O Kandɔɔ 33:11 - BII BILA

¹¹ Lelan, bii ɲɛ ya cuu nɔm hoo-o ya o ba. Kani Hala ce ya ɲia taw, ɲɛ-ɲɛ ka co ya o ba.» O lo Esau baŋnɔnndo kɔɔli háá mí Esau bii yɔŋɔɔ kon.

O Kandɔɔ 33:11 Referans Kwoze

Filipea 4:18

I sɔla ɲɛm niaa yɔŋ ya-on kpow, mí n hiw kuiyo ya o ba. I pɛ, Epafrodite langa yɔngu ya ɲɛm niaa yɔŋ ya-on, n co macoaa maa lasikɔlɔ cun kɛndɛ, sálà hɛnan Hala-o.

1Samiɛl 25:27

Lelan cɛl yandi, mì ɲɛm buɛi nɔm laandoo cuu nɔm-ndon piɔwnun langbaa co nɔm kɔɔli-a.

2Masaa 5:23

Mí Naaman dimi aa: «Cɛl ma bii volin latámán kilolan belaŋɔmpum.» Mó baŋnun ndu kangalan, mó vow volin kalan o bɔlɔlan tan tiɔn nin, mó cua vɛlɛ volɔɔla cuɛinannda tiɔnndan, mó handu lecoo. Mó siiluu buɛyaa ndɔa nda ŋiɔn volɔɔla lan, má liila Kehasi a lan.

O Kandɔɔ 33:9

Mí Esau dimul ndu aa: «Pɔmbɔnndo, bolofaa co ya o ba taw. Lelan, manda ɲɛm nɔmndon le nɔm pila.»

O Kandɔɔ 30:43

Lende Yakɔb sɔla bolofaa taw ni. Mó sɔla cɔlua taw, buɛyaa laandua, a piaandua, ɲɔɔmɛɛa a sofɛlɛa.

1Timote 4:8

Kani diallon kindio naŋ, kɛ kon nɔ tɔnɔ bɔɔ le. Siòòŋii Hala-e nɔu o dɛnndan kpow nin hiow naŋɔɔ polon, kani kon yɔngu naa tiindanndo sɔlaa le ceendo ho sunsun a le ceen hunnin-ndo ni.

2Korɛntea 6:10

A co naa kɔltan tɛɛmbuuo, kɛ nduyɛ n co a ɲaaloo lɔ́ɔ́-lɔ́ɔ̀. N co maa vanaa kɔɛi bɛndu, kɛ nduyɛ n co vannda tɔnɔɔ looloo, n co maa vanaa lepɛŋ, kɛ nduyɛ, ɲɔɔn kpow n co naa o ba.

1Korɛntea 3:21

Lelan, vana-vana tiindan biilu vanndacieea le, kani le niaa ɲɔɔn kpow n co ni.

Luke 14:23

Mí vana bɛndoo dimul ndu vɛlɛ aa: ‹Kɔ o nɛilan a o kungalan demullo, ma baŋ vannda le luɛyɔɔ haliko mi cɛi nuu ho pɛ cá.

2Masaa 2:17

Kɛ a lo ndu baŋnɔnndo kɔɔli háá mó dimul nda aa: «Mɛɛ la viom nda.» Má viam langbaa beleŋuɛɛnua kan, má kɔ nuwviaa Elii palɛi ndii yáá, a seelun ndu le.

1Samiɛl 30:26

Lɔ́ɔ́ David muungu Siklak-o, mó yɔngu caaŋaa ndɔa bolofaa cɔwvo o tiŋ, kaasoŋaa kɔlkalua Yuda pɛɛn. Mó dimul nda aa: «La bii ɲɛ naa n sɔla o bolofaa cɔwvo nin-ndo, o naa n hɛlu yaamɔaa Mɛlɛka-a o ba-o.»

Masaa kialaa n'yamaa 1:15

Mó muli aa: «Tosal-la kɛndɛi pum! Yondo n ke ya a ba too-o, o co yondo nàŋ ɲɛ le o co le. Lelan, ke ya vɛlɛ soonnda mamɛnndan.» Le hee, mí Kalɛb ke ndu soonnda mamɛnndan lecoo a lan lebɛngu.

Yosue 15:19

Mó muli aa: «Tosal-la kɛndɛi pum! Yondo n ke ya a ba too-o, o co yondo nàŋ ɲɛ le o co le. Lelan, ke ya vɛlɛ soonnda mamɛnndan.» Mí Kalɛb ke Aksa soonnda mamɛnndan lecoo a lan lebɛngu.

O Kandɔɔ 33:10

Mí Yakɔb muli aa: «Kɛì-kɛì bɛɛ! I tɛɛlun nɔm, taa naŋ pɛ kɔl a ya lekɛ́ndɛi, mɛɛ bii ɲɛ ya cuu nɔm hoo-o. Kani ciikanndo ho naa nɔm, o co ko kpen a mɛɛ vana ciikan a Hala nuaa yɛ. Nduyɛ, a demul-la bɔɔ a kɔlkɛndɔɔ.

O Kandɔɔ 33:12

O kon mí Esau dimi aa: «N faŋan nanu mì n kɔɛ latulu, i co va nɔm laci.»

O Kandɔɔ 32:21

La dimul ndu vɛlɛ aa: ‹Yakɔb vana nɔm baalaa co hunɔ̀ɔ́ naa kɔɔli.›» Kani nuaa Yakɔb va yiyanndo o kɔl ndɔɔ nin ni aa: «Te o ce pɛ cɔlua ya yeema haa le ndu yoo-a ya laci, o co kɔllo ɲulul. O kon kɔɔli, ya pila koma fula niko ndu o hɔl. Bɔɔle mò cɛl mì sɔɔnguu ndu ikɛi.»