Biblia Todo Logo
Bib sou entènèt

- Piblisite -




O Kandɔɔ 4:7 - BII BILA

7 Taa caa pɛ kelaa, a cuanin bollen, kɛ taa cee kelaa le, hakio co nɔm o dio maa ɲɛ-vueinan, o yeema mò tiw nɔm ba, kɛ nɔm, a bɛnda ma nɔla haki kalaa.»

Gade chapit la Kopi




O Kandɔɔ 4:7
33 Referans Kwoze  

Te yeemɛi cua pɛ folio, i velu hakio. Te hakio kendu pɛ, o kom piɔ́mndo.


Mí Abɛl solul Hala sálà hiow naŋɔɔ a laalanndo, mó hiaw sálà Kaɛn-ndo naŋɔɔ. Le laalan ndɔɔ, mí Hala ca ndu vana sandaa, mó hini kɔl a ɲɛm o solul ndu sálàá-on. Abɛl co bɛɛ o vílɛ́iyo, kɛ nduyɛ le laalan ndɔɔ, o co vɔ sɔɛi.


La sinà maa te la yɔngun pɛ vanndo le ndu baalaa tosallo mì la bii sɔɛi ndɔɛi, mɛɛ la siŋnun cɛa vana niaa bii kon sɔɛi ndɔɛi-yo. Te sɔɛi hakio niaa bii ni, la sɔla piɔ́mndo, te sɔɛi Hala-e ni, la siŋnun vanaa sandaa.


Kɛ te la tosa lende le, mɛɛ la cua hakio a Mɛlɛka, mɛɛ niaa pila kɔmnde yɔŋ vɔɔn niaa co delɔɔ o lebol ni.


Puapilɛa nia, le mɛɛ Hala co naa ɲííye tuinɔnndo yɛ, i co niaa yoomuan luei mì niaa pila solin sálà kiyɛiyo, o dendu mo hɛnan Hala-o, kaannde kpeekpeile niaa bɛnda mì la tosa len le co len ni.


Mí la va dimio aa: ‹Sanga kuɛɛ!› La nɔ lebɛɛ oo lebɛɛ le ya le. Ya Mɛlɛka-Nɔ-Kpaayaa-Kpow-vo dimi lende ni. La co ya sálàlan solullo a cɔlua niaa ciimbuu-a a á cɔlua namtaa, lɔ́ɔ́ lepum yɛ á cɔluaa co a nààlan-nda. Vɛ̀ɛ̀ ya cɛl-lɛ niaa sálà vaa lende o ba? Ya Mɛlɛka ɲuna niaa nuaa ni.


Ɲɛ vɔɔn bɛndoo pila sálà vanaa kɔlvesɛiya co ni, kɛ taama-taama, a soli ndu pɛ a yiyan nɔɔlɛiyo.


Lelan, o co fisa mì vana pilɛ o niaa tɛɛn kɔ kiindiaa diola Cɛi-Hala-o. O kon, la kue lɛnin yinnden kiisuu o fonda-loamaa-lasálà nuu coo fondo fúú le. Ɲɛ-ɲɛ hɛnan ya le niaa cɔu le sálàla niaa co ya solullo lan la co ya hɛnan te. Ya Mɛlɛka-Nɔ-Kpaayaa-Kpow-vo dimi lende ni.


La co hunɔɔ a cɔlua sumɛiya, a cɔlua lenamtaa a á cɔlua co a nààlan-nda le nda ya sálàá solullo. Vɛ̀ɛ̀ la ci ken dɛnɛ vɔɔn te? Te la ke pɛ masa ibunga niaa cɔlu vaa lende, vɛ̀ɛ̀ o naŋ pá kɔl a niaa, mò candu niaa? Ya Mɛlɛka-Nɔ-Kpaayaa-Kpow-vo co niaa ɲunaa nuaa ni.


kɛ o vannda súúlan kpow nin, o vo ndu Hala mò va dɛnɛ sandaa tosaa-o, ndu hɛnan ndu ni.


Vana tosal pɛ Krista baalaa o nɛi vaa lende coo, ndu hɛnan Hala, vanndacieea bɛɛ a hini kɔl a dɛnɛ ndɔɔ.


Kpeku yɛɛ ya nɔ yɛ a ansan co fulaa Saba-o, te kon te a ɲɛm cun kɛndɛn fula o lɛŋii celen nin pɔ́-pɔ́-on? Sálàla loamaala niaalan la hɛnan ya le, sálàla niaalan la nɛŋi ya kɔl te.»


Dɛnɛ vɔɔndo o co le vana kɔlvesɛiyo simndan kɔɔli o kɔɔsɔɔ nin ni, mì vana tuŋ vana tɛɛmbuu isɔɔ loo dí ndɔɔ.


