O Kandɔɔ 38:2 - BII BILA

² Mó saalun cuaambɔle laandule pilɛ lon, fuɲa ndɔ diolan Sua, Kanannɔɔ o va ni. Mó yil ndu o nɔ̀u nin, mó sina ndu vanalanɔ.

O Kandɔɔ 38:2 Referans Kwoze

1Dɛnnda lemasalan 2:3

Poaa Yuda-a yɔŋnun Ɛr, Onan a Sela ni. Poaa yaa kan o velu nda cua Sua-o ni, kanannɔ cua kon va ni. Kɛ vana vɔɔndo Ɛr po ndɔ tasoo va Mɛlɛka o hɔl ni, mí Mɛlɛka cii yoomu ndɔɔ le vɔɔnyɛi ndɔɛi ken.

O Kandɔɔ 24:3

ma mɛnan a Mɛlɛka, Hala co Masaa o halataala a o lɛŋnden coo-o, maa a yilnin po nuu lanɔɔ o cuavaa Kanaŋaa ya co haa icali tɛɛn-nda nin te.

2Korɛntea 6:14

La luei bollen o yɔm lebol pilɔɔ bɛngu niaa vanaa laalan te-a le. Kani ɔ́ɔ̀ bɛnda co ɲɛ sandu-o a ɲɛ sendu loo tɛɛn-ndo? Ɔ́ɔ̀ canyɛi co ɲɛ-tengaa a ɲumndan tɛɛn-nde?

2Samiɛl 11:2

Paale pum, a paale yɔngannden, David cɔnɔnndo o lɔma ipalan, mó kɔa kelaa o fonda yesa va o cɛi ndɔ lemasaa coo-o. O lo coocoo lon, mó ca vanalanɔɔ pum pulɔnndo, ndóò naŋ hɔlla taw.

Masaa kialaa n'yamaa 16:1

Paale pum, mí Samsɔn kɔa Kaasa, mó ca vanalanɔ suundɛiyo pum, mó hini a ndu.

Masaa kialaa n'yamaa 14:2

Ndóò muungoo, mó kɔ dimul yungu ndɔɔ aa: «I saalun felengi laandu Filistinɔɔ pum Timna, i yeema mì la cuel-la ndu mò va laa ni.»

O Kandɔɔ 46:12

Poaa Yuda-a yɔŋnun Ɛr, Onan, Sela, Perɛs a Sera ni. Kɛ Ɛr nda Onan ndáà vi nin o lɛŋnde Kanaan-nden nin. Mí Perɛs vialu Hɛsrɔn a Hamul.

O Kandɔɔ 34:2

Mí Sikɛm, po Hamɔr Heviinɔ va masalen tosaa o tàndà kon coo-o ca ndu. Mó kpuva ndu, mó hini a ndu, mó tɛɛmbuu ndu labɛɛ.

O Kandɔɔ 6:4

Boondii ken vanaa vilɛi-vilɛiya va o lɛŋnden coo ni. Mí ndáà va vɔ vɛlɛ o kon kɔɔli. Nda yɔŋnun kuubaa cɔvaa masindɛa ni, tɔ́ɔ́ pila ndáà nɔ ni. Tuma poaa Hala-a hun cua cuavaa laandua vanndacieea o nɔ̀lan-ndo nda velu vanaa vilɛyaa kan ni.

O Kandɔɔ 6:2

mí poaa Hala-a ca maa cuavaa laandua vanndacieea va violɔɔ-a naŋ taw, má hɛli a pum, má cua nda o nɔ̀lan.

O Kandɔɔ 3:6

Mí vanalanɔɔ ca maa yɔm kon naŋ taw o dioo a o tofaa, maa yeemɛi bii vana le kɔmnde ndɔlen dioo le dɛnɛ sinaa bɛndoo sɔlaa. O kon, mó kiandu komɔɔ o pilɛ, mó dia. Mó yɔngu vɛlɛ pɔnɔ ndɔ, o nda va latulu-o, mí ndu bɛɛ dia.

Kundalan 26:19

O cuavaa Yuda-a tɛɛn, mí a ŋiɔn vu o lɛŋnde Kanaan-nden nin: Ɛr nda Onan.

O Kandɔɔ 28:1

O kon, mí Isaak veelu Yakɔb, mó dɔaw ndu duaa, mó dimul ndu aa: «Yìl vanalanɔ Kanannɔɔ o nɔ̀u le.