O Kandɔɔ 4:10 - BII BILA

¹⁰ Mí Mɛlɛka dimul ndu aa: «Dɛnɛ yɛɛ n tosa yɛ hoo? I co kooma pɔmbɔ nɔmndan tueyɔɔ koŋullo lɛŋ.

O Kandɔɔ 4:10 Referans Kwoze

Hebreea 12:24

Mí la sɔɔnguu Yeesu ikɛi, o co kpema sɛnɛiyo a kooma ndɔma fasaŋan-ndan tɛɛn-ndo, má co sɔɛi hiovɔɔ kooma Abɛl-lan coo-an.

Hebreea 11:4

Mí Abɛl solul Hala sálà hiow naŋɔɔ a laalanndo, mó hiaw sálà Kaɛn-ndo naŋɔɔ. Le laalan ndɔɔ, mí Hala ca ndu vana sandaa, mó hini kɔl a ɲɛm o solul ndu sálàá-on. Abɛl co bɛɛ o vílɛ́iyo, kɛ nduyɛ le laalan ndɔɔ, o co vɔ sɔɛi.

Esai 5:7

Nduyɛ, nakɔɔ n'rɛsɛn Mɛlɛka-Nɔ-Kpaayaa-Kpow-vo, ndu co cuavaa Israɛlla ni. Vanpiaandua Yuda, nda co tɔlɔɔ kɛndɛ ndóò kaola taw-vo ni. Mɛlɛka va tiindanndo maa ndáà vanin sakpo, kɛ tofa vɔ, sandii lepɛŋnde i tiw ba-ba fee. O va yiyanndo maa a tosanin dɛnɛ sandaa, kɛ a cua kafalan ma bii o lebol!»

Condii lisai 72:14

O baŋanin nda le delɔɔ coo a le kɔlvesɛiyo nda co nda tosallo-o, kani yoomu ndaa co ɲɛ sɔvɛ ndu hɔl.

Nsaki 5:4

La tofa vɔ, sala vanvalaa kow ciɛɔn niaan-nda, o niaa kungulan coo-o, co yondaa. Nduyɛ cɛɛŋɔnnda vanaa koavaa kan la tiiyaa háá Mɛlɛka nɔ Kpaayaa-Kpow-vo o lani.

Condii lisai 9:12

La soli condon le Mɛlɛka, Mɛlɛka co icali Siɔn-ndo pɛɛn. La yonda dɛnnda ndɔla bɛndulan vanaa súúla celennda tɛɛn.

Kundalan 35:33

La laasiaa lɛŋnde niaa co nin-nden te, kani vana dii pɛ vanacieo mɛɛ ndu nɔɔliaa lɛŋnden. Nduyɛ le lɛŋnden dindinndo, fɔ mì vana dii vanacieo-vo sɔla piɔ́mndo.

SƐBƐ YƆB-O 16:18

Nɔm lɛŋnden, kúmbù kooma nian te, haliko mi koŋul nuu hel kpélén.

O Kandɔɔ 9:5

Le kooma niaan yɛ, i ɲunanin konaa le man, kani yoomu niaa co kon ni. Visi oo visi dii pɛ vanacieo, i ɲunanin ndu ɲɛ vem ndu ken tosaa-o, vanndacieea bɛɛ, vana-vana dii pɛ vanacieo, i ɲunanin ndu le kɔlɔ o tɛɛmbuu yoomu vanaciee co puapilɛ ndɔɔ-o-o.

Condii lisai 50:21

Dɛnnda niaa va tosaa mì va meinɔnndo lan la co lan ni. La co yiyanndo maa mɛɛ niaa co yɛ ya co ni. Kɛ i bii niaa tɛ̀ɛ̀, i co dɛnnda lan soli niaa o hɔl vakpa.

Fulaa 3:7

Mí Mɛlɛka dimul ndu aa: «I ce mɔnɛi cuavaa nia co nin Esipte-e, i co nda tueyɔ̀ɔ́ koŋullo a saangiaa mɛlɛsoŋnda co nda-o, i ce dɛnɛ palaa co nda coo-o vakpa.

