O Kandɔɔ 4:5 - BII BILA

⁵ Kɛ mó kɛɛ Kain a sálà ndɔɔ. Le hee, mí Kain tambu kɔl taw-taw, mó suuma suumaa pila.

O Kandɔɔ 4:5 Referans Kwoze

Hebreea 11:4

Mí Abɛl solul Hala sálà hiow naŋɔɔ a laalanndo, mó hiaw sálà Kaɛn-ndo naŋɔɔ. Le laalan ndɔɔ, mí Hala ca ndu vana sandaa, mó hini kɔl a ɲɛm o solul ndu sálàá-on. Abɛl co bɛɛ o vílɛ́iyo, kɛ nduyɛ le laalan ndɔɔ, o co vɔ sɔɛi.

SƐBƐ YƆB-O 5:2

Toɲaa, kɔltuwvo dii diɔm sondo vesɛiyo ni, paŋalaa dii vana nɔ taasi loo ni.

Dɛnnda kiilaa 13:45

Yuifia cɔu sɛ́lɛ́ kon, mí paŋalaa pia nda nin, má sɛɛngiaa Pol, má del ndu yeowlan.

Condii lisai 20:3

Màá Mɛlɛka yɔngu nɔm malaa fulaa o Cɛi ndɔ diandaa nin! Màá ò luei nɔm yoomuan fulaa nɛɛ o co Siɔn-nda!

Matie 20:15

Mò va maa i nɔ dí le ɲɛ ya yeema-o tosaa a ɲɛm nun te? Bàà te i tosa pɛ dɛnɛ kɛndɔɔ, ken luei nɔm paŋalaa o kɔl?›

Kundalan 16:15

Mí Moise tuulu kɔl taw-taw, mó dimul Mɛlɛka aa: «Cɛl sálà ndaa le. Kabi bɛɛ i bii ɲɛ-ɲɛ nda le, hali sofɛlɛ taaninndo i bii ndu vana pilɛ o ba o nda tɛɛn te. I tosal vɛlɛ vana dɛnɛ vɔɔn o nda tɛɛn te.»

O Kandɔɔ 31:5

mó dimul nda aa: «I ce maa fuɲa niaa nɔ lɛ kɔl ni kɛndɛ maa paandu le. Kɛ Hala fuɲa nuu co ya ikɛi.

O Kandɔɔ 31:2

Mó ca vɛlɛ Laban o hɔl maa ndu Laban mangala yiyanndo a ndu, o ve lɛ a ndu maa paandu le.

Yude 1:11

Dɛnɛ palaa co le nda! Kani o nɛi Kaɛn-ndo coo nda co kɔlan ni, maa mɛɛ Balaam luɛi o pɔwlan nin le tɔnɔɔ sɔlaa yɛ koni nda tosaa ni. Má sɔla piɔ́mndo le tùú nda cɛn a nila kalulan maa Koore-o.

1Samiɛl 16:7

Kɛ mí Mɛlɛka dimul Samiɛl aa: «Ɛ-ɛ, tofa ndu le tùú o naŋ hɔlla mó caa simndan-ndo le, o co ndu le ya hɛli le. Kani ya-ya, yiyan nuu co maa yiyan vanaciee le. Diallon kínɛí vanacieo ndu tofa ni, kɛ ya ya, ɲɛ co o kɔllo nin di-o ya ca ni.»

Talelan 29:10

Vanaa diuvaa n'vannda yeema vanaa co kela sandaa-a le. Kɛ vanaa co kan kela toɲaa-a vanaa sandaa holnun ni.

Esai 3:9

Hɔlaa ndaa co nda seilen tɛndallo kpendekele. A co hakila ndalan solio ceen vakpa. Mɛ̀ɛ́-mɛ̀ɛ́ sodɔmnda va tosaa yɛ, a co lan tɔ́ɔ́ keeliaa o co bɛɛ o vionnɔn nin te! Lelan, dɛnɛ palaa co nda cum! Kani a cii dɛnɛ palaa toosiaa le nda pila.

O Kandɔɔ 39:19

Vana bɛndu Yosɛf-o tueyɔɔ sɔɛi he laa ndɔ o sondo, mó tuulu kɔl taw-taw.

SƐBƐ YƆB-O 15:13

Bàà Hala n co mululɔnndo a nɛyɔn nɔmndo ni? A ndu n co sɔɔn mùn solinndo o sondo ni?

Talelan 19:3

Vanacieo tosa pɛ diɔmnde mì dɛnɛ hɛlun ndu, o mululun Mɛlɛka a kɔltuwvo.

Vana Kɔlkaloo 4:4

Mí dɔaw vɛlɛ taasi maa o co fondo le vannda co sangaa le, a yeema ma hiow caanda. Sanga fondoo fúú co vɛlɛ kon ni, ɲɛ fondoo kiltan kɔɔli pɛɛn.