O Kandɔɔ 4:14 - BII BILA

¹⁴ Mɛɛ n cii ya hau tovɔɔ ma faŋa ya o lɛŋnde ya va vàá len coo yɛ, i co faŋan nɔm o hɔl mì kɔ vionnun levil lándán. Kani i nɔ lɛ pumbú calaa le, i siŋnun vana kelanndo o lɛŋnden coo. Le hee, vana-vana saalun ya pɛ, o dii ya.»

O Kandɔɔ 4:14 Referans Kwoze

Kundalan 35:19

Lelan, te vana cɛn le màá kon mingio-o saalun dɔ́ɔ́ pɛ vana kon, o bɛnda mò dii ndu.

Condii lisai 143:7

Kpòkóó Mɛlɛka! Mulul-la cɔ́-cɔ́, diallon vi ya kpow. Faŋal-la hɔlaa nɔmnda le, yɔŋii ya siŋnun maa vana co tolɔɔ o soondo nin-ndo.

Talelan 28:1

Vana dɛnɛ vɔɔndo nɔlà mò sungu kiltan hali mì vana ve ndu tovɔɔ le. Kɛ vana sandaa ndu laalan ndu pila maa yàlà téndé.

Tɔŋ miingua 28:65

La venin a nila ɲulu vanaa-mangalaa-isɔaa kan tɛɛn te. Hali fonda pɛngiaa la nɔnin le bɛngula niaalan kɛsio le. Mɛlɛka lueinin kɔl yulan-yulanndo niaa nin, mì hɔlta niaalan la yɔŋnun yifidii, mì niaa pila fula yoomuan po.

2Tesalonikea 1:9

A sɔlanin sanga fɛɛn-fɛɛndo, a vanin hɔlaa Mɛlɛka-a a kpaaya ndɔ bɛndoo levil

Matie 25:46

Vanaa kan nda nda, dɛnɛ palaa fɛɛn-fɛɛndo toalnin nda coo, kɛ vanaa sandaa kɔanin o yoomu fɛɛn-fɛɛndo nin.»

Yeremi 52:3

Mí dɛnnda va tosanndo Yerusalɛm a o masale Yuda len nin-ndan la tɛɛmbuu Mɛlɛka kɔllo. O mɛɛlulan, mó toaw vanaa ndɔa polon. Mí Sedekia simul Nebukanɛsar masaa Babilɔn.

Kundalan 35:27

te vana co le màá mingio-o komal pɛ ndu lon mo dii ndu, vana kon sɔlanin isɔɔ-sɔɔ le diyɔɔ o dii ndu kon-ndo le.

Kundalan 35:21

te kon te, te o kposoŋa ndu pɛ a ba mo dii ndu, mɛɛ vana diyaa n'vanndo co kon ni. O bɛnda mò sɔla piɔ́mndo kangalan. Lelan, te vana cɛn le màá vana o dii-o mingio-o saalun dɔ́ɔ́ pɛ vana kon, o dii ndu.

Matie 25:41

O kon kɔɔli, o dimulnin a vanin ndu o ba mɛllo coo-a aa: ‹La faŋan ya, niaa vanaa dangaa. La kɔ o yinnde fɛɛn-fɛɛnnden nin, le toosian le masa ɲinaa vɔɔnda a le mɛlɛkaa ndɔa len pɛɛn!

Osee 13:3

Lelan, a vanin maa mɔ́m idii, maa kɛmma yala vesa cɔ́-cɔ́-an, maa kefun hoeiye kɔandu mí i faŋa mun o kpele lɔaa n'mallo coo-on. A vanin vɛlɛ maa kumii co fulaa o fɛ̀ɛ̀fɛlan-nde.

Esai 8:22

O kon kɔɔli, a tuisinin hɔlla lɛŋ, kɛ tofa vɔ, mɔnɛi, ɲumndan a sangaa kposon vanin ni. A ɲindunin nda o ɲumma tiŋitiŋian nin.

Talelan 14:32

Dɛnɛ vɔɔn vana kɔlvesɛiyo tosa-o tɛɛmbuu ndu ni, kɛ vana sandaa ndu nɔ kɔlkɛsiaa hali o piɔ́mndo hɔl-ndɔ.

Condii lisai 109:12

Màá vana tosal ndu dɛnɛ kɛndɛ le! Màá vana tuínun vííya ndɔa iɲíí le!

Condii lisai 109:10

Màá cuavaa ndɔa siŋnun vanaa kelan-nda ma va vannda ɲɔɔn piɛiyo, mà mɛi cɛila ndala piɔlɛilan!

2Samiɛl 14:7

O kon mí yungu nuu kpow toal-la kɔɔli aa mɛɛ mì ya mal vɛlɛ po ni dii kon po nuu pilɔɔ-o nda o ba mà dii ndu le diyɔɔ o dii ndu kon-ndo, aa a yeema vɛlɛ mà dii vana bɛnda le kɛ́ɔ cuaa-o. Te o tosan yɛ pɛ lende, mɛɛ kili bingi ya cal tiindanndo-o le cuulunin vɛlɛ kon mungén te? O kon, diola pɔnɔ nuu la ɲum, kani hɔ́ɔ́ ndɔ lo lɛnin yoomu o lɛŋnden nden coo le.»

Tɔŋ lasálàá 26:36

O niaa tɛɛn, vanaa lonin yoomu o lɛŋii yaamɔaa ndaa nin-nda, i lueinin kɔl yulan-yulanndo nda nin. Hali hoeiye hiiluu peelen nin, mà tuei hiiluu kon, a voolunin mà ɲaanun mɛɛ vana ɲaanun yaamɔɔ co hunɔɔ a mɔɛi cɔwve o ba-o nuaa yɛ. A delinin hali mì vana ve nda tovɔɔ le.

Tɔŋ lasálàá 26:17

I mululunnin niaa, yaamɔaa niaa koaŋnin niaa, mì vanaa nɔ nɛyɔn niaa-a kɛsin niaa nda o labɛngunin. La ɲaanunnin hali mì vana ve niaa tovɔɔ le.

O Kandɔɔ 3:24

Mɛɛ Mɛlɛka soli ndu o nakɔɔ nin lende, mó handu mɛlɛkaa kanda ɲɛm Hala-on-nda kpalillo o nakɔ kon sondoo a mɔɔn leyinndon o laba. Má va mun hiŋndo le nɛi yɔm cindaa kon cumullo.

O Kandɔɔ 4:13

Mí Kain dimul Mɛlɛka aa: «Yɔŋ vɔɔn ya tosa hoo-o hiow ya mayoomu.

Tɔŋ miingua 28:64

Mɛlɛka saŋnin niaa o vanaa-mangalaa-isɔaa celen tɛɛn, kandɔɔ nɛɛ lɛŋnden le mɛɛlu-a kɔ bii háá nɛɛ le mɛɛlu kpengei pilɛi-ya. Lon niaa sooluunin halaa celen ni, a fuɲaa niaa mamaa a niaa pila sina le-a: halaa lapowva a halaa iyɔmnda.