O Kandɔɔ 34:2 - BII BILA

² Mí Sikɛm, po Hamɔr Heviinɔ va masalen tosaa o tàndà kon coo-o ca ndu. Mó kpuva ndu, mó hini a ndu, mó tɛɛmbuu ndu labɛɛ.

O Kandɔɔ 34:2 Referans Kwoze

SƐBƐ YƆB-O 31:9

Te i fula pɛ vanalanɔɔ pum lehɔl, te i sim nin pɛ mɛngɛlaa o dio pilaa,

Matie 5:28

Kɛ ya, i co niaa dimul: vana-vana tofa pɛ vanalanɔɔ tofa yeemɛi vɔɔndo, mɛɛ ndu cii suunda a vanalanɔ kon o kɔl ndɔɔ nin.

Talelan 13:20

Vanndo kela pɛ a vana kɔlkaloo, ndu bɛɛ kendu kɔl. Kɛ vanndo kela pɛ a diɔm sondo vesɛiyo vana kon kɔndu dɛnɛ.

SƐBƐ YƆB-O 31:1

«Náà n cii nin cɛlan naa hɔlta nilan, yáà bɛnda lɛ mì yáà tofa cua laandoo tofa iyeema le.

Masaa kialaa n'yamaa 14:1

Paale pum, mí Samsɔn kɔa Timna, mó saalun felengi laandu Filistinɔɔ pum ndon.

2Samiɛl 11:2

Paale pum, a paale yɔngannden, David cɔnɔnndo o lɔma ipalan, mó kɔa kelaa o fonda yesa va o cɛi ndɔ lemasaa coo-o. O lo coocoo lon, mó ca vanalanɔɔ pum pulɔnndo, ndóò naŋ hɔlla taw.

Tɔŋ miingua 22:29

vanapɔnɔ suunda kon a cua pilaa-o bɛnda mò luɛi bɔnɔ, mò yɔngu fuɲaa cuaa volin latámán beleŋuɛɛnu, mò cua vɛlɛ cuaambɔ kon o nɔ̀u nin. Kani kpuvaa o kpuva ndu ni, handɔɔ o kon coo, háá mo vi o bɛnda lɛ mo kɛɛ ndu le few.

Tɔŋ miingua 22:24

la bii nda nda ŋiɔn kpow, la kɔɛ a nda o dio kobio, la vii nda a powtan háá ma vi. Cuaambɔ laandu kon co piɔ́mndo sɔla le kɛɛ o kɛɛ le yeelan mɛlio coocoo le vannda veeloo-o, nduyɛ o kobio nin dɛnɛ kon tosan ni. Langbanɔɔ ndu sɔlanin piɔ́mndo le tùú o suunda a lanɔ pilaa-o. Lende niaa bɛnda ni mi la faŋa dɛnɛ vɔɔndo niaa tɛɛn.

Tɔŋ miingua 21:14

Lɔ́ɔ́-lɔ́ɔ̀ kaola cua kon cuu pɛ po kon o kɔl, o mal ndu, o kɔɛnnun nɛɛ o yeema le kɔnndan-nda. O bɛnda mò pisi ndu a n'voli le, o bɛnda vɛlɛ mo siinguu ndu cɛ ndɔ le. Kani o sina ndu vanalanɔ.»

O Kandɔɔ 33:19

Mó piandu lɛŋnden cuavaa-imamaa Hamɔr-a o ba volin latámán kɛmɛ, Hamɔr kon kelu Sikɛm ni. Lon Yakɔb simi cɛila-kolala-toandaala ndɔlan ni.

O Kandɔɔ 20:2

Mó dimul vannda maa yema ndɔ Sara co ni, nduyɛ laa ndɔ o va ni. O kon, mí Abimelɛk, masaa Kerar cua ndu le ndu siinguuo laa ndɔ.

O Kandɔɔ 10:17

Heviia, Arkiia, Siniia,

O Kandɔɔ 6:2

mí poaa Hala-a ca maa cuavaa laandua vanndacieea va violɔɔ-a naŋ taw, má hɛli a pum, má cua nda o nɔ̀lan.

O Kandɔɔ 34:3

Mó holnun niko Dina, cua Yakɔb kon. Mó yeema ndu taw. Mó kindin le cuaambɔɔ kɔllo nanɔɔ o ndu lo a sondo yeelaa.

O Kandɔɔ 34:30

Mí Yakɔb dimul Simeɔn nda Levii aa: «La pìndul-la cɔwvo fɔ́! La siinguu ya vana vɔɔn bɛndoo pilacieaa lelɛŋnda o hɔl, Kanannda a Perisiia pɛɛn. Nduyɛ, vanpiaandua bɔɔ co ya o ba le. Te vannda ha mɔsɔŋan pɛ le ya tolɔɔ coo, a co ya nɔla, mà dii ya a yungu nuu kpede.»

Masaa kialaa n'yamaa 9:28

Mí Kaal po Ebɛd-o ɲuna nda aa: «Nɛ̀ɛ̀ Abimelɛk co yɛ mì naa Sikɛmnda n va ndu o ba bɛngu? O co po Yerubaal-lo le o co le? Vɛ̀ɛ̀ o co Sebul te co bolle vanaa ndɔa cɔwva le? Lelan la tosal yungu Hamɔr vana kelu kobio Sikɛm-ndo baalaa! O co vanaa bɛnda le va Abimelɛk o ba bɛngu le naa n co le.

O Kandɔɔ 34:27

Mí poaa tɔ̀a Yakɔb-a hun siow vanaa va piɔ́mndo-a tɛ̀i, má yunga cieo le bɛ̀ɛ̀la ndáà cii yema nda lan.

Yosue 9:7

Kɛ mí Israɛlla mulul nda aa: «Bɔɔle naa macɛlu niaa co icali ni, vɛ̀ɛ̀ naa n yii yɛnin kpemaa naa niaa?»

2Samiɛl 11:4

Mí David viam kiilaa le kɔlan ndu cuaa. Mí Bat-Seba hun o David lo, mí David sina ndu vanalanɔ. Ciiyo, mí Bat-Seba muungun o ndu lo. Nduyɛ Bat-Seba va pulɔnndo le dindinndo, kani ndóò cii ko sɛnɛi paangii ndɔɛi cɔ.

2Samiɛl 13:14

Kɛ a kon kpede, Amnɔn yeŋ ndu lani le. Mó kpuva ndu, mó hini a ndu.