O Kandɔɔ 39:2 - BII BILA

² Mɛlɛka va Yosɛf ikɛi, ɲɛ-ɲɛ o va tosaa va ndu bɛndaa o ba. O va Esipte lon o vana ndɔ bɛndu pendu ndu-o lo.

O Kandɔɔ 39:2 Referans Kwoze

1Samiɛl 18:14

Mí ɲɛ-ɲɛ va David bɛndaa o ba, kani Mɛlɛka va ndu ikɛi.

Condii lisai 91:15

Taa piɛi pɛ ya, i mululnin nɔm. O sangaa nin bɛɛ, i vanin nɔm ikɛi. I baŋanin nɔm mì ke nɔm bɛɛlen.

Yeremi 15:20

I siinguunin nɔm maa sungbule n'daɲale kálà-kálà vannda ha o hɔl. A cɔlɔbanin nɔm, kɛ a nɔlanin nɔm te, kani i co nɔm ikɛi le nɔm baŋaa a le nɔm ciindiaa. Sɔɛi fula ya Mɛlɛka o sondo-e co ken ni.

O Kandɔɔ 26:28

Má mulul ndu aa: «N ce maa Mɛlɛka co nɔm ikɛi, lelan naa n dimi ni aa n bɛnda mì n yii kpemaa naa niaa. N yeema, nɔm a naa, mì vana-vana cua kpemaa mò mɛnan le kpema kon yiiyo.

O Kandɔɔ 21:22

O telen pilɛ kon bɛngu, mí Abimelɛk cua Pikɔl, bolle vanaa ndɔa cɔwva, má kɔa o Abraham ndo, mó dimul ndu aa: «Hala co nɔm ikɛi o dɛnnda n co tosaa lan kpow nin.

Esai 43:2

Te la va pɛ mɛnndan taŋɔɔ, i co va niaa ikɛi, mɛmma peela bɛnduan bɛɛ, la koelinin mì la lo lenin te. Hali la va bɛɛ kelaa o yinnden nin, le lumnin niaa le. Yelenyelen leyinndo bɛɛ lumnin niaa le.

O Kandɔɔ 26:24

Paale o tiiya lon-nden, mí Mɛlɛka cɔmnun ndu icɔllo, mó dimul ndu aa: «Ya co Hala Abraham fuɲa nɔm-ndo ni. Buulan te, kani i co nɔm ikɛi. I co nɔm duaa dɔvɔɔ mì kuilul nɔm polale nɔmnden taw, le vana baala nuu Abraham.»

Esai 41:10

Yɔŋ isiòòn te, kani i co nɔm ikɛi, mɛɛndian ɲalaku-ɲalaku a buulanndo le, kani ya co Hala nɔmndo ni. I lueinin nɔm yoomuan, i co nɔm mala, i malanin nɔm a ba ni kɛndɛ kpaaya bɛndoo.

Condii lisai 1:3

Vana kon co macoaa maa yɔm tɔlnun o peo kɔngɔ-o, ó koam a telen o bɛnda le komɔɔ-o-o, o pei ndɔɛi ɲɔfɔliaa lɔ́ɔ́-lɔ́ɔ̀ loo. Ɲɛ-ɲɛ vana vaa lende tosa pɛ, o biinun bila ndu o ba.

O Kandɔɔ 28:15

Tofa vɔ, ya pila co nɔm ikɛi. Fonda oo fonda n kɔɛ pɛ, i mandanin nɔm. I minginin nɔm vɛlɛ o lɛŋnden nden nin. I melnin nɔm te háá mì peelu kpema ya cuel nɔm-ndo.»

Condii lisai 46:11

Mɛlɛka co yondaa aa: «La sim mì la sina maa ya co Hala ni, ya co masalen tosaa vanaa-mangalaa-isɔɔa coo ni, ya o labɛngunin lɛŋnden le co ni.»

Condii lisai 46:7

Vanaa-mangalaa-isɔɔa co vɔngaa, masɛi co hiilɔnndo, kɛ Mɛlɛka co diomndo solio, mì lɛŋnden le va puusianndo.

