O Kandɔɔ 33:10 - BII BILA

¹⁰ Mí Yakɔb muli aa: «Kɛì-kɛì bɛɛ! I tɛɛlun nɔm, taa naŋ pɛ kɔl a ya lekɛ́ndɛi, mɛɛ bii ɲɛ ya cuu nɔm hoo-o. Kani ciikanndo ho naa nɔm, o co ko kpen a mɛɛ vana ciikan a Hala nuaa yɛ. Nduyɛ, a demul-la bɔɔ a kɔlkɛndɔɔ.

O Kandɔɔ 33:10 Referans Kwoze

SƐBƐ YƆB-O 33:26

O soo pɛ o Hala lo, Hala ce ndu ɲia, o fula Hala o hɔl a ɲaaloo. Kani Hala ke vanacieo dí ni, mò mal ndu haki.

Dɛnnda cɔɔmuanndan 22:4

A canin ndu hɔlla, diola ndɔlan la vanin la lasɛvaa nda o n'tendu.

Yeremi 31:2

O Mɛlɛka dimi-o co hoo ni aa: «I tosal vanaa mɔɛi cɔwve bendu-a kɛndɛi o lɛŋnde veselɛilen nin, lelan pɛngio vanin le Israɛlla.

O Kandɔɔ 32:30

Mí Yakɔb dimul ndu aa: «Yandi, cɔm ya diola nɔmndan.» Mí langbanɔ kon ɲuna ndu aa: «Le yɛɛ n yeema yɛ le diola nilan sinaa?» Mó dɔaw Yakɔb duaa o fonda kon.

Condii lisai 41:11

Kɛ nɔm Mɛlɛka, tuinun ya iɲíí ma mingi ya simi. O kon, mì mingul nda o nda bɛnda le sɔlaa-o.

2Samiɛl 14:32

Mí Absalɔm mulul Yoab aa: «Le tùú yáà veelu nɔm le ya kuello o masaa lo ma kɛɛ-o. Yáà yeema mì nɔm óò kɔ ɲuna ndu kɔlɔ ya mal niko Kesur mí hun-ndo, ndóò ve fisa mì yáà lonnun ndon te? O laan ndu, mɛɛ mí tiiya o masaa lo! Te diyɔɔ o co ya ni, o dii ya.»

2Samiɛl 14:28

Mí Absalɔm tosa vɔsilan tan tiɔn Yerusalɛm, o del masaa lehɔl te.

2Samiɛl 14:24

Kɛ mí masaa dimi aa: «O kɔ sanaa o ndu lo bɛɛ, o fúlà ya o hɔl te!» O kon mí Absalɔm kɔa o ndu lo bɛɛ, o ci masaa a lehɔl te.

2Samiɛl 3:13

Mí David mulul ndu aa: «I cɛl le kpemaa yiiyo naa ŋiɔn. Kɛ o ya co nɔm ɲuna kpafii-o co hoo ni: hun mà fula ya o hɔl te, te a cuu ya fɔlɔn Mikal laa ni le, cua Saul-lo pɛɛn. Te a cuu ya pɛ ndu, a fula niko ya o hɔl.»

1Samiɛl 20:3

Mí David mɛnalan Yonatan aa: «Le Mɛlɛka yoomaa ho a le yoomu nɔmndo, nɔm Yonatan, piɔ́m nuu bendu lɛ le. Fuɲa nɔm sina maa caan nɔm ya co ni, lelan o dimi ni aa te nɔm Yonatan sina sɔɛi he pɛ, mɔnɛi bii nɔm.»

Ruti 2:10

Ruti tueyɔɔ lende, mó baŋ vulan Boas o labɛngunin, mó kuumbuu hɔlla lɛŋ, mó ɲuna ndu aa: «Le yɛɛ nɛ n co yɛ ya dɛnɛ kɛndɛ súúo ho tosallo? Le yɛɛ nɛ n ce yɛ ya miallo ho ɲia nuaa?»

O Kandɔɔ 50:4

Mɛɛ palɛi biisiei cuu, mí Yosɛf dimul vanaa bɛndua va vallo o Faraɔnnɔɔ lo cɛinin-nda aa: «A yandi, la soli ya o bahavɛiyo ho nin, la kɔ dimul-la Faraɔnnɔɔ maa

O Kandɔɔ 47:29

Mɛɛ o sina maa piɔ́m ndɔɔ co le tiiyaa, mó veelu Yosɛf po ndɔ, mó dimul ndu aa: «Taa ce ya pɛ ɲia, mɛɛ handu ba nɔmndo o lɔlu nuu bɛngu, mà mɛnan maa a co lo o lediom coo ma cɔm ya maa a ce ya ɲia, maa a kumbunin ya o lɛŋnde Esipte len nin nanu le.

O Kandɔɔ 19:19

A cii ya nin ɲia cɔ mà tosal-la dɛnɛ kɛndɔɔ taw. A cii ya nin ciindiaa. Kɛ i tiwnin ba mì ɲaanun o pembei coo le, yɔŋii kpundɔɔ ho komal-la lon mì vi.

Matie 18:10

La mandan le cuaambɔa pɔmbɔa vaa nuaa o pilɛ pɛɛsaa. Kani i co niaa dimul, mɛlɛkaa ndaa co Fuɲa ni co o halataala-o hɔlla tofaa o halataala tuŋ-tuŋ.

O Kandɔɔ 43:3

Mí Yuda mulul ndu aa: «Langbanɔ co lɛŋnde len bollen-ndo dimul naa ndi kpéŋ-kpéŋ maa te naa n kue a pɔmbɔ naa le, hali mì naa n fula lɛ ndu o hɔl te.

O Kandɔɔ 33:9

Mí Esau dimul ndu aa: «Pɔmbɔnndo, bolofaa co ya o ba taw. Lelan, manda ɲɛm nɔmndon le nɔm pila.»

O Kandɔɔ 33:11

Lelan, bii ɲɛ ya cuu nɔm hoo-o ya o ba. Kani Hala ce ya ɲia taw, ɲɛ-ɲɛ ka co ya o ba.» O lo Esau baŋnɔnndo kɔɔli háá mí Esau bii yɔŋɔɔ kon.