O Kandɔɔ 34:9 - BII BILA

⁹ O kon, mì nɔ̀ kon siŋnun kpemaa naa tɛɛn naa niaa. Mì la va cuavaa niaa kɛsio naa o ba o nɔ̀lan, mì niaa bɛɛ va cuavaa naa cuaa.

O Kandɔɔ 34:9 Referans Kwoze

Tɔŋ miingua 7:3

La yii nɔlan niaa ndaa le, la kɛsi cuavaa niaa laandua o nɔlan poaa ndáà o ba le, la cua cuavaa ndaa laandua o nɔlan le poaa niaa le.

O Kandɔɔ 27:46

Mí Rebeka kɔ dimul Isaak pɔnɔ ndɔ aa: «I co a mɔnɛi a dɛnɛ cuavaa Hitiia ha. Te Yakɔb bɛɛ yil pɛ lanɔɔ o lɛŋnden nden nin, mɛɛ piɔ́m nuu bendu lɛ le.»

O Kandɔɔ 24:3

ma mɛnan a Mɛlɛka, Hala co Masaa o halataala a o lɛŋnden coo-o, maa a yilnin po nuu lanɔɔ o cuavaa Kanaŋaa ya co haa icali tɛɛn-nda nin te.

O Kandɔɔ 19:14

Le hee, mí Lɔt fula, mó kɔa o piaandaa cuavaa ndɔa lo, mó dimul nda aa: «La cɔn mì n faŋan nanu, kani Mɛlɛka kɔngɔlan le kobio ho tɛɛmbuuo.» Kɛ mí lefua ndɔa kan ca sɔɛi ken maa sɔɛi lamamɔɔ.

O Kandɔɔ 6:2

mí poaa Hala-a ca maa cuavaa laandua vanndacieea va violɔɔ-a naŋ taw, má hɛli a pum, má cua nda o nɔ̀lan.

O Kandɔɔ 34:8

Mí Hamɔr dimul nda aa: «Sikɛm po ni yom yomndo pila le cua niaa, aa niaa kɛsi ndu o nɔ̀u ndu o ba, o yeema ndu taw. Lelan, a yandi, la ke ndu ndu mò siŋnun laa ndɔ.

O Kandɔɔ 34:10

La cɛl pɛ, la cal o naa lo nanu, lɛŋnden le va o ba niaa bɛngu. La cal lenin, la dindi kpekula niaalan, la sɔla vɛlɛ lɛŋnde a yondolan.»

Ɛsdras 9:14

O dɛnndan ndan kpow kɔɔli, vɛ̀ɛ̀ naa n kɛɛ yɛnin vɛlɛ tɔŋnda nɔmndan biyɔɔ, mì n muungu nɔlan yiiyo naa vanaa-mangalaa-isɔɔa nɔ haa dɛnnda nɔɔlɛilan-nda? Vɛ̀ɛ̀ a tembunin kɔl a naa mà cii naa kpede hali vanndo pilɛ bɛɛ lonin te le?