1Samiɛl 16:18

Mí buɛiyo pilɛ cua sɔɛi, mó dimi aa: «I sina langbanɔɔ pum, po Yisai Bɛtlɛhɛmnɔ-o, vana ɲɛ-caa kɛndɛ-kɛndɛ o co ni, vana dialun kalaa a kuubanɔ cɔwvo o co vɛlɛ ni. O caa sɔɛi, o naŋ hɔlla, hiovɔɔ o kon coo, Mɛlɛka co ndu ikɛi.»

1Samiɛl 3:19

Mɛɛ Samiɛl va sulɔɔ yɛ, lende koni Mɛlɛka va ndu ikɛi ni. Lelan sɔɔn o va dimio-on kpow n va peelɔnndo ni.

1Samiɛl 18:28

Saul sinaa maa lekɛ́ndɛi ba Mɛlɛka-o va David coo, nduyɛ maa Mikal cua ndɔ kaola David taw,

1Timote 6:1

O bɛnda mì vanaa-vanaa co cɛa ke vanaa ndaa bɛndua bɛɛlen mɛɛ o bɛnda yɛ, yɔŋii vannda soo sɔɔn vɔɔnndon a Hala naa a á pɛɛkula naalan o kɔɔ.

Matie 1:23

«Cuaambɔ lembu sina vɔ dɛnɛ vanapɔnɔ loo cuanin folio, mò velu hɔ́ɔ́ piaandoo, mà ke ndu diolan aa Emmanuɛl», kɔlɔ ndɔɔ co ni aa: «Hala co naa ikɛi».

Dɛnnda kiilaa 8:31

Mí langbanɔɔ muli aa: «Vɛ̀ɛ̀ ya bii yɛnin ndu bila? Te vana tɛɛsial-la ndu le!» O kon, mó dimul Filipe maa o hel o ɲɛ ɲaanan kalaa nin, mò cal ndu ikɛi.

O Kandɔɔ 21:20

Hala va poombɔ kalaa ikɛi, mí poombɔɔ sul, mó cal o lɛŋnde veselɛilen nin. Mó siŋnun vana caa kpaasiaa vuuo taw-vo.

O Kandɔɔ 39:3

Mí Potifar sina maa Mɛlɛka va Yosɛf ikɛi, ɲɛ-ɲɛ Yosɛf va tosaa, mí Mɛlɛka va ndu nɛŋio.

O Kandɔɔ 39:23

O ve lɛ Yosɛf lehɔl kɔɔli le, kani Mɛlɛka va Yosɛf ikɛi, ɲɛ-ɲɛ o va tosaa, mí Mɛlɛka va ndu nɛŋio.

Yosue 6:27

Mɛlɛka va Yosue ikɛi, mí Yosue fula tɔ́ɔ́ o lɛŋnden kpow coo.

2Masaa 18:7

Lelan, mí Mɛlɛka va ndu Esekia ikɛi, mí kpekula ndɔlan kpow la va diondɔɔ. Mó simul masaa Asiri, mó kɛɛ le vaa ndu o ba bɛngu.

Yosue 1:5

O palɛi n co tosa yoomu o ceendo coo-e kpow nin, vana-vana nɔlanin nɔm simullo le. I vanin nɔm ikɛi mɛɛ ya va Moise ikɛi yɛ, i faŋannin nɔm ikɛi le, i melnin nɔm te.

Yosue 1:9

Ya le dimul nɔm te áá lueinun yoomuan ma sim yili? Siòòŋii bii nɔm te, vu n'dial te, kani nɛɛ-nɛɛ n kɔɛ pɛ, ya Mɛlɛka Hala nɔmndo, i vanin nɔm ikɛi.»

1Dɛnnda lemasalan 9:20

Pineas, po Eleasar-o va telen pum nda bollen ni, kani Mɛlɛka va ndu ikɛi.

2Dɛnnda lemasalan 1:1

Mí Salomɔn po David-o simi masale ndɔlen yili, kani Mɛlɛka Hala ndɔɔ va ndu ikɛi, mó siinguu ndu masa tɔ́ɔ́ bɛndoo.