O Kandɔɔ 4:16 - BII BILA

¹⁶ O kon, mí Kain faŋan Mɛlɛka o hɔl, mó kɔ calnun o lɛŋnde Nɔd len nin, lɛŋnde len le va lɛŋnde Edɛn-nden a ba paalen le can-ndo.

O Kandɔɔ 4:16 Referans Kwoze

Yeremi 52:3

Mí dɛnnda va tosanndo Yerusalɛm a o masale Yuda len nin-ndan la tɛɛmbuu Mɛlɛka kɔllo. O mɛɛlulan, mó toaw vanaa ndɔa polon. Mí Sedekia simul Nebukanɛsar masaa Babilɔn.

Yeremi 23:39

«I co niaa siilɔn o congú maa lavolɔɔ, mò kɔ viow niaa polon, niaa a kobi ya yɔngu niaa a fuɲaa niaa-o.

SƐBƐ YƆB-O 2:7

Mí Setana faŋan Mɛlɛka o hɔl. Mó kɔ cuiŋi Yɔb nàà vɔɔndo pum coo, mí kɔɔlen le luaaluaa ndu kpede, kandɔɔ o bɛngula kɔltan kɔlan biyɔɔ háá ndu o lebol.

2Masaa 24:20

Dɛnnda lan kpow la tosalan Yerusalɛmnda a Yudaa le tùú Mɛlɛka ndóò tuulu kɔl a nda-o. Lelan o tow nda levil polon ni. Kɛ mí Sedekia bɛɛ simul masaa Babilɔn.

2Masaa 13:23

Kɛ mí Mɛlɛka tosal Israɛlla kɛndɛi, mó tuinun nda iɲíí, mó mulul nda hɔlla le kpema ndóò yiilu Abraham, Isaak a Yakɔb-o. O cɛl le nda tɛɛmbuuo le, nduyɛ háá paalen nden, o kɛɛ nda mò faŋal nda hɔlla le.

Fulaa 20:18

Vannda kpow a va diom mataŋndo a diom bulu bɛndoo tueyɔɔ, a va piɔɔ cɔu volio iŋuanndi-ŋuanndiei a kumii bɛndu-bɛndui kumbu pembii ken mɔku-mɔku-e. Mɛɛ nda ce lende, má ɲiiya a siòònde, má sim kɔɔli-kɔɔli.

O Kandɔɔ 4:14

Mɛɛ n cii ya hau tovɔɔ ma faŋa ya o lɛŋnde ya va vàá len coo yɛ, i co faŋan nɔm o hɔl mì kɔ vionnun levil lándán. Kani i nɔ lɛ pumbú calaa le, i siŋnun vana kelanndo o lɛŋnden coo. Le hee, vana-vana saalun ya pɛ, o dii ya.»

O Kandɔɔ 3:8

Mɛɛ nda tuei diom Mɛlɛka Hala-o balɔɔ o nakɔɔ nin o hoeyii fɛ́-fɛ́i paale delɛi nin, má kɔ vionnun ndu o yɔmnde nin.

1Tesalonikea 1:9

Kani vannda kpow a co cɔmndo mɛɛ niaa bii naa o niaa lo lon yɛ. A co vɛlɛ cɔmndo mɛɛ niaa mulul piɔmnda kɔɔlan, mì la mulul Hala hɔlla le ndu baalaa tosallo yɛ, ndu Hala kiyɛiyo, Hala kpeekpeiyo.

Nsaŋ 1:10

O va o ceendo coo. A ndu ceendo toosian ni, kɛ ceendo sina ndu le.

Nsaŋ 1:3

A ndi ɲɛ-ɲɛ cɔwnun ni, ɲɛ-ɲɛ cownun ndi kɔɔli le.

Luke 13:26

O kon la dimulnin ndu aa: ‹N de mí kol naa niaa, má pɛɛku vannda o nɛila kobila naalan coo.›

Matie 18:20

Kani nɛɛ vanaa ŋiɔn, te kon te vanaa yaa cuungian pɛ o diola nilan, i co nda tɛɛn.»

Condii lisai 68:2

Mɛlɛka co cɔnɔnndo, mí yaamɔaa ndɔa va sɔɔndianndo, vanaa nɔ nɛyɔn ndɔɔ-a co piɔllo ndu laci.

Condii lisai 5:11

Òó Hala! Yaala nda, mì tuula ndalan la tɛɛmbuu nda pila. Kɛɛ nda le hakila ndala cuu cɔm te lan, kani a ciŋilan nɔm.

SƐBƐ YƆB-O 20:17

O ci lɛnin lɛan mɛɛ ma vannun ndu o ba maa mɛmma pee pɔmbɔ yɛ le, o ci lɛnin vɛlɛ cuɛima nɔnɔan mɛɛ ndóò nɔ man maa mɛmma bal a mɛmma pee bɛndu yɛ le.

SƐBƐ YƆB-O 1:12

Mí Mɛlɛka dimul Setana aa: «Ava, mɛɛ ɲɛm ndɔn kpow n co o kpaaya nɔmndo bɛngu. Kɛ hol ndu pila baa le dɛ!» O kon, mí Setana faŋan Mɛlɛka o hɔl.

O Kandɔɔ 4:17

Mɛɛ Kain siná laa ndɔ vanalanɔ, mó cua folio, mó vialu Henɔk. Mí Kain kandu kobio tangullo, mó ke kobi kon diola po ndɔɔ aa Henɔk.

Yonas 1:3

Kɛ, mí Yonas can le ɲaanɔnndo Tarsis, le Mɛlɛka vionɔnndo. Mó tuusu Yopé, mó kɔ saalun dɛ̀ndɛ̀ bɛndoo pum, ó va kɔlan Tarsis-o. Mó sala volion le fondaa sɔlaa, mó luɛi vanaa va lon-nda tɛɛn le kɔnndan Tarsis, Mɛlɛka levil polon.