O Kandɔɔ 39:3 - BII BILA

³ Mí Potifar sina maa Mɛlɛka va Yosɛf ikɛi, ɲɛ-ɲɛ Yosɛf va tosaa, mí Mɛlɛka va ndu nɛŋio.

O Kandɔɔ 39:3 Referans Kwoze

Condii lisai 1:3

Vana kon co macoaa maa yɔm tɔlnun o peo kɔngɔ-o, ó koam a telen o bɛnda le komɔɔ-o-o, o pei ndɔɛi ɲɔfɔliaa lɔ́ɔ́-lɔ́ɔ̀ loo. Ɲɛ-ɲɛ vana vaa lende tosa pɛ, o biinun bila ndu o ba.

O Kandɔɔ 30:27

Mí Laban mulul ndu aa: «Mɛɛ tuinun ya iɲíí, lo niko ya o bɛngu coo nanu. Halaa nia cɔm ya maa le co n co ya o bɛngu coo-o Mɛlɛka dɔw ya duaa ni.

Matie 5:16

Ɲɛ-tengaa niaa bɛnda mò tenga lende vannda o hɔl, haliko ma ce dɛnnda niaala kɛndɛlan, o kon mà biilu fuɲa niaa co o halataala-o.»

2Dɛnnda lemasalan 26:5

Telen Sakari, vana va ndu pɛɛkoo a sɔɛi Hala-e o kɔɔ-o va yoomu-o, Osias va kelaa o hɛnan Mɛlɛka-o coo. Le hee, mí Hala va kpekula ndɔlan nɛŋio.

1Samiɛl 18:14

Mí ɲɛ-ɲɛ va David bɛndaa o ba, kani Mɛlɛka va ndu ikɛi.

O Kandɔɔ 21:22

O telen pilɛ kon bɛngu, mí Abimelɛk cua Pikɔl, bolle vanaa ndɔa cɔwva, má kɔa o Abraham ndo, mó dimul ndu aa: «Hala co nɔm ikɛi o dɛnnda n co tosaa lan kpow nin.

O Kandɔɔ 26:28

Má mulul ndu aa: «N ce maa Mɛlɛka co nɔm ikɛi, lelan naa n dimi ni aa n bɛnda mì n yii kpemaa naa niaa. N yeema, nɔm a naa, mì vana-vana cua kpemaa mò mɛnan le kpema kon yiiyo.

Dɛnnda cɔɔmuanndan 3:9

Tofa vɔ, i malnin vanaa co o kunda Setana-o coo-a nɔm o ba, vanaa co kan còòlan dimio maa Yuifia nda co ni, nduyɛ a co N'Yuifi le-a. I cuunin nda mà hun baŋ nɔm vulan o labɛngunin, o kon mà sínà maa i kaola nɔm.

1Korɛntea 16:2

O niaa tɛɛn, vana-vana kɛsi ɲɛ pum landɔ o ndu lo cɛinin mɛɛ o tiw ba yɛ le hunɔɔ a ndu o paale tasele co o lɔ́ɔ́ o lɔ́ɔ́ bɛngu len, haliko la cum telen ya kɔanin-ndo le ɲɛm mun cuungiaa le.

Sakari 8:23

Ya Mɛlɛka-Nɔ-Kpaayaa-Kpow-vo dimi ni aa: O palɛi ken nin, n'van tɔ́ o vanaa-mangalaa-isɔɔa tɛɛn, a vanin sɔɔn mangalan yɛ́-yɛ́ɔn dimio-a, lɛɛndunnin o cɔcɔn doma Yuifnɔɔ o pilɛ, mà dimul ndu aa: ‹N yeema mi n kɔɛnnun naa niaa latulu, kani n tuei maa Hala co niaa ikɛi.›»

Nehemi 2:20

Mí mulul nda aa: ‹Hala co o halataala-o kenin naa kpaayaa mì n nɔla. Kani vanaa ndɔa baalaa naa n co ni, n co cɔnɔn mì n mingi tangul. Kɛ niaa, la nɔ kɛ nanu le, la nɔ dí le ɲɛ-ɲɛ nanu, la nɔ ɲɛ-ɲɛ vana loonun a niaa o kɔɔ Yerusalɛm te.›»

1Dɛnnda lemasalan 22:13

Taa bii pɛ silalan a tɔŋnda Mɛlɛka yɔngu Moise le Israɛlla lan, mà kela lecoo, mɛɛ dɛnnda nɔmndan kpow la naŋnin. Lueí yoomuan ma sim yili. Siòòŋii bii nɔm te, ɲiiya le.

