O Kandɔɔ 34:7 - BII BILA

⁷ Poaa Yakɔb-a ndáà muungu nin ciee, má tuɛi sɔɛi he. Mɛɛ nda tuei ndi, mí mɔnɛi bii nda taw. Má tuulu kɔltan taw-taw, kani Sikɛm tosa dɛnɛ lamàà bɛndoo Israɛl le kpuva o kpuva cua Yakɔb-o mó hini a ndu-o. O co dɛnɛ bɛnda le tosan te o co le.

O Kandɔɔ 34:7 Referans Kwoze

Masaa kialaa n'yamaa 20:6

Lelan ya cua dialun ndɔn ni, mí kilikili mun bungan, mí piɔw mun polama yɛ́-yɛ́ma Israɛlla kpow tɛɛn. Kani bɛɛtambɛiyo a mààla vɔɔnndan pila nda luei Israɛl nuaa ni.

Yosue 7:15

Vana ya hɛlinin nda tɛɛn-ndo, mɛɛ ndu ɲɛm ya kuuna mún-ndon co o ba ni. O kon, la bii vana kon, la mal ndu o yin a ɲɛm ndɔn kpow, o ŋɔɛ sukɛí, le tùú o tɛɛmbuu kpema ya Mɛlɛka-o-o a le tùú o tosa dɛnɛ nɔɔlɛiyo Israɛlla tɛɛn-ndo.»

Tɔŋ miingua 22:21

a bii cua kon, a kɔɛ a ndu o cɛi fuɲa ndɔ-o sondoo, pilacieaa ndɔa vii ndu a powtan háá mo vi. Kani dɛnɛ nɔɔlɛiyo o tosa kon Israɛlla tɛɛn ni, bau telen o va vɔ fuɲa ndɔ o bɛngu coo-o, mó suunda. Mɛɛ lende niaa bɛnda ni mi la faŋa dɛnɛ vɔɔndo niaa tɛɛn.

Hebreea 13:4

Vannda kpede bɛnda mà ke nɔu bɛɛlen, mì vanaa co o nɔ̀u nin-nda, vana-vana lo o lediom coo a vanndo pilɔɔ vellaa-velle. Kani Hala kialunin yamɛi vanaa laasiannda a vanaa suundaa.

O Kandɔɔ 20:9

O kon, mí Abimelɛk veelu Abraham, mó ɲuna ndu aa: «Dɛnɛ yɛɛ n tosal-lɛ naa hoo? Yɛɛ ya yɔŋ yɛ nɔm, má hendul-la yaŋɔɔlen haliko mi yáà tosa hakio, ya pila a masale nilen? O co dɛnɛ vana bɛnda le tosa le n tosal-la hoo le.

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

Nsaki 3:10

O sondo pilɔɔ nin duaalan a mɛɛniaalan la co fulaa ni. Puapilɛa nia, o bɛnda mò tosan lende le.

Efɛsea 5:3

Yungu co le Hala-o niaa co ni, lelan o bɛnda mì vana saalun bɛɛ dɛnɛ nɔɔlɛi súú oo súù a dɛnɛ laasiɛi kɛ́-kɛ̀, te kon te yeemɛi vɔɔnde niaa tɛɛn te.

1Korɛntea 10:8

N suundan maa mɛɛ vanaa pum nda tɛɛn tosa yɛ le. Nduyɛ, o paalen ten pilɛ bɛngu, mí vannda vaalan bidiin a layàá a sɔla piɔ́mndo.

1Korɛntea 6:18

La vow balan o suundaa nin te! Yɔŋnda vɔɔnnda celennda vanndo tosa lan la pilan ko dialun ndɔn te, kɛ vana vow pɛ baa o suundaa nin, o tɛɛmbuu dialun ndɔn ndu pilan.

Talelan 7:7

mí ca poombɔ piaandu nɔ mahul too pum o vanaa nɔ taasi le-a tɛɛn, mí dɔaw ndu taasi poambɔa piaandua tɛɛn.

