndo.

Luke 11:51

Kandɔɔ a piɔ́m Abɛl-lo, kɔlan háá a piɔ́m Sakari-o, à nda dii o fonda-loamaa-lasálàá a Cɛi-Hala-o tɛɛn-ndo. Mì dimul niaa, dɛnɛ piɔ́m vanaa ɲunannin vanndacieea vaalio ho.

Misee 7:6

Kani po vialaa co fuɲaa bɛɛlan tɛɛmbuuo, cuaambɔ laandoo co kala ndɔ simullo, lanɔɔ poo co kala-lɛɛ ndɔ ciŋilanndo. Yaamɔɔ vana-vana fulanin o yungu vana kon pila nin.»

2Samiɛl 14:6

Poaa nda ŋiɔn yáà nɔ ni. Poaa ŋiɔŋaa kan lo cɔlɔbaa yondoo nin, mí o pilɛ dii o pilɔɔ, kani vana ve lon le nda kpaaliaa le.

Nehemi 6:2

Mí Sanballa nda Kesɛm a vim ya kiilaa le bɔŋanndo naa ndaa Kefirim o bóllo Ono nin. Nduyɛ, ndáà cii nin mɛi le ya dɛnɛ vɔɔndo tosallo.

2Samiɛl 3:27

Mɛɛ nda hin a Abnɛr Hebrɔn, mí Yoab kɔ sim a ndu lándán, o dio kobio sondoo, maa mɛɛ vana yeema le vanndo isɔɔ dimul fɛ́ɛ́-fɛ́ɛ́. Simndan dɔ́ɔ́, mó cuku ndu demboo le diyɔɔ o dii Asaɛl pɔmbɔ ndɔ-o. O kon mí Abnɛr vu.

Hebreea 12:24

Mí la sɔɔnguu Yeesu ikɛi, o co kpema sɛnɛiyo a kooma ndɔma fasaŋan-ndan tɛɛn-ndo, má co sɔɛi hiovɔɔ kooma Abɛl-lan coo-an.

Condii lisai 55:21

Caan nuu lɔ́ɔ́ kon bii vanaa nda va kelaa o kɔlɲuloo nin-nda. O peelu kpema o yii-o le.

Condii lisai 36:3

Kuundianndo hiow ndu bɔɔ ba! O sinà tɛɛmbuu ndɔɔ le, o mel ndu le.

SƐBƐ YƆB-O 11:15

O kon, a heelunin hɔlla, kani a nɔnin sɔŋ te. A simnin yili, siòòŋii biinin nɔm te.

Luke 22:48

Kɛ mí Yeesu dimul ndu aa: «Yuda! Vɛ̀ɛ̀ a kɔmanndo n mal Po vanacieo vannda o ba ni?»

Condii lisai 139:19

Kpòkóó Hala, te nɔm óò tosa pɛ mì vanaa yɔŋ vɔɔnda kpow ndáà vi! La faŋan ya ikɛi, niaa vanaa diuvaa n'vannda ha!

Hebreea 11:4

Mí Abɛl solul Hala sálà hiow naŋɔɔ a laalanndo, mó hiaw sálà Kaɛn-ndo naŋɔɔ. Le laalan ndɔɔ, mí Hala ca ndu vana sandaa, mó hini kɔl a ɲɛm o solul ndu sálàá-on. Abɛl co bɛɛ o vílɛ́iyo, kɛ nduyɛ le laalan ndɔɔ, o co vɔ sɔɛi.

O Kandɔɔ 4:25

Mí Adam sina vɛlɛ laa ndɔ vanalanɔ, mó vialu hɔ́ɔ́ piaandoo. Mí Hava ke ndu diolan aa Sɛt, kani mó dimi aa: «Hala ke ya vɛlɛ po celen o fonda Abɛl-lo, o Kain dii-o.»

Kundalan 35:20

Te vanndo ɲindu pɛ vanacieo a nɛyɔnndo, mo dii ndu, te kon te, o tùú pɛ tuu vɔɔndo a ndu, mo vɛ ndu a ɲɛ mo dii ndu,

2Dɛnnda lemasalan 21:4

Mɛɛ Yoram koma sim yili o masalen o fonda fuɲa ndɔ-o, mó diw puapilɛa ndɔa a simlacia Israɛlla a pum a mɔɛi cɔwve.

Osee 4:2

Fɔ mɛɛniaalan, còòlan, vannda diwvo, vuilen a suundaa daama co nin tosanndo o lɛŋnden nden nin ni. Kɔlvesɛiyo co hiovɔɔ laci a kuiyo, a co vanndacieea diwvo a labɛɛla tuŋ-tuŋ.