O Kandɔɔ 39:11 - BII BILA

¹¹ Paale pum niko, mí Yosɛf luɛi cɛinin le vali ndɔɔ tosaa, vanaa va nda o ba bɛngu-a ve cɛinin te.

O Kandɔɔ 39:11 Referans Kwoze

Efɛsea 5:12

Kani dɛnnda vanaa kan co tosaa o vionnɔnndo nin-ndan, siɛmbulan la bii vana le lan dimio ni.

Efɛsea 5:3

Yungu co le Hala-o niaa co ni, lelan o bɛnda mì vana saalun bɛɛ dɛnɛ nɔɔlɛi súú oo súù a dɛnɛ laasiɛi kɛ́-kɛ̀, te kon te yeemɛi vɔɔnde niaa tɛɛn te.

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

Yeremi 23:24

Vɛ̀ɛ̀ vanndo nɔla vionnɔnndo nɛɛ yililia pum mì bumba ndu cɔu?» Sɔɛi fula Mɛlɛka o sondo-e co hee ni. «I co nɛɛ-nɛɛ fee, o halataala a o lɛŋnden coo, vɛ̀ɛ̀ la sina ken te?» Mɛlɛka ɲuna lende ni.

Talelan 9:17

«Mɔima levuiyan ma yeela, ɲɛdiaa vana dia o vionnɔnndo nin-ndo naŋ bɔɔ.»

SƐBƐ YƆB-O 24:15

Vana suundɛiyo bɛɛ, ɲumndan koni o cal cumullo ni, o cɛn pɛ kɔlan, o dimi aa: ‹Vana cinin ya le.› O kon, o kuumbun kola vaan-vaando o hɔl.

O Kandɔɔ 39:10

Lepalaa-lepala, o va Yosɛf fɛlafɛlaa, kɛ Yosɛf ve lani yaŋɔɔ o sɔɛi ndɔɛi le. O cɛl le dɛnɛ tɛɛmbuu nda ndu le few.

O Kandɔɔ 39:12

Mí lanɔɔ Potifar kon bii dɔ́ɔ́ Yosɛf domaa, mó dimul ndu aa: «Vá a ya!» Kɛ mí Yosɛf hulu domaa, mó mɛi ndu ndu o ba, mó ɲaanun, mo fulan o bɛ́ɛ̀.