Condii lisai 93:5

Éé Mɛlɛka! Toɲaa tɔŋnda nɔmndan kpow la co ni, diondɔɔ fɛɛn-fɛɛndo bɛnda bɔɔ cɛi nɔmndo.

2Samiɛl 13:21

Mɛɛ masaa David tuei sɔɛi ken, mó tambu kɔllo taw.

Tɔŋ miingua 23:17

Cɛ kon nɔla mò cal niaa tɛɛn o lɛŋnde niaalen nin, o fonda hɛnannin ndu-o, o kobila niaalan o pilɛ nin. La bɛnda mì la saangiaa ndu le tɔnɔ soli ndu o n'dial te.»

Tɔŋ lasálàá 4:27

‹Te vana pilɛ o vanaa tɔ̀a tɛɛn tosa hakio o sina lepɛŋndo nin ni, mò tɛɛmbuu tɔŋndo pum a dɛnɛ Mɛlɛka kuuna tosaa-o, mɛɛ o siŋnun vana tɛɛmbua tɔŋndo.

Tɔŋ lasálàá 4:13

Te o va pɛ maa sɛ́lɛ́ cuavaa Israɛlla kpow tosa hakio o sina lepɛŋndo nin ni, mà tɛɛmbuu tɔŋndo pum a ɲɛ ya Mɛlɛka kuuna tosaa-o, mà siŋnun vanaa tɛɛmbua tɔŋnda lende, mì sɔɛi ken vennun nda tɛɛn,

Tɔŋ lasálàá 4:2

«Soo o Israɛlla lo ma dimul nda aa: ‹Te vanndo tosa pɛ hakio o sina lepɛŋndo nin, mò tɛɛmbuu tɔŋnda Mɛlɛka lan o pilɛ a dɛnɛ ndu Mɛlɛka kuuna-o pum tosaa, nuaa vana kon bɛnda le tosaa ni:

O Kandɔɔ 46:7

poaa ndɔa, cuavaa ndɔa laandua, cuavaa ndɔa imamaa a vanaa va o polale ndɔlen coo-a kpow. Kan kpede a va ndu o labɛngunin telen o tiiya kon Esipte-o.

1Timote 5:13

Handɔɔ o kon coo, a luɛi siɛlɛiyo, a cɛn keiyo balɔɔ cɛilan nin. Handɔɔ vɛlɛ o siɛlɛi kon coo, a siŋnun vanaa tombolaa a vanaa vow sondolan o sɔɔn pilan nin-nda, a muungu sɔɔn nda bɛnda le dimi loon dimio.

Kolɔsea 3:5

La diw dɛnnda ceennda kɛ́-kɛ̀ co niaa nin: suundaa, dɛnnda nɔɔlɛilan, yeeman bɛndon, yeeman vɔɔnndon a yeemɛi ɲɛ sɔlɛi, kani piɔmnda sooloo co yeemɛi ɲɛ-sɔlaa ni.

O Kandɔɔ 34:6

Mí Hamɔr, fuɲaa Sikɛm kɔa o Yakɔb lo le sɔɛi o ndu lo.

O Kandɔɔ 34:8

Mí Hamɔr dimul nda aa: «Sikɛm po ni yom yomndo pila le cua niaa, aa niaa kɛsi ndu o nɔ̀u ndu o ba, o yeema ndu taw. Lelan, a yandi, la ke ndu ndu mò siŋnun laa ndɔ.

Tɔŋ miingua 22:20

Kɛ nduyɛ, te sɔɛi vanapɔnɔɔ kon dimi-e va pɛ toɲaa, te tɔɔmasele cinnun le cɔmndo maa o komal cua kon o ba ndɔɔ coo le,

Yeremi 29:23

Mààla nda co tosaa o lɛŋnde Israɛl-ten nin-ndan la co lan ni: a co suundaa a laandaa caanda, mà va còòlan dimio a ya o sondo. Nduyɛ, i vim nda le. I sina ken kpow, i co lesei.» Sɔɛi fula Mɛlɛka o sondo-e co ken ni.