O Kandɔɔ 4:1 - BII BILA

¹ Mɛɛ vanapɔnɔɔ siná Hava laa ndɔ vanalanɔ, mí Hava cua folio, mó vialu Kain, mó dimi aa: «I sɔla hɔ́ɔ́ piaandoo Mɛlɛka o ba bɛngu.»

O Kandɔɔ 4:1 Referans Kwoze

1Nsaŋ 3:12

N tosan maa Kaɛn te, le vana Vɔɔndo ndu va ni, mó dii pɔmbɔ ndɔ. Le yɛɛ kpeekpei o dii yɛ ndu? Le mɛɛ dɛnnda ndɔlan láà vɔw, mí la pɔmbɔ ndɔlan láà sandu yɛ.

O Kandɔɔ 3:15

I lueinin vɔvanndo niaa tɛɛn niaa vanalanɔɔ, vɔvanndo vanin cuavaa ndɔa a cuavaa nɔmnda tɛɛn. Po vanalanɔɔ pialnin nɔm bollen, mì nɔm lɔva ndu bɛngu tííndííyo.»

O Kandɔɔ 4:25

Mí Adam sina vɛlɛ laa ndɔ vanalanɔ, mó vialu hɔ́ɔ́ piaandoo. Mí Hava ke ndu diolan aa Sɛt, kani mó dimi aa: «Hala ke ya vɛlɛ po celen o fonda Abɛl-lo, o Kain dii-o.»

O Kandɔɔ 5:29

mó ke ndu diolan aa Noe. Mó dimi aa: «Hoo yɔngunin naa kɔlɲuloo le valta naalan a le bɛpɛla naa n co hoo o lɛŋnde Mɛlɛka dɔw len danga len coo-o ni.»

Kundalan 31:17

Lelan, la diw poambɔa piaandua kpow a vanlaandua sina nin dɛnɛ vanapɔnɔɔ-a kpow.

O Kandɔɔ 3:24

Mɛɛ Mɛlɛka soli ndu o nakɔɔ nin lende, mó handu mɛlɛkaa kanda ɲɛm Hala-on-nda kpalillo o nakɔ kon sondoo a mɔɔn leyinndon o laba. Má va mun hiŋndo le nɛi yɔm cindaa kon cumullo.

O Kandɔɔ 4:2

Mó mulin vɛlɛ, mó vialu Abɛl, pɔmbɔɔ Kain pɛɛn. Mí Abɛl siŋnun vana mandaa n'cɔloo, mí Kain ndu siŋnun vana váà.

Condii lisai 127:3

Kɛ́ Mɛlɛka ke naa-o cuawva co ni, hɔ́aa co naa fulaa o n'pulu-a vɔ̀ngɔ̀ Mɛlɛka dɔw naa-o nda co ni.