O Kandɔɔ 39:9 - BII BILA

⁹ O hiw lɛ ya ivanabɛnduya cɛinin nanu le, o tuŋ ya ɲɛ-ɲɛ celen te, fɔ nɔm, kani laa ndɔ n co ni. Le yɛɛ nɛ ya tosa yɛnin dɛnɛ kɔlvesɛi bɛndu vaa lende mì cua hakio a Hala?»

O Kandɔɔ 39:9 Referans Kwoze

2Samiɛl 12:13

O kon mí David dimul Natan aa: «I cua hakio a Mɛlɛka.» Mí Natan dimul David aa: «Mɛlɛka cii nɔm haki malɔɔ le haki kon, a vinin te.

O Kandɔɔ 42:18

O paale yàándɔlen, mó dimul nda aa: «La tosa ɲɛ ya dimul niaa-o mì la baŋa yoomu niaa, kani vana ke Hala bɛɛlen-ndo ya co ni.

O Kandɔɔ 20:6

Mí Hala mulul ndu o lɔma sɔlaama pilɛma man nin aa: «Ya pila bɛɛ i sina maa o co a kɔlvesɛi le n tosa dɛnɔɔ ho le. Le kɔlɔ kon ya kuuna nɔm hakio tosaa ni, kani i cɛl ma sina ndu vanalanɔ le.

1Nsaŋ 3:9

Vana-vana velun pɛ o Hala nin, ndu hiw laci a hakio tosaa le, kani yɛi Hala-o co ndu nin, o nɔla hakio tosaa le, kani cua Hala-o o co ni.

Luke 12:48

Kɛ te buɛiyo sina hɛnan vana ndɔ bɛndoo le, mò tɛɛmbuu, ndu sɔlanin lɔɔ bɔɔ le. Vana nda ke pɛ taw, a ɲuna ndu taw. Vana nda yɔngu yɛ pɛ ɲɔɔn taw mandaa, a ɲuna ndu vɛlɛ taw-taw.»

Condii lisai 51:4

Pulu ya cɛ́kɛ́lɛ́ le tɛɛmbuu nuu, ma dindi ya le haki ya tosa-o.

1Korɛntea 4:2

Nduyɛ vana yɔngu ɲɔɔ le mandaa-o bɛnda mò va vana lo o lediom coo-o.

Yeremi 50:7

Vanaa kɛ́-kɛ̀ komal pɛ nda, a del nda coo a diw nda kpow, a dimi aa: «N tosa sɔɛi vɔɔn te, kani hakio vannda ha tosa a Mɛlɛka ni, nɛɛ cindaa co-a pɛɛn, o fuɲaa ndaa mamaa ndaa tiindan-ndo.

Yeremi 28:16

Ɲɛ Mɛlɛka dimi-o co hoo ni aa: «I co nɔm tovɔɔ o lɛŋnden nden nin, nanndee n co vu ni, kani a tosa mí vannda simul Mɛlɛka.»

SƐBƐ YƆB-O 31:23

Kani siòònde co ya a dɛnɛ palaa fula Hala o ba-o. Nduyɛ yáà nɔlanin ndu simul te.

2Samiɛl 11:27

Biisio cuvɔɔ, mí David viam vannda ndu kɔɔli. Mó cua ndu o nɔ̀u nin, mó vilul ndu hɔ́ɔ́ piaandoo. Mí Mɛlɛka tambu kɔl a David le dɛnɛ o tosa kon-ndo.

Kundalan 32:23

Kɛ te la tosa lende le, mɛɛ la cua hakio a Mɛlɛka, mɛɛ niaa pila kɔmnde yɔŋ vɔɔn niaa co delɔɔ o lebol ni.

Tɔŋ lasálàá 6:2

«Yɔngu Aarɔn nda poaa ndɔa tɔŋndan ndan, ma dimul nda aa: ‹Nuaa nda bɛnda le sálà loamaa solio ni: sálà loamaa bɛnda mò lɔl ŋɔu pii o yinnden nin háá idiiyo o fonda-loamaa-lasálàá coo, mì yinnden le va biyɔɔ.

Talelan 6:32

Kɛ vana-vana tɛm pɛ a vanalanɔ co laa ndɔ loo, vana bolle hiŋnanndo vana kon co ni. Kani vana yeema le ndu pila tɛɛmbɔnndo-o tosa lende ni.

