O Kandɔɔ 4:15 - BII BILA

¹⁵ Kɛ mí Mɛlɛka mulul ndu aa: «Vana diinin nɔm te, kani vana-vana dii nɔm Kain pɛ, fɔ mi vanndacieea vi a ŋɔmmɛw malan màá nɔmndo cuu mingi o vana kon ndo.» Mí Mɛlɛka handu Kain pondalen le vaa teengen a vanaa tɔ̀a, haliko vana-vana nda bɔŋan pɛ, o díì ndu le.

O Kandɔɔ 4:15 Referans Kwoze

Esekiɛl 9:4

mí Mɛlɛka dimul ndu aa: «Balu kobio Yerusalɛm kpow, mà kei pondalen handɔɔ vanaa sɔɛi co palaa má va cɛɛŋɔnndo le dɛnnda nɔɔlɛila co lan tosanndo lan-nda o itendu.»

Condii lisai 79:12

Maalii, vanaa súúla celeŋaa balu naa-a tiŋ nɔm! Mingul nda màá háá bɛmbɛ leŋɔmmɛw le yeowla nda yeow nɔm lan-ndan.

Esekiɛl 9:6

La diw nda háá mì la cii nda kpede, kandɔɔ a vanaa yuuvɛiya, felengia piaandua, a laandua, cuaambɔa pɔmbɔa, kɔ bii a vanlaandua. Kɛ vana-vana niaa ce pɛ pondalen o itendu, la pilan ndu le. La kandu a cɛi-kola-toandaa diandaa nuu.» O kon, má kɔ kandu a vanaa kɔlkalua va o Cɛi-Hala-o hɔl-ndɔ-a.

O Kandɔɔ 4:24

Te vanndacieea nda ŋɔmmɛw a nɔ le vuo le màá Kain-ndo mingio ni, le ya Lemɛk, fɔ mi vannda vi belaŋɔmmɛw a à ŋɔmmɛw malan màá nuu cuu mingi.»

Dɛnnda cɔɔmuanndan 14:11

Kumii dɛnɛ palaa ndaa i co helɔɔ lɔ́ɔ́-lɔ́ɔ̀. Pɛngi co le nda ipala le, pɛngi co vɛlɛ le nda icɔl te, nda vanaa co kan visi kon a tuula ndɔɔ, a vana-vana sɔla pondale diola ndɔlan-nda.»

Dɛnnda cɔɔmuanndan 14:9

Mí mɛlɛkanɔ celen, o yàándɔ hin o kan kɔɔli-o hiaw laci a dimio coocoo aa: «Vana-vana baŋ pɛ vulan visio ho a tuula ndɔɔ o labɛngunin, mò sɔla pondale ndɔlen o itendu te kon te o ba,

Matie 26:52

O kon mí Yeesu dimul ndu aa: «Míngi mɔɛi nɔmii cɔwve o boo nin. Kani vana cɔlɔba pɛ a mɔɛi cɔwve, a dii ndu a mɔɛi cɔwve.

Osee 1:4

Mí Mɛlɛka dimul Osee aa: «Ke ndu diolan aa Yisreɛl. Kani o lo ɲɛ-pɔmbɔ cobe mì cɛn a yungu Yehu-o, le vanaa nda diw Yisreɛl-la, mì tɛɛmbuu masalen Israɛl kpow.

Condii lisai 59:11

Hala co ya dɛnɛ kɛndɔɔ tosallo-o co hunɔɔ ya laci, o co vanaa co ya congoo-a cɔɔmuuo ya hɔl.

1Masaa 16:7

Mí diom Mɛlɛka-o dimulun Baesa nda yungu ndɔɔ fulaa vana-tɛɛngaa-diom Hala-o, Yehu po Hanani-o o sondo le dɛnndan tan tiɔn: dɛnɛ tasoo, le tùú Baesa nda yungu ndɔɔ ndáà tosa ɲɛ hɛnan Mɛlɛka loo, má tɛɛmbuu ndu kɔllo a dɛnnda nda va tosaa maa Yeroboam nda yungu ndɔɔ lan-ndo. Dɛnɛ diinndɔɔ, le tùú Baesa ndóò diw yungu Yeroboam-ndo-o.

Tɔŋ lasálàá 26:28

ya bɛɛ, i simulnin niaa a kɔltuwvo, mì cɔɔlu sangala niaalan vangala bɛmbɛ leŋɔmmɛw le hakila niaalan.

Tɔŋ lasálàá 26:24

ya bɛɛ, i simulnin niaa, mì cɔɔlu sangala niaalan vangala bɛmbɛ leŋɔmmɛw le hakila niaalan.

Tɔŋ lasálàá 26:21

Te la simul-la pɛ, mì la kɛɛ le sɔɛi nii biyɔɔ, i cɔɔlunin bɛpɛla niaa vangala bɛmbɛ leŋɔmmɛw mɛɛ hakila niaalen la co yɛ.

Tɔŋ lasálàá 26:18

A kon kpede te la tui ya diom te, i vangalanin sangala niaalan bɛmbɛ leŋɔmmɛw le hakila niaalan.

Talelan 6:31

Kɛ taa bii ndu pɛ, o sala ɲɛ pila kon kundalan tan ŋɔmmɛw. O kon, o yɔngu ɲɛm o nɔ o ndu lo cɛinin-ndon kpede.