1Samiɛl 18:28

Saul sinaa maa lekɛ́ndɛi ba Mɛlɛka-o va David coo, nduyɛ maa Mikal cua ndɔ kaola David taw,

O Kandɔɔ 39:23

O ve lɛ Yosɛf lehɔl kɔɔli le, kani Mɛlɛka va Yosɛf ikɛi, ɲɛ-ɲɛ o va tosaa, mí Mɛlɛka va ndu nɛŋio.

O Kandɔɔ 30:30

Kani ɲɛ bɔɔ ve nɔm o ba telen ya hin-ndo le, kɛ o hunɔɔ nuu, mí ɲɛ-sɔlaa nɔmndo kui taw-taw. Kabi ya hin nɔm o bɛngu coo, duaa Mɛlɛka co nɔm dɔvɔɔ-o co o bɔɔ. Te i lo pɛ nɔm o bɛngu coo lende, telen kuɛɛ ya co yɛ niko vallo tosa le yungule nilen?»

O Kandɔɔ 26:24

Paale o tiiya lon-nden, mí Mɛlɛka cɔmnun ndu icɔllo, mó dimul ndu aa: «Ya co Hala Abraham fuɲa nɔm-ndo ni. Buulan te, kani i co nɔm ikɛi. I co nɔm duaa dɔvɔɔ mì kuilul nɔm polale nɔmnden taw, le vana baala nuu Abraham.»

O Kandɔɔ 21:20

Hala va poombɔ kalaa ikɛi, mí poombɔɔ sul, mó cal o lɛŋnde veselɛilen nin. Mó siŋnun vana caa kpaasiaa vuuo taw-vo.

O Kandɔɔ 39:2

Mɛlɛka va Yosɛf ikɛi, ɲɛ-ɲɛ o va tosaa va ndu bɛndaa o ba. O va Esipte lon o vana ndɔ bɛndu pendu ndu-o lo.

2Masaa 18:7

Lelan, mí Mɛlɛka va ndu Esekia ikɛi, mí kpekula ndɔlan kpow la va diondɔɔ. Mó simul masaa Asiri, mó kɛɛ le vaa ndu o ba bɛngu.

O Kandɔɔ 21:23

Lelan sunsun, mɛnan le Hala maa a yiinin ya dúmbú naa cuavaa nia a cuavaa nia imamaa le. Mɛnan taa tòsalnin ya pila a lɛŋnde nile n co len icali nin-nden dɛnɛ kɛndɔɔ mɛɛ ya bɛɛ co nɔm dɛnɛ kɛndɔɔ tosallo yɛ.»

O Kandɔɔ 39:21

Kɛ Mɛlɛka va Yosɛf ikɛi mó va ndu dɛnɛ kɛndɔɔ tosallo, mí vana va vanaa kaasoa bollen-ndo ca Yosɛf ɲia taw.

Tɔŋ miingua 2:7

Kani Mɛlɛka Hala niaa dɔw niaa duaa o kpekula niaalan kpow nin, mó manda niaa telen niaa va lɛŋnde veselɛile bɛndulen nden taŋɔɔ-o. La tofa vɔ, o co nin vɔsilan belehiɔɔlu, Mɛlɛka Hala niaa co latulu a niaa, ɲɛ-ɲɛ co niaa lepɛŋ te.›

Yosue 1:9

Ya le dimul nɔm te áá lueinun yoomuan ma sim yili? Siòòŋii bii nɔm te, vu n'dial te, kani nɛɛ-nɛɛ n kɔɛ pɛ, ya Mɛlɛka Hala nɔmndo, i vanin nɔm ikɛi.»

1Samiɛl 3:19

Mɛɛ Samiɛl va sulɔɔ yɛ, lende koni Mɛlɛka va ndu ikɛi ni. Lelan sɔɔn o va dimio-on kpow n va peelɔnndo ni.

1Dɛnnda lemasalan 9:20

Pineas, po Eleasar-o va telen pum nda bollen ni, kani Mɛlɛka va ndu ikɛi.

2Dɛnnda lemasalan 1:1

Mí Salomɔn po David-o simi masale ndɔlen yili, kani Mɛlɛka Hala ndɔɔ va ndu ikɛi, mó siinguu ndu masa tɔ́ɔ́ bɛndoo.