O Kandɔɔ 4:4 - BII BILA

⁴ Mí Abɛl ndu hun a cɔlua tasea cɔlua ndɔa kom-nda, mó solul Mɛlɛka sálàá a visin bɛɛŋun macuɛin kɛndɛ-kɛndɔn. Mí Mɛlɛka cɛl Abɛl a sálà ndɔɔ.

O Kandɔɔ 4:4 Referans Kwoze

Hebreea 11:4

Mí Abɛl solul Hala sálà hiow naŋɔɔ a laalanndo, mó hiaw sálà Kaɛn-ndo naŋɔɔ. Le laalan ndɔɔ, mí Hala ca ndu vana sandaa, mó hini kɔl a ɲɛm o solul ndu sálàá-on. Abɛl co bɛɛ o vílɛ́iyo, kɛ nduyɛ le laalan ndɔɔ, o co vɔ sɔɛi.

Talelan 3:9

Biilu Mɛlɛka a ɲɛm nɔmndon, mà yɔngu ndu ɲɛm tasen n co sɔlaa o vali nɔmndo nin-ndon.

Fulaa 13:12

la bɛnda mì la yɔngu ndu poaa niaa tasea a cɔlua piaandua tasea niaa kpow. Le Mɛlɛka kan co ni.

Kundalan 18:17

Kɛ cɛl mì vana baŋa naw tova tasoo, saa kóndó tasoo a cuin toovi tasoo le, kani a diandaa nda co Mɛlɛka o hɔl ni. A bɛnda ma fasaŋiaa kooma cɔlua kan o fonda-loamaa-lasálàá coo, ma lom visin macuɛiyon o yin, sálà ŋɔa o yin-ndo co kon ni, o ya tuɛi cun mì ɲɔɔ hɛnan ya-o.

Hebreea 9:22

Maa mɛɛ tɔŋndo dimi yɛ maa a koovan vana nɔla ɲɛm bɔɔ-bɔɔ dindio ni. Nduyɛ, te koovan ma fula le, malɔɔ lahaki co le.

Condii lisai 20:3

Màá Mɛlɛka yɔngu nɔm malaa fulaa o Cɛi ndɔ diandaa nin! Màá ò luei nɔm yoomuan fulaa nɛɛ o co Siɔn-nda!

2Dɛnnda lemasalan 7:1

Mɛɛ Salomɔn cii piɛilen, mí yinnden le fula o halataala, mí le toal. Mí le loam sálàla loamaalan a sálàla kɔlɲululan. O kon mí biilu Mɛlɛka-o pei Cɛi-Hala-o ca.

1Dɛnnda lemasalan 21:26

Mí David cɔaw fonda-loamaa-lasálàá o fonda kon le Mɛlɛka, mó soli sálàla loamaalan a sálàla kɔlɲululan lecoo. O kon kɔɔli, mó piɛi Mɛlɛka, mí Mɛlɛka mulul ndu, mó tuisi yinnden fulaa o halataala le sálàla va o fonda-loamaa-lasálàá coo lan lomɔɔ.

1Masaa 18:38

O kon mí Mɛlɛka tuisi yinnden, mí le loam sálàá, yɔmnde, powtan a puuloo, mí le veesiaa vɛlɛ mɛmma va o soondo nin-ndan.

Tɔŋ lasálàá 9:24

Mí yinnden le fula, mí le kɔ loam sálà loamaa a visin macuɛin va o fonda-loamaa-lasálàá coo-on kpúlúká. Mí Israɛlla kpow a ca yinnde len kpendekele. O kon, má huulu, má viaw kponyoo taw-taw, má deli a kuumbuannda o kɔl coo.

O Kandɔɔ 15:17

Mɛɛ paalen le del, mí ɲumndan ma toal kpingbi, mí felenfelen ikumndo a yinnde biyaalen le kei o visin Abram ndóò dii kundalan-ndon tɛɛn.

Dɛnnda cɔɔmuanndan 13:8

Vanndacieea co o lɛŋnden coo-a kpow a baŋnin ndu vulan o labɛngunin, vanaa diola ndalan láà sɛvan kabi o ceendo kilaa o sɛbɛ cindaa saa téndé nda dii-o nin te-a pɛɛn!

Masaa kialaa n'yamaa 6:21

Mí mɛlɛkanɔ Hala-o yulu sionnde va ndu o ba len, mó pilan visiei a bulu ndóò toosian kon a lɛvɛn too. Fɔ́ɔ́fɔ̀, mí yinnden le bii vum o powvo, mí le loam ɲɛm mun. O kon, mí mɛlɛkanɔ Hala kon lo ndu o hɔl.

Kundalan 18:12

I yɔngu nɔm vɛlɛ ɲɛm tasen nda yɔngunin ya o cuɛiyan nin, o mɔima yɛngian nin a o ɲɛm koavan nin-ndon,

Kundalan 16:35

Mí yinnden le fula nɛɛ Mɛlɛka va-a, mí le loam n'van kɛmɛ lediin a beleŋuɛɛnua va ansan lomɔɔ-a.

1Masaa 18:24

Mà piɛi hala ndaa, mì ya bɛɛ piɛi Mɛlɛka. Hala mulinin piɛilen, mò tuisi yinnden-ndo, mɛɛ ndu co Hala kpeekpeiyo ni.» Mí vannda kpow a cɛl aa: «Ava, o naŋ lende.»

O Kandɔɔ 4:3

Telen pum hiovɔɔ, mí Kain hun a ɲɛm o kow o ciɛi ndɔɛi nin-ndon, mó solul Mɛlɛka sálàá.

Kundalan 16:15

Mí Moise tuulu kɔl taw-taw, mó dimul Mɛlɛka aa: «Cɛl sálà ndaa le. Kabi bɛɛ i bii ɲɛ-ɲɛ nda le, hali sofɛlɛ taaninndo i bii ndu vana pilɛ o ba o nda tɛɛn te. I tosal vɛlɛ vana dɛnɛ vɔɔn o nda tɛɛn te.»

1Samiɛl 15:22

Mí Samiɛl ɲuna aa: «Vɛ̀ɛ̀ o sálàla loamaalan a o sálàla súú celen ndu solullo nin Mɛlɛka hini kɔl ni baa o sɔɛi ndɔɛi biyɔɔ nin? A toɲa, sɔɛi biyɔɔ hiow naŋɔɔ a sálàlan solio, Sɔɛi biyɔɔ co fisa a cɔlua macuɛiya sálàá solio.

Vana Kɔlkaloo 4:4

Mí dɔaw vɛlɛ taasi maa o co fondo le vannda co sangaa le, a yeema ma hiow caanda. Sanga fondoo fúú co vɛlɛ kon ni, ɲɛ fondoo kiltan kɔɔli pɛɛn.