Nehemi 5:15

Nduyɛ masaa n'bungaa cal-la tase-a va vannda delɔɔ coo le muloo malɔɔ a ɲɛm dian a á mɔiyan. Handɔɔ o kon coo, má va nda volin latámán belehiɔɔlu biyɔɔ coo le bolle vana pilɛ. Hali buɛyaa ndaa va nin vannda masalen tosaa coo. Kɛ ya yɛ, i tosa lende le, kani siòòŋii Hala-e va ya.

Dɛnnda cɔɔmuanndan 22:15

Kɛ nduyɛ vanaa tosaa dɛnnda vɔɔnda, vanaa mangalaa, vanaa tosaa dɛnnda nɔɔlɛiya, vanaa diuvaa n'vannda, vanaa soolaa n'piɔmnda a vana-vana kaola còòlan mo co lan dimio, nda lueinin te few.

Hebreea 13:4

Vannda kpede bɛnda mà ke nɔu bɛɛlen, mì vanaa co o nɔ̀u nin-nda, vana-vana lo o lediom coo a vanndo pilɔɔ vellaa-velle. Kani Hala kialunin yamɛi vanaa laasiannda a vanaa suundaa.

Tite 2:10

a ciimbuu ɲɛ-ɲɛ nda kɔɔli le. Kɛ a va dɛnɛ kɛndɔɔ tosaa lɔ́ɔ́-lɔ́ɔ̀, mà lo o lediom coo, haliko mi vannda ke pɛɛkula Hala Vana ciindiaa naa bɛɛlen.

Talelan 6:29

Lende koni i co vɛlɛ a vanapɔnɔ co a lanɔ pilaa-o ni. Vana-vana yɛɛnun pɛ ndu ba, ndu tuisin sangaa coo.

Nehemi 6:11

Mí mulul ndu aa: ‹O co vanapɔnɔ ɲaanun te ya co le. O faŋan pɛ o kon kɔɔli, ɔ́ɔ̀ vana co maa ya, mò luɛi o Cɛi-Hala-o nin, mò lo yoomu-o? Lelan, i lueinin te few!›

Tɔŋ lasálàá 20:10

Te vanndo suunda pɛ a lanɔ pilaa, nda ŋiɔn kpow a bɛnda mà sɔla piɔ́mndo.

O Kandɔɔ 41:40

Lelan, nɔm co va bollen o masale nilen coo ni, mì vanaa co o ba nuu bɛngu-a kpede a va nɔm o labɛngunin. Ya pila Faraɔnnɔɔ bɛɛ, ɲɛ ya hiawnin nɔm-ndo koni co le co ya co icali o kpɛŋɛ lemasaa nin-ndo ni.

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

O Kandɔɔ 24:2

Paale pilɛ, mó dimul buɛi ndɔ viow nin ndu o ba taw-vo, ó va hɔlten o ɲɛm ndɔn sɔlan kpow coo-o aa: «Luéi ba nɔmndo o lɔlu nuu bɛngu,

O Kandɔɔ 20:3

Kɛ mí Hala hun o Abimelɛk lo icɔllo o lɔma sɔlaan nin, mó dimul ndu aa: «A co piɔ́mndo sɔla le lanɔ n cua hoo-o, kani o nɔ̀u o co ni.»

O Kandɔɔ 13:13

Nduyɛ, vanaa laasiannda yungoo Sodɔm va ni. Yɔŋ vɔɔndo pila nda va tosaa a Mɛlɛka ni.

O Kandɔɔ 20:9

O kon, mí Abimelɛk veelu Abraham, mó ɲuna ndu aa: «Dɛnɛ yɛɛ n tosal-lɛ naa hoo? Yɛɛ ya yɔŋ yɛ nɔm, má hendul-la yaŋɔɔlen haliko mi yáà tosa hakio, ya pila a masale nilen? O co dɛnɛ vana bɛnda le tosa le n tosal-la hoo le.

O Kandɔɔ 39:10

Lepalaa-lepala, o va Yosɛf fɛlafɛlaa, kɛ Yosɛf ve lani yaŋɔɔ o sɔɛi ndɔɛi le. O cɛl le dɛnɛ tɛɛmbuu nda ndu le few.

Fulaa 20:14

La suunda le.

Vana Kɔlkaloo 7:26

Mí ca maa vanalanɔ mal vanpiaandua-o hiow lollo a piɔ́mndo. Kaola ndɔɔ co maa leyaŋɔɔ, bala ndɔlan la co maa n'yɔlɔ. Vana hɛnan Hala-o hialun ndu. Kɛ vana lahakio ndu, malnɔnndo o malnun ndu o ba ni mò bii ndu.