SƐBƐ YƆB-O 24:12

Vannda co cɛɛŋɔnndo o kobio nin, kɔlta vanaa boolun-nda la co koŋullo, nduyɛ Hala co ɲɛ-ɲɛ tosa a dɛnnda vɔɔnnda lan o kɔɔ le.

2Masaa 9:26

‹Ya Mɛlɛka, cɛi mí ca Nabɔt nda poaa ndɔa o piɔ́mndo. Lelan, fɔ mì mingul nɔm dɛnɛ kon, o yondo pilɔɔ ho nin, ya Mɛlɛka soaa nuaa ni›. Lelan cua ndu mà viow ndu yondoo nin mɛɛ Mɛlɛka dimi lɔ́ɔ́ kon yɛ.»

Yosue 7:19

O kon, mí Yosue dimul Akan aa: «Po nuu, ke Mɛlɛka Hala Israɛlla bɛɛlen ma biilu ndu. Cɔm ya dɛnɛ n tosa-o, nduyɛ vin ya ɲɛ-ɲɛ le.»

O Kandɔɔ 18:20

O kon, mí Mɛlɛka dimul Abraham aa: «Caŋnda vannda co a kɔlvesɛi yungoo Sodɔm a yungoo Komɔr o sondo lan la co labɔɔ. A hiw bɔɔ laasianndo a yɔŋ vɔɔndo.

O Kandɔɔ 3:13

Mí Mɛlɛka Hala ɲuna vanalanɔɔ aa: «Dɛnɛ yɛɛ n tosa yɛ hoo?» Mí cuaa muli aa: «Kɛwvo pálá ya nuaa ni mí dia kɔmnde yɔm kon.»

Dɛnnda kiilaa 5:9

O kon mí Piɛr dimul ndu aa: «Le yɛɛ nɛ niaa cɛlan yɛ le Hala Kɔl-Diandaa huiyo? Tofa vɔ! Vanaa kumbu pɔnɔ nɔm-nda co o dio nuaa ni. Nɔm bɛɛ a co lakɔ a nɔm.»

Dɛnnda kiilaa 5:3

Kɛ mí Piɛr ɲuna ndu aa: «Ananias, le yɛɛ nɛ n kumbil-lɛ Setana kɔl nɔmndo le Hala Kɔl-Diandaa còòlan dimullo, má faŋa volin n pisi yondoo-on baa pilɔɔ le nɔm pila?

Tɔŋ miingua 21:1

«Taa saalun pɛ vana vílɛ́i nda dii-o yondoo nin o lɛŋnde Mɛlɛka Hala niaa ke niaa len nin, te vana sina vana dii ndu-o le,

1Samiɛl 13:11

Mí Samiɛl ɲuna ndu aa: «Yɛɛ nɛ n va yɛ hoo tosaa?» Mó muli aa: «Lɔ́ɔ́ ya ce vanaa cɔwva faaŋianndo ya kɔɔli má va kɔnndan-ndo, mí ca maa nɔm bɛɛ a hin o lɔ́ɔ́ n mɛi-yo coo le, nduyɛ Filistia va nin a cuungiannda Mikmas,

2Dɛnnda lemasalan 28:9

Vana-tɛɛngaa-diom Hala-o pum va lon diolan Obɛd. Mó fula, mó kɔa vanaa cɔvaa va muungoo Samari-a bɔŋaa, mó dimul nda aa: «Le tùú Mɛlɛka Hala fuɲaa niaa mamaa ndóò tambu kɔllo a Yudaa-o o mal nda niaa o ba nuaa ni. Kɛ nduyɛ, mí la diw nda a hiilɛi mí tɔ́ɔ́ kon tiiya háá o halataala.

Condii lisai 9:13

Kani o co màá vanaa nda co diwvo-a mingio, o co yiyanndo a nda o kɔɔ. O pɔɛɛnun cɛɛŋɔnnda vanaa sangaa co coo-a le.