Niaa bɛɛ, la va maa powta kiyɛi, mì la sɔla luɛyɔɔ o tangul cɛi Kɔl-Diandaa nin, mì la va vanaa-solia-lasálàá diandaa, le sálàla kɔltan solio, la hɛnan Hala o Yeesu Krista nin-ndan,


haliko mi va vana baala Yeesu Krista-o vanaa co n'yuif le-a tɛɛn. Kɛndɛi yɔngun ya le vannda Yoongu kɛndɔɔ tiiyallo, haliko mi vanaa co n'yuif le-a siŋnun sálà hɛnan Hala-o, sálà Kɔl-Diandaa dindi-o.


La nuwviaa niko navaa tovaa nda ŋɔmmɛw a saa kóndóa nda ŋɔmmɛw, mì la kɔ komal vana ni baalaa Yɔb. Mì la soli cɔlua kan sálà loamaa le tɛɛmbuu niaa tɛɛmbuu-o. O kon, mì vana ni baalaa Yɔb piɛi, mó ɲuna hakio malɔɔ le niaa. I cɛlnin piɛile ndɔle len a kɔlkɛndɔɔ mì mal sanga yáà tuu le niaa tuisio coo le diɔmii niɛi-yo, kani la dimi sɔɛi nii a toɲaa maa vana ni baalaa Yɔb le.»


Mí Mɛlɛka dimul vanalanɔɔ aa: «I tuisinin nɔm sangalan coo taw telen n vanin a folio-o. Mɛɛ ma diw lahɔl malan n vialu. Yeemɛi biinin nɔm le pɔnɔ nɔm hɛnanndo, kɛ ndu vanin nɔm bollen ni.»


Kɛ te vanalanɔ pɔnɔ ndɔ vi-o nɔ pɛ cuawva, te kon te mò nɔ cuavaa-imamaa, cuavaa kan bɛnda mà tosa dɛnndan mɛɛ laalan ndaa co yɛ. O kon, a mingi ɲɛ fuɲaa ndaa mamaa tosal nda-o. Kani kon hɛnan Mɛlɛka ni.


I yɔngu nɔm ɲɛm mun kpede masaa. Màá Mɛlɛka Hala nɔmndo cɛl sálà n co hunɔɔ soli-o!»


Lelan, n melnun Hala balika le kɛndɛi ndɔɛi bɛnduei, i o tosal naa a Po ndɔ o kaola taw-vo o kɔɔ-e.


Mí mɛlɛkanɔɔ dimul ndu aa: «Bala tiɔn. I cɛl vɛlɛ sɔɛi n dimi ken-nde. I tuisinin dɛnɛ palaa o kobi pɔmbɔ kon coo le.


Kpòkóó! Te yáà nɔla pɛ muungoo maa lɔ́ɔ́ ya va o dimio coo-o! Telen canyɛi Hala-e va o cɛi nuu coo-o pɛɛn.


Mí Ahasia nda Yoram po Akab-o a yiinan, má kɔ del Hasaɛl, masaa Aram coo a cɔwvo o kobio Ramɔt co o tàndá Kalaad-o nin-ndo nin. O cɔw kon, mí Aramiia yɔŋulu Yoram.


Lelan, la cɛl mì hakio nɔ kpaayaa dialun niaan puulun n co vu-on coo le, la cɛl mò tundu niaa o yeemɛi ndɔɛi vɔɔnde bɛngu le.


Te bala nɔmndan la co pɛ lanɔɔlɛilan a dɛnɛ vɔɔndo, mɛɛ pulu lan ma kpakpala dɛnɛ vɔɔn kon, cɛ̀l mì dɛnɛ sandaa lepɛŋndo cal o nɔm ndo cɛinin lɔ́ɔ́-lɔ́ɔ̀ le.


O kon, a heelunin hɔlla, kani a nɔnin sɔŋ te. A simnin yili, siòòŋii biinin nɔm te.


Kɔ a ba luaŋ-ndo mà yonda sɔɔn mun aa: ‹Nɔm Israɛl lo o lediom coo loo muungu nanu! Ya Mɛlɛka co sɔɛi nuaa ni. I tofa lɛnin niaa tofa vɔɔn te, kani vana lo o lediom coo-o ya co ni. Ya Mɛlɛka co sɔɛi nuaa ni. I mandanin kɔl tambɛi nuu le lɔ́ɔ́-lɔ́ɔ̀ le.


Hala kuɛɛ nɛ co yɛ maa nɔm Hala, ó vɔɔsuu haki cuavaa ndɔa-o, ó mal nila kalula vanaa ndɔa lo yoomu-a haki-o? Kɔl nɔmndo lo o tuw le fɛɛn a fɛɛn te. Kani ɲííye vannda tuinɔnndo hɛnan nɔm ni.


Swiv nou:

Piblisite


Piblisite