O Kandɔɔ 33:9 - BII BILA

⁹ Mí Esau dimul ndu aa: «Pɔmbɔnndo, bolofaa co ya o ba taw. Lelan, manda ɲɛm nɔmndon le nɔm pila.»

O Kandɔɔ 33:9 Referans Kwoze

O Kandɔɔ 27:39

Mí Isaak fuɲa ndɔ dimul ndu aa: «Yaŋ-ndɔ nilan. Fonda n vanin icali-o, ɲɛ venin naŋɔɔ o lɛŋnde len coo le. Mɔ́m venin fula o halataala mò kɛsi makɛm le tɔlɔɔla nɔmndan nɛŋi le.

Filemɔn 1:7

Puapilɛ nuu, i dɔwnun ɲaale taw mí sɔla yoomuan a kaola nɔmndo, kani a tosa mí vanaa laalannda ɲulul kɔltan.

Filemɔn 1:16

O co lɛ maa cɛ daama le, kɛ hiovɔɔ o kon coo, maa puapilɛ vana kaola taw-vo o co nin ni. I kaola ndu taw, nduyɛ, i laalan maa nɔm kaolanin ndu vɛlɛ hiovɔɔ o ya coo, a kaolanin ndu o vanacieeyɛi nin, mà kaola ndu vɛlɛ maa puapilɛ nɔmndo o Maalii nin.

Dɛnnda kiilaa 21:20

Mɛɛ nda tuei sɔɔn mun, má candu Hala. O kon kɔɔli, má dimul Pol aa: «Puapilɛ naa, a ce mɛɛ Yuifia taw a siŋnun vanaa Krista-aa yɛ, nda kpow a co vɛlɛ tɔŋndo biyɔɔ ɲɛkɛndɛi.

Dɛnnda kiilaa 9:17

O kon, mí Ananias kɔa, mó kɔ luɛi cɛinin, mó handu Sol balan coo, mó dimul ndu aa: «Puapilɛ nuu Sol, Maalii Yeesu vem ya ni, o cɔmnun nɔm o nɛi lɔ́ɔ́ n va hunɔɔ-o, haliko mi hɔlta nɔmndan la kumbin vɛlɛ, mà pɛ a Hala Kɔl-Diandaa.»

Vana Kɔlkaloo 4:8

ndu co a vana co ndu pilɛ kpé-o o kɔɔ ni. O nɔ po le, o nɔ bɛndu le, o nɔ pɔmbɔ le. Kɛ o pɛngi a baalaa le, o co yeemaa le bolofaa sɔlaa tuŋ. Nduyɛ, o co ɲunanndo aa: Le nɛ̀ɛ̀ ya co yɛ sanganndo ho mì va kɛɛ yeemɛi nii tosa? Sanga fondoo co vɛlɛ kon ni, ceendo vili vɔɔndo pɛɛn.

Talelan 16:7

Mɛlɛka hini pɛ kɔl a kela vanndo, o tosa bɛndaa muungu vana kon tɛɛn hali nda yaamɔaa ndɔa.

Masaa kialaa n'yamaa 20:23

O kon, mí vanaa cɔwva Israɛl sɔla vɛlɛ yoomuma sɛnɛi, má bɛɛndian, má kɔ ciŋilan nda nɛɛ ndáà ciŋilan nda o tasendɔ-a.

O Kandɔɔ 27:41

Mí Esau cua nɛyɔn Yakɔb-o le duaa ndɔ o hɛlu fuɲa nda o ba-o. Mó dimi o kɔl ndɔɔ nin aa: «Piɔ́m fuɲa naa bendu lɛ le, te o vi dɔ́ɔ́ pɛ, i koma dii Yakɔb pɔmbɔ ni.»

O Kandɔɔ 4:9

O kon, mí Mɛlɛka ɲuna Kain aa: «Kuɛɛ nɛ Abɛl pɔmbɔ nɔm co yɛ?» Mí Kain mulul ndu aa: «I sínà le. Mò va maa ya co kpalilnɔ pɔmbɔ nuu ni.»

Talelan 30:15

Hoondo nɔ cuavaa laandua a ŋiɔn, a co dimio aa: «Yɔngu! Yɔngu!» Ɲɛlan tan yáá la co ni, la pim te lan, la dimi lɔ́ɔ́-lɔ́ɔ̀ le aa: «O va nuaa».

O Kandɔɔ 27:40

Mɔɛi nɔmnde tosanin ni ma va yoomu. A siŋnunnin buɛi pɔmbɔ nɔm-ndo. Kɛ a venin icali o pumbu le. A cuiŋinin volɔɔla lusula o handunin nɔm o lebol-tan, mà soli bolle nɔmnden lebɛngu.»

O Kandɔɔ 33:10

Mí Yakɔb muli aa: «Kɛì-kɛì bɛɛ! I tɛɛlun nɔm, taa naŋ pɛ kɔl a ya lekɛ́ndɛi, mɛɛ bii ɲɛ ya cuu nɔm hoo-o. Kani ciikanndo ho naa nɔm, o co ko kpen a mɛɛ vana ciikan a Hala nuaa yɛ. Nduyɛ, a demul-la bɔɔ a kɔlkɛndɔɔ.