O Kandɔɔ 32:9 - BII BILA

⁹ Kani nuaa o va dimio o kɔl nin ni aa: «Te Esau del pɛ kundaa pilɛ coo mò nɔla ndu, kundaa pilɔɔ ɲaanun.»

O Kandɔɔ 32:9 Referans Kwoze

O Kandɔɔ 31:42

Te ndóò ve mí Hala Abraham-ndo, Hala Isaak fuɲa ni ndóò ɲiiya o hɔl-lo ndóò ve ya ikɛi le, a va ya hau tovɔɔ mì yáà muungu bala fondo. Kɛ Hala ce mɔnɛi luɛi ya-e a yɔkpa ya yɔkpa o vallo nin-ndo. Lelan, mí ndu pila kialu ciɛi icɔl yamɛi.»

O Kandɔɔ 31:13

Ya co Hala nɔ fonda n ke diolan aa Betɛl-lo ni, nɛɛ n tala cuɛiyan o pow sálà n simi-o coo-a pɛɛn, fonda n lo kon má yii kpemaa o ya lo-o kpeekpei. Lelan sisa, cɔn mà faŋan o lɛŋnden nden nin, mà muungu o lɛŋnde n velun nin-nden nin.»

O Kandɔɔ 28:13

Mɛlɛka pila va isisi ndu Yakɔb ikɛi, mó dimul ndu aa: «Ya co Mɛlɛka ni, Hala Abraham fuɲa nɔm mamaa a Hala Isaak-o. Lɛŋnde n co len ihini coo len, i co nɔm len yɔngu niaa cuavaa nɔmaa imamaa.

O Kandɔɔ 31:3

O kon mí Mɛlɛka dimul ndu Yakɔb aa: «Muungu vanaa nɔmnda o ibuŋ, o lɛŋnde fuɲaa nɔmnda nin, i vanin nɔm ikɛi.»

Condii lisai 50:15

O kon, paale niaa vanin o buulanndo nin-nden, la piɛi ya. I baŋanin niaa, mì la biilu ya.›

O Kandɔɔ 31:53

Hala Abraham-ndo a Hala Nahɔr-o co yamanɔɔ naa tɛɛn ni.» O kon, mí Yakɔb mɛnan o diola Hala fuɲa ndɔ ndóò ɲiiya o hɔl-lo.

Condii lisai 91:15

Taa piɛi pɛ ya, i mululnin nɔm. O sangaa nin bɛɛ, i vanin nɔm ikɛi. I baŋanin nɔm mì ke nɔm bɛɛlen.

2Dɛnnda lemasalan 32:20

O kon mí masaa Esekia nda Esai vana-tɛɛngaa-diom Hala-o, po Amɔt-o a piɛi Hala le sɔɛi ken.

2Dɛnnda lemasalan 20:6

mó piɛi aa: «Mɛlɛka, Hala fuɲaa naa mamaa co o halataala-o. Vɛ̀ɛ̀ o co nɔm te co masalen tosaa o masɛi co o lɛŋnden kpow coo-e coo le? Nɔm o ba yoomuan a kpaayaa co ni. Lelan, vana-vana nɔla mò simul nɔm te.

1Samiɛl 30:6

Mí mɔnɛi bii David taw, kani vannda va ndu kɔngɔlanndo le ndu viiyo a powtan, le mɔnɛi va nda le poaa ndaa a le cuavaa ndaa laandua-e. Kɛ mí Mɛlɛka Hala ndɔɔ luei ndu yoomuan.

Fulaa 3:6

Mó dimul ndu vɛlɛ aa: «Ya co Hala fuɲaa nɔmaa mamaa ni: Hala Abraham-ndo, Hala Isaak-o a Hala Yakɔb-o.» Mí Moise kumbu hɔlla, kani mí siòònde bii ndu le tofaa nɛɛ Hala va sɔɛi-ya.

O Kandɔɔ 31:29

Yáà nɔla mì yáà tosal niaa dɛnɛ vɔɔndo, kɛ Hala fuɲa nɔmndo soo ciɛi icɔl o ya lo, mó dimul-la aa ya caa, ya dimul nɔm ɲɛ-ɲɛ le, o va sɔɛi kɛndɛ o va sɔɛi vɔɔn.

O Kandɔɔ 17:7

Kpema ya yii hoo-o co va naa tɛɛn naa nɔm, a naa tɛɛn naa cuavaa nɔmaa imamaa le fɛɛn a fɛɛn, haliko mi va Hala nɔmndo a Hala cuavaa nɔmaa imamaa nɔm kɔɔli.

2Dɛnnda lemasalan 20:12

Éé Hala naa! Vɛ̀ɛ̀ a kilu nda iyama le? Kani n nɔ kpaaya le vanaa cɔvaa sɛ́lɛ́ bɛndua co naa ha hinullo-a simullo le, n sina ɲɛ naa n tosa le. Lelan naa n mulin o nɔm ndo le nɔm piɛiyo nuaa ni.»

O Kandɔɔ 28:15

Tofa vɔ, ya pila co nɔm ikɛi. Fonda oo fonda n kɔɛ pɛ, i mandanin nɔm. I minginin nɔm vɛlɛ o lɛŋnden nden nin. I melnin nɔm te háá mì peelu kpema ya cuel nɔm-ndo.»

O Kandɔɔ 32:8

Mí siòònde bii Yakɔb taw, mó buulan. Mó piɔw vanaa va ndu o ba-a kundalan latiɔn, mó piɔw vɛlɛ cɔlua pɔmbɔa a á bɛndua va ndu o ba-a a ɲɔɔmɛɛa kpow.

O Kandɔɔ 49:25

A toɲa, Hala fuɲa nɔm-ndo sɔɔnguunin nɔm ikɛi. Vana-Kpaayaa-Kpow dɔawnin nɔm duaa. Màá o tuisul nɔm piɔɔ fulaa coocoo, mò ke nɔm mɛnndan fulaa lɛŋ! Màá o ke nɔm cuawva a cɔlua taw-taw!

Yeremi 32:16

Yáà ciiyo Baruk po Neriya-o sɛbɛ lesei kon yɔngoo, mí piɛi Mɛlɛka aa: