O Kandɔɔ 39:4 - BII BILA

⁴ O kon mó ca Yosɛf ɲia taw, mó sɔaa ɲɛm ndɔn ndu o ba. Mó siinguu ndu vana nɔ hɔlten cɛi ndɔɔ coo-o, mó sɔaa ɲɛm ndɔn sɔlan ndu o ba le mun mandaa.

O Kandɔɔ 39:4 Referans Kwoze

Dɛnnda kiilaa 20:28

Niaa pila mandan, mì la nɔ hɔlten kunda saa Hala Kɔl-Diandaa yɔngu niaa le mandaa-o coo, mì la manda kunda vanaa laalaŋaa Hala kila a piɔ́m po ndɔ ndu pila-o o kɔɔ-o.

Talelan 27:18

Vana caa pɛ tɔlɔɔ biyɔɔ, a de kɔmnde ndɔlen. Vana baalaa diikun pɛ vana ndɔ bɛndoo o sɔla bɛɛlen.

O Kandɔɔ 39:8

Kɛ mí Yosɛf kɛɛ, mó dimul ndu aa: «Vana ni bɛndoo cua cɛi ndɔɔ kpow mó sɔaa ya o ba, o ɲuna ya kona le ɲɛ-ɲɛ co nanu le, ɲɛm ndɔn sɔlan kpede ya n co o ba ni.

O Kandɔɔ 24:2

Paale pilɛ, mó dimul buɛi ndɔ viow nin ndu o ba taw-vo, ó va hɔlten o ɲɛm ndɔn sɔlan kpow coo-o aa: «Luéi ba nɔmndo o lɔlu nuu bɛngu,

O Kandɔɔ 19:19

A cii ya nin ɲia cɔ mà tosal-la dɛnɛ kɛndɔɔ taw. A cii ya nin ciindiaa. Kɛ i tiwnin ba mì ɲaanun o pembei coo le, yɔŋii kpundɔɔ ho komal-la lon mì vi.

Talelan 22:29

A ce nin vana caa vali ndɔɔ taw-vo? Le masaa o tosanin vali ndɔɔ ni, o lonin ndu tosaa maa vanaa baalaa vannda sina le-a le.

Talelan 17:2

Buɛi nɔ taasio-o cuanin fonda hɔ́ɔ́ soli vana lasiɛmbu loo, mò sɔla kɛ́ ndɔɔ o yungu kon tɛɛn.

Talelan 16:7

Mɛlɛka hini pɛ kɔl a kela vanndo, o tosa bɛndaa muungu vana kon tɛɛn hali nda yaamɔaa ndɔa.

O Kandɔɔ 33:10

Mí Yakɔb muli aa: «Kɛì-kɛì bɛɛ! I tɛɛlun nɔm, taa naŋ pɛ kɔl a ya lekɛ́ndɛi, mɛɛ bii ɲɛ ya cuu nɔm hoo-o. Kani ciikanndo ho naa nɔm, o co ko kpen a mɛɛ vana ciikan a Hala nuaa yɛ. Nduyɛ, a demul-la bɔɔ a kɔlkɛndɔɔ.

O Kandɔɔ 18:3

mó dimul nda aa: «Vanaa nia bɛndua, a yandi, la kei ya vana baala niaa ikɛi mì la hiownun lende le.

Talelan 14:35

Masaa ca vana baala kɛndɔɔ ɲia, kɛ kɔltuw ndɔɔ toal vana baala soli vana lasiɛmbu loo coo.

1Samiɛl 16:22

O kon kɔɔli, mí Saul vim Yisai kiilaa le ndu dimullo maa o yeema mì David lo ndu Saul o ba bɛngu le hɛnan o hɛnan ndu taw-vo.

O Kandɔɔ 33:8

Mí Esau ɲuna ndu aa: «Yɛɛ n yeema yɛ le tosaa a cɔlua ya bɔŋan haa-a kpow?» Mí Yakɔb muli aa: «Ɲɛ ya cuu nɔm vana ni bɛndoo-o co kon ni, haliko ma ce ya ɲia.»

O Kandɔɔ 32:5

Mo congun nda aa: «La kɔɛ pɛ, la kɔ dimul vana ni bɛndoo Esau aa Yakɔb vana nɔm baalaa dimi aa o Laban-ndo ndóò kɔɛ ni, ndu o lo o bɛngu coo ni háá telenndo ho.

O Kandɔɔ 15:2

Mí Abram ɲuna ndu aa: «Maalii Hala, yɛɛ n co yɛ ya yɔngu? Má cè ya kɔnndan! Kɛ i co hɔ́ɔ́ mɛi le, Eliesɛr fula Damas-o loonin ɲɛm nun kpow kɛ́ɔ ni.»

1Masaa 16:9

Ela lo mɔiyan kolɔɔ o Arsa vana va bɛ́ɛ̀ lemasaa bollen-ndo lo cɛinin Tirsa lon, mí buɛi ndɔɔ pum, diolan Simri, ó va simlacinɔ kunda tálá vanaa cɔvaa ɲaanun ɲɛla ɲaanannda soa nan-ndan-ndo yii ndu dúmbú.

Ruti 2:6

Mí langbanɔ kon mulul ndu aa: «Cua Moabunɔ Noemi hin kɔɔli fulaa o lɛŋnde Moab len nin-ndo ni.

1Samiɛl 2:26

Samiɛl-lɛ, o va hiovɔɔ laci tuŋ a hindɔɔ, mó va vanndacieea a Mɛlɛka hɛnanndo.

Ɛstɛr 2:9

Mí Ɛstɛr hɛnan Heke taw, mó ca ndu ɲia. Mó keleŋa ndu dɔ́ɔ́ ɲɛm kɛndɛn vana bɛɛndian-ndon, a ɲɛm bɛnda le balo ndɔɔ-on yɔngu. Mó yɔngu ndu vɛlɛ buɛyaa laandua felengia nda ŋɔmmɛw, à ndáà hɛli o cuaambɔa laandua va baalaa o cɛi lemasaa nin-nda tɛɛn-nda. O kon má cua Ɛstɛr a buɛyaa ndɔa laandua, má luei nda o cɛi hiow naŋɔɔ kpow o cɛi mandaa n'vanlaandoo nin-ndo nin.

Talelan 3:4

O kon, Hala a vanndacieea canin nɔm ɲia, ma sɔla diola kɛndɛlan.