O Kandɔɔ 4:26 - BII BILA

²⁶ Mí Sɛt bɛɛ vialu poo, mó ke ndu diolan aa Enɔs. Boondii ken kínɛí vanndacieea kandu Hala veeloo aa Mɛlɛka o piɛilen nin ni.

O Kandɔɔ 4:26 Referans Kwoze

Condii lisai 116:17

I solulnin nɔm sálà-malaa-balikaa, mì piɛi o diola nɔmndan.

1Masaa 18:24

Mà piɛi hala ndaa, mì ya bɛɛ piɛi Mɛlɛka. Hala mulinin piɛilen, mò tuisi yinnden-ndo, mɛɛ ndu co Hala kpeekpeiyo ni.» Mí vannda kpow a cɛl aa: «Ava, o naŋ lende.»

Sofoni 3:9

«I dindinin cɔcɔn vanaa súúla celen, haliko ma piɛi ya, mà tosal-la vallo a diom pilɔɔ.

O Kandɔɔ 12:8

Mó faŋan o fonda kon, mó kɔa o lɛŋnde n'pembulen nin, Betɛl a ba paalen le can-ndo, mó kila dɔ́ɔ́ngɔ́ ndɔɔ Betɛl a Ai tɛɛn. Betɛl va a kpengii paalen le del-le, Ai va a kpengii le can-nde. Lon bɛɛ, mó cɔaw fonda-loamaa-lasálàá le Mɛlɛka, mó piɛi Mɛlɛka lon.

Luke 3:38

po Enɔs-o, Enɔs po Sɛt-o, Sɛt po Adam-ndo, Adam po Hala cɔw-vo pɛɛn.

Yeremi 33:16

O palɛi ken, Yuda sɔlanin cindaa, o kon mì Yerusalɛmnda cal a nila ɲulu o calta ndalan, kobi kon veelunnin aa: «Mɛlɛka co dɛnɛ sandaa naa ni.»

O Kandɔɔ 26:25

Mí Isaak cɔaw fonda-loamaa-lasálàá o fonda kon, mó biilu Mɛlɛka lon, mó toandu cɛi-kola-toandaa ndɔɔ lon. Mí buɛyaa ndɔa toaw vɛlɛ soon kólaa celen.

1Korɛntea 1:2

N co sɛbɔɔ ho sɛva le vanaa laalaŋaa co Korɛnte-a, le vanaa yɔngun ma va a diandaa o Yeesu Krista nin-nda, a le vanaa co diola Maalii Yeesu Krista lan veeloo nɛɛ-nɛɛ ka-a kpow, o co Maalii ndaa a Maalii naa-o.

Rɔmnda 10:13

Kani o dimin aa: «Vana-vana veelu pɛ diola Mɛlɛka lan o piɛilen nin, ndu sɔlanin cindaa.»

Dɛnnda kiilaa 11:26

Mɛɛ o saalun ndu, mó hun nda ndu fulaa Antiɔs. Vɔsio kpulukuu, a va kɔlan o bɔŋannda vanaa Krista-aa, má va vannda taw pɛɛkulan yɔngoo. Antiɔs lon nda kandu kaandennda veeloo ni aa vanaa Krista-a.

Dɛnnda kiilaa 2:21

O kon, vana-vana pɛinin Mɛlɛka-o, ndu sɔlanin cindaa.›

Esai 63:19

Kabi lɔ́ɔ́ levil n co maa vanaa n co lemasa tosa coo le-a, maa vanaa co diola nɔmndan veelu le-a. Kpòkóó! Te nɔm óò sɛɛsa pɛ halataalaa, mì nɔm óò tol lɛŋ, pembon va ɲiiya nɔm o hɔl.

Esai 48:1

«Niaa cuavaa Yakɔb-a, niaa co o diola Israɛl-tan bɛngu-a, niaa fula o mɛmma co o tàndá Yuda-o nin-ndan nin-nda, niaa co mɛnanndo o diola Mɛlɛka lan-nda, niaa co Hala Israɛl-lo piɛiyo o co a toɲa le, o co a isandu le-a, la yaŋ-ndɔ nila mì la tuei!

Esai 44:5

Vanndo pum diminin aa: «I co le Mɛlɛka!» Mì o pilɔɔ dimi aa: «O polale Yakɔb len nin o fula ni.» O celen sɛvannin o ba aa: «O Mɛlɛka-o!» Mò de diola Israɛl-tan tɔnɔ.»